Iragarkia

72. ALDIZKARIA - 2022ko apirilaren 11

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

694/2022 EBAZPENA, martxoaren 21ekoa, Funtzio Publikoko zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko funtzionarioak izendatzen dituena, prestakuntzako eta enpleguko erdi mailako tituludunen lanpostuetan aritzeko, eta lanpostua esleitzen diena.

Funtzio Publikoko zuzendari nagusiaren abenduaren 16ko 3506/2019 Ebazpenaren bitartez, deialdi bat onetsi zen Nafarroako Foru Komunitateko Administrazioaren eta haren erakunde autonomoen zerbitzuko prestakuntzako eta enpleguko erdi mailako tituludunen hogeita zazpi lanpostu oposizio bidez betetzeko. Ebazpena 2020ko 11. Nafarroako Aldizkari Ofizialean argitaratu zen, urtarrilaren 17koan.

Funtzio Publikoko zuzendari nagusiaren martxoaren 9ko 710/2020 Ebazpenaren bidez, deialdian onartu eta baztertutako izangaien behin-behineko zerrenda onetsi zen, eta deialdiaren I. eranskinean atzemandako akatsak zuzendu ziren. Ebazpen hori 2020ko 117. Nafarroako Aldizkari Ofizialean argitaratu zen, ekainaren 1ekoan.

Funtzio Publikoko zuzendari nagusiaren urriaren 5eko 2255/2020 Ebazpenaren bidez, kalifikazio epaimahaiaren osaera aldatu zen. Ebazpen hori 2020ko 248. Nafarroako Aldizkari Ofizialean argitaratu zen, urriaren 23koan.

Eta Funtzio Publikoko zuzendari nagusiaren urtarrilaren 11ko 58/2021 Ebazpenaren bidez, izangai onartu eta baztertuen behin betiko zerrenda onetsi zen. Ebazpen hori 2021eko 14. Nafarroako Aldizkari Ofizialean argitaratu zen, urtarrilaren 21ekoan.

Hautaprobak bukaturik, Funtzio Publikoko zuzendari nagusiaren irailaren 20ko 2569/2021 Ebazpenaren bidez, deialdiko 8. oinarrian ezarritako betebeharrak frogatzeko epea ireki zen, eta, ondoren, urtarrilaren 3ko 1/2022 Ebazpenaren bidez, lanpostu hutsak aukeratzeko ekitaldirako deia egin zen eta 10 egun balioduneko epea ireki zen lanpostuak aukeratzeko.

Ondoren, kalifikazio epaimahaiak izendapen proposamena egin zuen, probak gainditu zituzten izangaietatik deialdiko lanpostuetan sartzen zirenak izenda zitezen, lanpostuetarako betebeharrak betez gero. Proposamen hori 2022ko 32. Nafarroako Aldizkari Ofizialean argitaratu zen, otsailaren 14koan.

Eskatutako dokumentazioa behar zen epean aurkezturik eta proposatutako izangaiek betebeharrak betetzen dituztela egiaztaturik, bidezkoa da izendapena egitea eta bakoitzari dagokion lanpostu hutsa esleitzea.

Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,

EBAZTEN DUT:

1. Jarraian ageri direnak izendatzea Nafarroako Foru Komunitateko Administrazioaren eta haren erakunde autonomoen zerbitzuko funtzionario, prestakuntzako eta enpleguko erdi mailako tituludunen lanpostuetan aritzeko. Igoera txandatik: Eduardo María Valpuesta Cilveti jauna, Itziar Larraza Azcona andrea, María Vicenta Iriarte Osambela andrea, Miren Edurne Cía Guelbenzu andrea, Isabel López Ramírez andrea, Francisca Aguerri Taboada andrea, María Sagrario Esnoz Vidaurre andrea, Daniel Goñi Lara jauna, Beatriz Eslava Lizaso andrea, Isabel Aranda Elcuaz andrea eta Luis Iriarte Bellostas jauna, eta txanda irekitik: Augusto Esquíroz Sánchez jauna, Daniel Goñi Houghton jauna, Daniel Antón Arriazu jauna, Javier Iboleon Aranda jauna, Miren Edurne Maceira Martínez andrea, Patricia Gómez Aperte andrea, Laura Echeverría Azcona andrea, Xabier Burgui Vergara jauna, Milagros Romeo Morrás andrea, Pablo Lizarraga Díez de Ulzurrun jauna, Patricia Gil Carballo andrea, Estrella García Pérez de Arrilucea andrea, María Dolores Torrecilla Arizala andrea eta Ana Carmen Chávarri Ancin andrea.

2. Lanpostu hutsak esleitzea I. eranskinean xedatutakoarekin bat.

3. Xedatzea izendatutako izangaiek hilabeteko epean jabetu behar dutela lanpostuaz, Nafar Lansare-Nafarroako Enplegu Zerbitzuan (Tomás Caballero parkea, 1. “Fuerte del Príncipe II” eraikina, 31005, Iruña), hilabeteko epean, izendapena Nafarroako Aldizkari Ofizialean jakinarazi eta biharamunetik hasita, kontuan izanik argitaratze horrek jakinaraztearen ondorio berberak izanen dituela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. artikuluan ezarritakoari jarraikiz.

Aipatutako epean lanpostuaren jabetza hartzen ez duenak, behar bezala justifikatutako ezinbesteko kasuetan izan ezik, Nafarroako Foru Komunitateko Administrazioko eta haren erakunde autonomoetako funtzionario izateko eskubide guztiak galduko ditu.

4. Bete gabe deklaratzea 6232 eta 10543 zenbakiak dituzten lanpostu hutsak.

5. Ebazpen hau igortzea Nafar Lansare-Nafarroako Enplegu Zerbitzura, Funtzio Publikoko Zuzendaritza Nagusiko Langileriaren Kudeaketako Zerbitzura, Langileriaren Gastuaren Kontrolaren eta Nominen Zerbitzura, Egituraren, Lanpostuen Antolaketaren eta Langileen Plantillaren Zerbitzura eta Gizarte Prestazioen Zerbitzura, eta interesdunei jakinaraztea. Interesdunei aditzera ematen zaie ezen ebazpenaren aurka gora jotzeko errekurtsoa jartzen ahal dutela, Lehendakaritzako, Berdintasuneko, Funtzio Publikoko eta Barneko kontseilariari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan xedatutakoarekin bat.

6. Nafarroako Aldizkari Ofizialean argitara dadila agintzea.

Iruñean, 2022ko martxoaren 21ean.–Funtzio Publikoko zuzendari nagusia, Amaia Goñi Lacabe.

Iragarkiaren kodea: F2204388