Iragarkia

65. ALDIZKARIA - 2022ko martxoaren 31

1. NAFARROAKO FORU KOMUNITATEA

1.2. AGINTARIAK ETA LANGILEAK

1.2.1. Kargu-uzteak, izendapenak eta bestelako egoerak

493/2022 EBAZPENA, martxoaren 2koa, Funtzio Publikoko zuzendari nagusiak emana, behean aipatzen diren izangaiak Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatzen dituena, fisioterapeuta lanpostuetan aritzeko, eta lanpostua esleitzen diena.

Osasunbidea-Nafarroako Osasun Zerbitzuko zuzendari kudeatzailearen abuztuaren 18ko 695E/2020 Ebazpenaren bidez, deialdi bat onetsi zen Nafarroako Foru Komunitateko Administrazioaren Osasunbidea-Nafarroako Osasun Zerbitzuan fisioterapeuta izateko 24 lanpostu oposizio-lehiaketa bidez betetzeko. Deialdi hori 2020ko 209. Nafarroako Aldizkari Ofizialean argitaratu zen, irailaren 16koan.

2020ko 238. Nafarroako Aldizkari Ofizialean, urriaren 13koan, deialdiaren gai-zerrendan zegoen akatsaren zuzenketa argitaratu zen.

Urriaren 29ko 1642E/2020 Ebazpenaren bidez (2020ko 268. Nafarroako Aldizkari Ofiziala, azaroaren 17koa), deialdian onartutako eta baztertutako izangaien behin-behineko zerrenda onetsi zen.

Abenduaren 31ko 2023E/2020 Ebazpenaren bidez (2021eko 12. Nafarroako Aldizkari Ofiziala, urtarrilaren 19koa) behin betiko zerrenda onetsi zen.

Azkenik, urtarrilaren 22ko 94E/2021 Ebazpenaren bidez (2021eko 36. Nafarroako Aldizkari Ofiziala, otsailaren 16koa), behin betiko zerrendako akats-zuzenketa argitaratu zen.

Lehiaketaldia eta oposizioaldia amaiturik, hautapen prozesua puntuazio handienekin gainditzeagatik eta deialdian eskatutako betebeharrak betetzeagatik deialdiko lanpostuetan sartzen ahal ziren izangaiak izendatzeko proposamena argitaratu zen 2021eko 14. Nafarroako Aldizkari Ofizialean, urtarrilaren 20koan.

Eskatutako dokumentazioa epe barruan aurkeztu dutenez, eta proposatutako izangaiek eskatutako betebeharrak betetzen dituztela egiaztatu ondoren, bidezkoa da izangai horiek izendatzea eta lanpostuak esleitzea.

Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,

EBAZTEN DUT:

1. Honako izangai hauek Nafarroako Foru Komunitateko Administrazioaren eta haren erakunde autonomoen zerbitzuko funtzionario izendatzea, fisioterapeuta lanpostuetan aritzeko:

–Txanda irekia.

GRAZ ZUGASTI, MARIA

SORIA ARBILLA, ANA

NAVARRO ALONSO, ANAIS

VELEZ LARREA, OLGA

DIAZ MARTOS, ESTHER

CAPARROS MARTINEZ, AGUEDA MARIA

GIL BERASAIN, MARIA

USTARROZ MORELLA, SARA

LIZARRAGA LOPEZ, MAITE

BLANCO BARTOLOME, RAQUEL

ROMO SALADRIGAS, ORIOL

LOPEZ LOGROÑO, RICHARD

URZAIN ANDUEZA, EDURNE

MARIA SAN MIGUEL, IRIS

AZCONA ARRASATE, GARBIÑE

VICENTE MUÑOZ, INES

CAMARERO VARGA, CRISTINA

HERREROS MARTINEZ, PEDRO

MOÑUX BARTOLOME, ANDREA

2. Lanpostu hutsak esleitzea I. eranskinean xedatutakoarekin bat.

3. Izendatutako izangaiek hilabeteko epean jabetu behar dute lanpostuaz, izendapena Nafarroako Aldizkari Ofizialean jakinarazi eta biharamunetik hasita, kontuan izanik argitaratze horrek jakinaraztearen ondorio berberak izanen dituela, Administrazio Publikoen Administrazio Prozedura Erkideari buruzko urriaren 1eko 39/2015 Legearen 45. artikuluan ezarritakoari jarraikiz.

Aipatutako epean lanpostuaren jabetza hartzen ez duenak, behar bezala justifikatutako ezinbesteko kasuetan izan ezik, Nafarroako Foru Komunitateko Administrazioko eta haren erakunde autonomoetako funtzionario izateko eskubide guztiak galduko ditu.

4. Bete gabe gelditu dira 60793, 63055, 68674, 68675 eta 71171 zenbakiak dituzten lanpostu hutsak.

5. Ebazpen hau igortzea, behar diren ondorioak izan ditzan, Osasunbidea-Nafarroako Osasun Zerbitzura (Langileriaren eta Lan Harremanen Zuzendariordetzara eta Nafarroako Ospitale Unibertsitarioko eta Reina Sofia ospitaleko Langileriaren Zuzendaritzara), eta Funtzio Publikoko Zuzendaritza Nagusiko Langileriaren Kudeaketako Zerbitzura, eta interesdunei jakinaraztea, eta adieraztea ebazpen honen kontra gora jotzeko errekurtsoa paratzen ahal dela, Lehendakaritzako, Berdintasuneko, Funtzio Publikoko eta Barneko kontseilariari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluekin bat etorriz.

Iruñean, 2022ko martxoaren 2an.–Funtzio Publikoko zuzendari nagusiaren ordezko gisa, hura kanpoan baita (196/2019 Foru Agindua, abenduaren 18koa), Langileriaren Gastuaren Kontrolaren eta Nominen Zerbitzuko zuzendaria, Raquel San Martín Ederra.

Iragarkiaren kodea: F2203592