3. ESTATUKO ADMINISTRAZIOA
EBROKO KONFEDERAZIO HIDROGRAFIKOA
Iragarki oharra. Erreferentzia: 2020-A-71
Angel Maria Lopez Larrazak honako datu eta ezaugarri hauek dituen ur publikoen aprobetxamendua eskatu du:
Ur-ibilgua: Uzkullu erreka.
Hargunearen udalerria: Altsasu (Nafarroa).
Hargunearen kokapena: UTM ETRS89 (568838, 4750099), 30. eremua.
Erabileraren xedea: ureztatzea.
Erabileraren kokapena: Altsasuko udal mugartea, 3. poligonoko 691. lurzatia (Nafarroa).
Batez besteko emari baliokidea kontsumo handieneko hilean (l/s): 0,002.
Gehieneko bolumena urtean: 25 m³.
Aprobetxamenduaren xedea da ura zuzenean hartzea Uzkullu errekatik, ezkerreko bazterretik, motoponpa baten bidez; uneko gehieneko emaria 3,33 litrokoa izanen da segundoko. Motoponpak 4 cm-ko diametroa duen mahuka baten bidez bulkatuko du ura, ureztatu beharreko lurzatian dauden lau biltegitaraino (bakoitza m³ batekoa) eta 200 litroko 3 bidoitaraino. Ura apiriletik irailera bitarte hartuko da, bi hilabeteak barne, 685 m²-ko baratzea ureztatzeko.
Aditzera ematen da orok jakin dezan eta eskaera honek kalte egiten diela uste dutenek beren erreklamazioak Ebroko Konfederazio Hidrografikoari idatziz aurkezteko aukera izan dezaten, hogeita bost egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, espedientea eta dokumentazio teknikoa ikusgai egonen dira Ebroko Konfederazio Hidrografikoaren Jendaurreko Informazioaren Zerbitzuan (Sagasta pasealekua 24-28, Zaragoza), bulego orduetan (9:00etatik 14:00etara). Halaber, eskuragarri izanen da superficiales@chebro.es helbide elektronikoaren bidez eskaera egiten dutenentzat. Horretarako, hitzordua eskatu beharko da aldez aurretik 976711000 telefonoan edo información al ciudadano@chebro.es helbide elektronikoan.
Zaragozan, 2022ko otsailaren 23an.–Komisario albokoa, Javier San Román Saldaña.
Iragarkiaren kodea: E2203562
