2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
UHARTE ARAKIL
2022rako lan-egutegia
Udalbatzaren osoko bilkuraren 2021eko abenduaren 20ko erabakiaren bidez, Uharte Arakilgo Udalaren zerbitzura dauden langileentzako 2022ko lan-egutegia onartu da. Hona hemen xedapenak:
Lehenbizikoa.–Onestea Uharte Arakilgo Udalaren zerbitzuko langileek 2022an izanen duten jaiegunen egutegia, honen ondotik ematen den bezala:
–Urtarrilaren 6a, osteguna: Jaunaren Agerkundearen festa (Errege Eguna).
–Apirilaren 14a: Ostegun Santua.
–Apirilaren 15a: Ostiral Santua.
–Aprilaren 18a: Pazko astelehena.
–Ekainaren 24a: ostirala; herriko jaiak, San Juan.
–Abuztuaren15a: astelehena, abuztuko Jasokunde Maria.
–Irailaren 29a: osteguna; herriko jaia, San Migel.
–Urriaren 12a, asteazkena: Pilareko Andre Maria.
–Azaroaren 1a, asteartea: Omiasaindu.
–Abenduaren 6a, asteartea: Konstituzioaren eguna.
–Abenduaren 8a, osteguna: Ama Birjina Sortzez Garbia.
–Abenduaren 26a: Pazko bigarren eguna.
Bigarrena.–Uharte Arakilgo Udaleko langileen lanaldiaren egiazko lanordu kopurua urtean 1.592 da. Hortaz, kontuan izanik zenbat lanordu egiten diren egiatan eta zenbat jaiegunetan egonen den itxita udaletxea, 30 lanegun izanen dira opor egunak eta 3 egun, berriz, norberaren aferetarako.
Hirugarrena.–Uharte Arakilgo Udalaren bulegoetan, astelehenetik ostiralera bitarteko eguneroko lanaldia 7 ordu eta 20 minutu izanen da. Ordutegiari dagokionez, 8:00etatik 15:00ak arte lan egin beharko da; gainerako 20 minutuak egiteko langileek malgutasuna izanen dute, 07:40tik 08:00ak arte eta 15:00etatik 15:20ra arte. Jendea hartzeko ordutegia izanen da 10:00etatik 14:30 arte.
Garbiketako langileek beren egutegia izanen dute, betiere urterako ezarritako gehienekoaren barnean.
Artikulu honetako aitzineko apartatuetan ezarritako lanaldiaren banaketa ez zaie aplikatuko, zerbitzuaren beharrak direla eta, lanaldi berezia dutenei, ezta ordu konpentsazioren bat dutenei ere, horiek lan egutegi berariazkoa izanen baitute.
Laugarrena.–Otsailaren 9ko 11/2009 Foru Dekretuaren 30. artikuluan xedatzen den norberaren aferetarako baimen ordaindua (hiru lanegun, gehienez) orduka hartzen ahalko da.
Bosgarrena.–Orobat, baliogabeak izanen dira, 2022. urtean epeak kontatzeari dagokionez, larunbat eta igande guztiak eta Udalaren zerbitzuko langileendako jaiegunak.
Seigarrena.–Langileek hurrengo urteko urtarrilaren 31 arte ahal izanen dituzte aurreko urteari dagozkion oporrak, horietarako eskubidea sortu badute.
Zazpigarrena.–Ebazpen hau Nafarroako Aldizkari Ofizialean eta Uharte Arakilgo Udalaren iragarki-taulan argitaratzea.
Uharte Arakilen, 2021eko abenduaren 24an.–Alkatea, Jose Domingo Huarte Baleztena.
Iragarkiaren kodea: L2118105
