2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZANGOZA
2023rako karga-tasak
Zangozako Udalak, 2022ko azaroaren 28an egin osoko bilkuran, erabaki zuen 2022ko karga-tasei eustea 2023. urtean; hori guztia, Nafarroako Toki Ogasunei buruzko 2/1995 Foru Legean ezarritakoari jarraituz. Tasak hauek dira, eta adierazitako zergei dagozkie:
Lurraren kontribuzioa. Ehuneko 0,34ko karga-tasa ezartzea, 2023ko urtarrilaren 1etik aurrera ondorioak izan ditzan.
Eraikuntzen, instalazioen eta obren gaineko zerga (EIOZ): ehuneko 5eko karga-tasa.
Ekonomia-jardueren gaineko zerga (EJZ): 1,4ko indizea, gutxieneko kuoten gainean.
Hiri-lurren balio-gehikuntzaren gaineko zerga:
- Nafarroako Toki Ogasunei buruzko martxoaren 10eko 2/1995 Foru Legearen 175.2 artikuluan ezarritako koefiziente berdinak finkatzea, lurren balioaren gainean aplikatzeko.
- Honako karga-tasa hauek onestea, balio-gehikuntza sortzen den epearen araberakoak, hiri-lurren balio-gehikuntzaren gaineko zerga likidatzeko, 2023ko urtarrilaren 1etik aurrera ondorioak izan ditzan.
BALIO-GEHIKUNTZAREN SORTZEALDIA (URTEAK) | TASAK |
Urte batetik behera, -1-2-3 | %12 |
4-5-6-7-8-9-10-11-12-13-14-15 | %25 |
16-17 | %17 |
18-19-20 urte edo gehiago | %12 |
Argitara ematen da, orok jakin dezan.
Zangozan, 2022ko abenduaren 1ean.–Alkatea, Lucía Echegoyen Ojer.
Iragarkiaren kodea: L2216385