1. NAFARROAKO FORU KOMUNITATEA
1.7. BESTELAKOAK
238/2022 EBAZPENA, irailaren 14koa, Industria Antolamenduaren, Azpiegitura Energetikoen eta Meatzeen Zerbitzuko zuzendariak emana, eraikitzeko administrazio baimena ematen duena "La Falconera" izeneko parke fotovoltaikoa, 1.920 kW-ekoa, sarearekin konektatzeko aurreproiekturako, Erriberrin.
Industria Antolamenduaren, Azpiegitura Energetikoen eta Meatzeen Zerbitzuko zuzendariak 2022ko martxoaren 21ean emandako 61/2022 Ebazpenaren bidez, aurretiazko administrazio baimena eman zitzaien Carcar Gaya A, Escalera Galar E, I, Escalera Landivar F eta Nuin Valencia Jri "La Falconera" izeneko parke fotovoltaikoa, 1.920 kW-ekoa, sarearekin konektatzeko aurreproiekturako, Erriberrin.
2022ko apirilaren 25ean, sustatzaileak Industria Antolamenduaren, Azpiegitura Energetikoen eta Meatzeen Zerbitzuari jakinarazi zion aldatu egin zela proiektua sustatzen duen ondasun sozietatearen osaera, bazkideetako batek sozietatea utzi baitzuen.
2022ko abuztuaren 12an, Metallbauen Solar SLk, Escalera Galar Eduardo eta Iñigo, Escalera Landivar Fernando eta Nuin Valencia Javier ordezkatuz, honako eguzki-instalazio fotovoltaiko hau eraikitzeko administrazio baimena eskatu zuen:
–Izena: "La Falconera" izeneko parke fotovoltaikoa, 1.920 kW-ekoa.
–Instalazioaren titularra: Escalera Galar Eduardo eta Iñigo, Escalera Landivar Fernando eta Nuin Valencia Javier, ondasun erkidegoa.
–Instalazioaren kokalekua: Erriberriko udal mugarteko 15. poligonoko 943-J lurzatia.
–Instalazioaren ezaugarri teknikoak:
- Autokontsumorako eguzki-instalazio fotovoltaikoa, soberakinekin.
- Potentzia nominala, osotara: 1.920 kW.
- Sorgailu fotovoltaikoa:
- Muturreko potentzia, osotara, 2.203,2 kWp-koa, 34na moduluko 108 serietan banatua.
- TSM-DE20-600 modeloko modulu fotovoltaikoak (3.672 modulu), 600 Wp-koak, Alusin Solar etxearen altzairu galvanizatuzko egitura baten gainean, ardatz bakarreko jarraipen sistemarekin.
- Monitorizazio sistema, babesak eta neurketa ekipoak.
- Inbertsoreak: 12 inbertsore, HUAWEI markako SUN2000-185KTL-H1 modelokoak, 185 kW-eko gehieneko potentzia unitarioarekin (175 kW-eko potentzia nominala). Instalazioaren konexio puntuko (POI) gehieneko potentzia inbertsoreetan 1.920 kW-ekoa izanen da.
- Konexiorako instalazioa:
- Parke fotovoltaikoak sortutako energia I-DE Redes Inteligentesen jabetzako 13,2 kV-eko banaketa sarean injektatuko da.
- Inbertsore fotovoltaikoetako irteerako tentsioa mugako puntuko tentsiora jasoko da, parke fotovoltaikoaren lurzatian bertan egonen den "Abonatu fotovoltaikoaren Transformazio Zentroa" erabiliz. Aipatu zentroa honako hauek osatuko dute:
- Hormigoizko eraikin aurrefabrikatua.
- Erdi tentsioko gelaxkak: Erremontea + Neurketa barretan + Etengailu automatikoa + Neurketa.
- 2.000 kVA-ko potentzia transformadore 1.
- Behe tentsioko koadro orokorra.
- Ebakuazio linea, 13,2 kV-eko tentsio ertainekoa, lur azpitik joanen da "Zidacos TBA" izeneko azpiestazioraino, bertan dagoen bidearen areketan barna. Tentsio ertaineko lurpeko lineak, 12/20 kV-ekoak, 1.323 metro inguruko luzera izanen du.
- Sarearekin konektatzeko puntua eta tentsioa: Zidacos TBA (13,2 kV) azpiestazioko 13,2 kV-eko barra-kolektorean dagoen posizio batean dago, identifikatzaile bakarreko 789791 kodearekin.
–Aurrekontua: 1.263.742,28 euro.
Espedientean jasota dago sarbiderako eta konexiorako baimenaren eguneraketa, Iberdrola Distribución Eléctrica SAUk titular berriaren izenean emana.
Aurkeztutako dokumentazioa ikusita, eta abenduaren 1eko 1955/2000 Errege Dekretuaren VII. tituluan (energia elektrikoa garraiatu, banatu, merkaturatu eta horniketa egiteko jarduerak eta energia elektrikoaren instalazioak baimentzeko prozedurak arautzen dituena), ekainaren 6ko 413/2014 Errege Dekretuan (energia-iturri berriztagarrietatik, kogeneraziotik eta hondakinetatik energia elektrikoa ekoizteko jarduera arautzen duena) eta apirilaren 5eko 244/2019 Errege Dekretuan (energia elektrikoa kontsumitzeko baldintzak arautzen dituena) xedatutakoari jarraikiz, bidezkoa da eskatutakoa onartzea.
Adierazitakoarekin bat, eta Industriaren, Energiaren eta S3 Proiektu Estrategikoen zuzendari nagusiak azaroaren 18an emandako 52/2019 Ebazpenaren bidez eskuordetu dizkidan eskumenak (2019ko 234. Nafarroako Aldizkari Ofiziala, azaroaren 27koa) erabiliz, Nafarroako Foru Komunitateko Administrazioari eta foru-sektore publiko instituzionalari buruzko martxoaren 11ko 11/2019 Foru Legearen 32. eta 11. artikuluetan ezarritakoa betetzeko,
EBAZTEN DUT:
1. Eraikitzeko administrazio baimena ematea Escalera Galar Eduardo eta Iñigo, Escalera Landivar Fernando eta Nuin Valencia Javierri, aipatutako instalaziorako.
2. Onestea instalazioak egiteko aurkeztutako proiektua, Luis Torres Irungaray industria ingeniariak sinatua. Hogeita lau hilabete eman zaizkio obrak burutzeko.
3. Instalazioak aurkeztutako proiektuari jarraikiz gauzatu beharko dira, eta bat etorri beharko dute honako hauetan xedatutakoarekin: Goi tentsioko instalazio elektrikoen baldintza teknikoei eta segurtasun bermeei buruzko erregelamendua onesten duen maiatzaren 9ko 337/2014 Errege Dekretua; Goi tentsioko linea elektrikoen baldintza teknikoei eta segurtasun bermeei buruzko erregelamendua onesten duen otsailaren 15eko 223/2008 Errege Dekretua; eta Behe tentsiorako Erregelamendu elektroteknikoa onesten duen abuztuaren 2ko 842/2002 Errege Dekretua.
4. Behin proiektua gauzaturik, eskatzaileak zerbitzuan jartzearen akta eskatu beharko du. Eskaera horri erantsiko zaizkio aipatutako araudian ezarritako agiriak eta obra bukaeraren ziurtagiria, teknikari eskudun batek sinatua.
5. Eraikitzeko administrazio baimen hau emanda ere, instalazioa gauzatzeko beharrezkoak diren emakida, lizentzia eta baimen guztiak, publikoak nahiz pribatuak, lortu beharko ditu instalazioaren eskatzaileak, aplikatzekoak diren beste xedapen batzuekin bat.
6. Ebazpen hau Industria Antolamenduaren, Azpiegitura Energetikoen eta Meatzeen Zerbitzura igortzea, behar diren ondorioak izan ditzan.
7. Ebazpen hau Nafarroako Aldizkari Ofizialean argitaratzea, orok jakin dezan.
8. Ebazpen hau Escalera Galar Eduardo eta Iñigo, Escalera Landivar Fernando eta Nuin Valencia Javierri jakinaraztea, eta ohartaraztea ebazpen honek ez duela administrazio bidea amaitzen, eta haren aurka gora jotzeko errekurtsoa aurkez diezaioketela Garapen Ekonomiko eta Enpresarialeko kontseilariari, hilabeteko epean, jakinarazpena egin eta hurrengo egunetik hasita, espedientean zenbakia adierazita.
Iruñean, 2022ko irailaren 14an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.
Iragarkiaren kodea: F2212681
