Iragarkia

194. ALDIZKARIA - 2022ko irailaren 29a

1. NAFARROAKO FORU KOMUNITATEA

1.7. BESTELAKOAK

JENDAURREKO INFORMAZIOA. Galarren goi tentsioko instalazio elektrikoa jartzeko aurretiazko administrazio baimena eta eraikitzeko administrazio baimena emateari buruzkoa eta haren onura publikoa zehazki deklaratzeari buruzkoa. SAT11401 espedientea.

Sektore Elektrikoari buruzko abenduaren 26ko 24/2013 Legearen 54., 55. eta 56. artikuluetan eta abenduaren 1eko 1955/2000 Errege Dekretuaren 125. eta 144. artikuluetan ezarritako ondorioetarako, jendaurrean jartzen da I-DE Redes Eléctricas Inteligentes SAUren eskaera, goi tentsioko honako instalazio elektriko honi aurretiazko administrazio baimena eta eraikitzeko administrazio baimena emateko eta haren onura publikoa zehazki deklaratzeko:

a) Instalazioaren kokalekua: Galarreko udal-mugartea.

b) Xedea: dauden azpiegitura elektrikoak konektatzea.

c) Ezaugarri nagusiak: “Cordovilla-1 kablea” izeneko 13,2 kV-eko aireko linearen saihesbidearen proiektua, 5 eta 8 zenbakietako euskarrien artean, lurpera pasatzeko. Ukitutako P.I. Cordovilla 1 eta P.I. Cordovilla 2 transformazio zentroen eraberritzea. Honako jarduketa hauek eginen dira:

–Lurpeko trazadura egitea “Cordovilla-1 kablea” izeneko erdi tentsioko lurpeko linearen bidez hauek konektatzeko: Zaragozako errepidea 41 (180900340) eta Solanda (Cordovilla) (180000230) transformazio zentroak, bai eta P.I Cordovilla 1 (180013540) eta P.I Cordovilla 2 (180015300) transformazio zentroak ere. Sarrera era irteera azken bi zentro hauetan izanen da.

–P.I Cordovilla 1 eta P.I Cordovilla 2 transformazio zentroak eraberritzea.

–13,2 kV-ko aireko lineako zirkuitu bikoitza desmuntatzea: martxan dagoen 3006-03 “Cordovilla- 1 kablea” eta zerbitzuz kanpo dagoen 3006-01 “Cordovilla-Mendebaldeko ingurabidea”, desmuntatu beharreko 5 zenbakiko euskarritik 8 zenbakiko euskarrira, Cordovillako industrialdean.

d) Obra gauzatzeko aurrekontua: 116.002,73 euro.

Onura publikoaren deklarazioak berekin dakar ondasunak okupatu beharra edo ukitutako eskubideak eskuratu beharra, eta presako okupazioa ekarriko du, Desjabetzeari buruzko Legearen 52. artikuluaren ondorioetarako. Enpresa eskatzailea onuradun bihurtuko da desjabetze espedientean, Nahitaezko Desjabetzeari buruzko Legearen 2.2 artikuluan ezarritakoari jarraikiz.

Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, Iruña), kontsultak egin ahal izateko. Era berean, esteka honetan eskuratu daiteke informazioa:

https://gobiernoabierto.navarra.es/eu/partaidetza/prozesuak/espediente-sat11401

Alegazioak, iradokizunak eta oharrak idatziz aurkeztu beharko dira, edozein erregistro bulegotan, Nafarroako Gobernuaren Erregistro Orokor Elektronikoaren bidez, edo Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan ezarritako moduetatik edozeinetan. 30 egun balioduneko epean aurkeztuko dira, iragarki hau Nafarroako Aldizkari Ofizialean argitaratu eta biharamunetik hasita, eta zuzendu behar dira Garapen Ekonomiko eta Enpresarialeko Departamentuko Industria Antolamenduaren, Azpiegitura Energetikoen eta Meatzeen Zerbitzuko Azpiegitura Energetikoen Atalera, espediente zenbakia zein den adierazita.

Iruñean, 2022ko irailaren 8an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.

Iragarkiaren kodea: F2212245