Iragarkia

155. ALDIZKARIA - 2022ko abuztuaren 4a

1. NAFARROAKO FORU KOMUNITATEA

1.7. BESTELAKOAK

JENDAURREKO INFORMAZIOA, Galipentzun goi tentsioko instalazio elektriko bat jartzeko administrazio baimenari buruzkoa, exekuzio proiektuaren onespenari buruzkoa eta zehazki haren onura publikoa deklaratzeari buruzkoa. SAT11377 espedientea.

Sektore Elektrikoari buruzko abenduaren 26ko 24/2013 Legearen 54., 55. eta 56. artikuluetan eta abenduaren 1eko 1955/2000 Errege Dekretuaren 125. eta 144. artikuluetan ezarritako ondorioetarako, jendaurrean jartzen da I-DE Redes Eléctricas Inteligentes SAUren eskaera, goi tentsioko honako instalazio elektriko honi administrazio baimena eman, proiektua onetsi eta zehazki haren onura publikoa deklaratzeko:

a) Instalazioaren kokalekua: Galipentzuko udal mugartea.

b) Xedea: Dauden zenbait anomalia konpontzea.

c) Ezaugarri nagusiak: 13,2 kV-eko erdi tentsioko lur azpiko linearen saihesbidea, “Zangoza-Kaseda” zirkuituan, 8030 eta 8051 euskarrien artean. Honako jarduera hauek gauzatuko dira:

–Erdi tentsioko aireko linea:

• Proiektatutako euskarriaren (8032) eta dagoen euskarriaren artean (8051), bi euskarri berri instalatu behar dira, sareta modukoak (8031 eta 8032 euskarriak), eta 8034 euskarria desmuntatu.
• Sarea mozteko eskuzko organo berri bat instalatuko da linea bukaerako 8032 euskarri berrian.
• 8051 euskarrian, sarea mozteko eskuzko organo berri bat instalatuko da, LoadBuster banagailu polobakarra eta goiko gurutzeta desmuntatuko dira eta beheko gurutzeta igoko da.
• Dagoen LA-56 eroalea berriz tenkatzea, 8030 euskarriaren, proiektatu den 8031 euskarriaren eta proiektatu den 8032 euskarri berriaren artean. Luzera, guztira, 91 eta 158 metrokoa da, hurrenez hurren.
• 100-AL1/17-ST1A eroaleko baoa berriz tenkatzea, 8101 eta 8051 euskarrien artean (61 metro oinplanoan), bai eta 8051 eta 8801 euskarrien arteko baoa ere (LA-56 eroalea). Oinplanoan, 31 metro dira.
• 8032 eta 8051 euskarrien arteko aireko tartea desmuntatzea (LA-56 eroalea), oinplanoan 1850 metroko luzera duena. Guztira, 20 euskarri dira.

–Erdi tentsioko lur azpiko linea:

• “Zangoza-Kaseda” 13,2 kV-eko zirkuitua lur azpira eramatea, 8034 eta 8051 euskarrien artean. HEPRZ1 12/20 kV 1x240 K AL eroalea erabiliko da, eta guztira 2.091 m-ko luzera du oinplanoan.

d) Exekuzio materialaren aurrekontua guztira: 166.266,21 euro.

Onura publikoaren deklarazioak berekin du ondasunak okupatu beharra edo ukitutako eskubideak eskuratu beharra, eta presako okupaziora behartuko du, ondorioak izan ditzan Desjabetzeari buruzko Legearen 52. artikuluak. Enpresa eskatzailea onuradun bihurtuko da desjabetze espedientean, Nahitaezko Desjabetzeari buruzko Legearen 2.2 artikuluan ezarritakoari jarraikiz.

Espedientea jendaurrean jarriko da Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, Iruña), eta hura kontsultatu ahal izanen da, aldez aurretik hitzordua eskatuta helbide honetan: energia@navarra.es.

Era berean, informazioa esteka hauetan eskuratzen ahal da:

https://gobiernoabierto.navarra.es/es/participacion/procesos/expediente-sat11377

Alegazioak, iradokizunak edo oharrak idatziz aurkeztu beharko dira, Industria Antolamenduaren, Azpiegitura Energetikoen eta Meatzeen Zerbitzuari zuzenduak, 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik hasita.

Iruñean, 2022ko uztailaren 18an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.

Iragarkiaren kodea: F2210077