2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
EGUESIBAR
Deialdia, 2020-2021 denboraldian kirol eskolak antolatzen dituzten kirol klubei dirulaguntzak emateko. Laburpena
DDBN (Identifikazioa): 600940 Argitara ematen da deialdiaren laburpena, bat etorriz azaroaren 17ko 38/2003 Legearen 17.3.b eta 20.8.a artikuluekin (Dirulaguntzei buruzko Lege Orokorra); haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/600940).
Helburua eta xedea:
Deialdi honen xedea da dirulaguntzak emateko araubidea ezartzea Eguesibarko kirol eskolei laguntza emateko 2020-2021 kirol denboraldian (iraila-maiatza).
Eskatzaileen betebeharrak:
Diruz lagunduko dira kirol klubek sustatutako kirol eskolak, baldin eta ekintzak Eguesibarko udalerrian egiten badituzte (3.1 puntuan adierazitakoak izan ezik, horiek alorraren oniritzia izan beharko baitute), Eguesibarko Udalarekin sinatuta ez badute lankidetza-hitzarmenik, zerbitzu-kontrataziorik edo bestelako kontratu edo konpromisorik finantzaketa eskaeraren xede den proiektuari dagokionez, eta deialdi honen xederako Eguesibarko Udalaren dirulaguntzarik jaso ez badute, ez eta Eguesibarko Udaleko beste alorretako dirulaguntzarik ere, jarduera bererako.
4.2. Laguntzak eskatzen dituzten kirol klubek honako baldintza hauek bete behar dituzte:
4.2.1. Haien jarduera egokia izanen da Nafarroako kirolari buruzko uztailaren 5eko 15/2001 Foru Legean eta deialdi honen klausuletan adierazitako printzipio eta lehentasunekiko.
4.2.2. Bete eta betearazi beharko dute Eguesibarko kirol eskolak arautzen dituen ordenantza ez-fiskala.
4.2.3. Konpromisoa hartzen dute kirol modalitate bakoitzean ezarritako talde guztiak kudeatzeko. Espazioak eta ordutegiak Eguesibarko Udalak zehaztuko ditu.
4.2.4. Huts egiterik egin ez izana aurreko denboraldietan kirol eskolak antolatzen dituzten kirol klubei dirulaguntzak emateko deialdien oinarrietan edo Eguesibarko kirol eskolak arautzen dituen ordenantza ez-fiskalean, azken 4 urteetan.
4.2.5. Kirol mota bakoitzean, eskola bakar bati emanen zaio dirulaguntza.
4.2.6. Deialdi honetan arautzen diren laguntzak jasotzetik berariaz baztertuta daude Eguesibarren kirola egiteko udal espazio egokirik ez duten kirol eskola berriak.
Eskaerak aurkezteko epea:
Eskaerak aurkezteko epea 20 egun baliodunekoa izanen da, deialdi hau Nafarroako Aldizkari Ofizialean argitaratu eta biharamunetik hasita.
Sarrigurenen, 2021eko abenduaren 14an.–Alkatea, Amaia Larraya Marco.
Iragarkiaren kodea: L2200287
