1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Oposizioak eta lehiaketak. Lan publikoaren eskaintza
GORA JOTZEKO ERREKURTSOA Barneko zuzendari nagusiaren apirilaren 1eko 84/2022 Ebazpenaren aurka, zeinaren bidez onetsi baitzen Nafarroako Foruzaingoko agente lehenen zenbait lanpostu lehiaketaren edo lehiaketa berariazkoaren bidez betetzeko deialdia.
Nafarroako Foruzaingoko agente lehenen zenbait lanpostu lehiaketaren edo lehiaketa berariazkoaren bidez betetzeko deialdiaren barruan, Francisco Javier Tarazona Lizarralde jaunak, CSIF-NAVARRA Foruzaingoaren sindikatuaren izenean eta hura ordezkatuz, gora jotzeko errekurtsoa jarri du Barneko zuzendari nagusiaren apirilaren 1eko 84/2022 Ebazpenaren aurka.
Administrazio Publikoen Administrazio Prozedura Erkideari buruzko urriaren 1eko 39/2015 Legearen 118. eta 45. artikuluekin bat etorriz, horren berri ematen zaie interesdun guztiei, iragarki hau argitaratu eta biharamunetik hamar egun balioduneko gehieneko epean alegazioak aurkeztu ahal ditzaten, Erregistro Orokorrean (Nafarroako Jauregia, Karlos III.aren etorbidea 2, Iruña), edo aipatutako legearen 16. artikuluan adierazitako bideetako bat erabiliz.
Lehendakaritzako, Berdintasuneko, Funtzio Publikoko eta Barneko kontseilariaren maiatzaren 14ko 59/2020 Foru Aginduaren 8. atalean ezarritakoa aplikatuz, jarritako errekurtsoaren kopia eskuratu nahi duten interesdunek hura bidaltzeko eskatzen ahalko dute Erregistro Orokor Elektronikoaren bitartez (http://www.navarra.es/home_eu/Servicios/ficha/1718/Registro-General-Electronico1). Horretarako, eskaeran adierazi beharko dute zer helbide elektronikotara nahi duten bidaltzea kopia hori.
Iruñean, 2022ko ekainaren 14an.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F2208833
