2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZIZUR NAGUSIA
Aldaketa, Zizurlan lan kolaboratiborako eta ekintzailetzarako espazioaren erabilera eta zerbitzuaren prezio publikoak ezartzen dituen arauan. Behin betiko onespena
Zizur Nagusiko Udalak, 2022ko otsailaren 24an egindako osoko bilkuran, erabaki zuen hasiera batez onestea “Zizurlan” lan kolaboratiborako eta ekintzailetzarako espazioaren erabilera eta zerbitzuaren prezio publikoak ezartzen dituen arauko aldaketa.
Hasierako onespenaren erabakia argitaratu zen 2022ko 51. Nafarroako Aldizkari Ofizialean, martxoaren 11koan, eta jendaurreko epean inork ez du alegaziorik aurkeztu. Hortaz, arauko aldaketa hori behin betiko onetsi da, eta argitara ematen da, behar diren ondorioak izan ditzan; hori guztia, bat etorriz uztailaren 2ko 6/1990 Foru Legearen 325. artikuluan xedatuarekin (foru lege horrek hizpide du Nafarroako Toki Administrazioa); artikulu hori maiatzaren 31ko 15/2002 Foru Legeak aldatu zuen.
Zizur Nagusian, 2022ko maiatzaren 16an.–Alkatea, Jon Gondán Cabrera.
ARAUA, PREZIO PUBLIKOAK EZARTZEN DITUENA ZIZURLAN LANKIDETZAKO ETA EKINTZAILETZAKO EREMUKO ZERBITZURAKO ETA ERABILERARAKO
Kuotari buruzko 3. artikulua aldatzen da, eta azken xedapen bat gehitzen.
Kuota:
“3. artikulua.
Ordenantza honetan araututako prezio publikoaren zenbatekoa izanen da tarifa hauen arabera zehaztutakoa:
Lanpostuen prezioak
BANAKAKO LANPOSTUA | LEHEN URTEA | BIGARREN URTEA |
Pertsona autonomoak | 93,24 euro | 124,32 euro |
BANAKAKO LANPOSTUA | OROKORRA | LUZAROKO LANGABEAK | < 25 ETA > 45 URTE |
Ekintzaileak* | 51,80 euro | 41,44 euro | 31,08 euro |
Soldatapeko langileak (salbuespena**) | 155,40 euro | | |
* Ekintzailetzat hartuko da negozio/proiektu ideia bat garatzen ari dena, coworkingean alta emanda dagoen unean, eta jarduera horrengatik diru-sarrerak lortzen ez dituena. ** Salbuespen gisa eta espazio librerik baldin badago coworking Zizurlan lan kolaboratiborako eta ekintzailetzarako espazioan, enpresa batentzat telematikoki lan egiten duen pertsonek ere bertan parte hartu ahalko dute, autonomoak izan beharrik gabe. |
Bermea edo fidantza eskatuko da, bi hileko kuotaren zenbatekoa, eta espazioen erabilera bukatutakoan itzuliko da, egoera onean utzi badira, eta jarraikiz Zizurlan lankidetzako eta ekintzailetzako eremuaren funtzionamendurako eta barne kudeaketarako ordenantzari.
Espazioen prezioa
ESPAZIOA | BARNEKO LANGILEENTZAKO PREZIOA | KANPOKO LANGILEENTZAKO PREZIOA |
BEHEKO SOLAIRUA |
11 m-ko gela | 4,14 euro/ordua | 20,72 euro eguneko | 15,54 euro/ordua | 51,80 euro eguneko |
LEHEN SOLAIRUA |
11 m-ko gela | 4,14 euro/ordua | 20,72 euro eguneko | 15,54 euro/ordua | 51,80 euro eguneko |
BIGARREN SOLAIRUA |
44 m-ko gela | 10,36 euro/ordua | 51,80 euro eguneko | 31,08 euro/ordua | 103,60 euro eguneko |
Ezarritako prezio publikoan, onuradunek (barneko langileak) honako hauetarako izanen dute eskubidea:
- Lanaldi osoan daudenean:
- Beheko solairuan: banakako postua eta hari esleitutako altzariak, bilkura aretoaren erabilera, 2 ordu jarraian gehienez ere, eta zerbitzu amankomunak.
- Lehen solairuan: 44 m-ko bilkura aretoaren erabilera hilean 10 orduz, 12 ordura luzatzeko aukerarekin, gainerako erabiltzaileen eskaeraren arabera.
AZKEN XEDAPENA
Aldaketa honek Nafarroako Aldizkari Ofizialean argitaratu eta biharamunean hartuko du indarra, eta 2022ko urtarrilaren 1etik aurrera izanen ditu ondorioak.”
Iragarkiaren kodea: L2207104
