1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
55/2022 FORU DEKRETUA, maiatzaren 18koa, Carlos Sarasíbar Marco jauna Nafarroako Gardentasunaren Kontseiluko kide izendatzen duena.
Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 65. artikuluak Nafarroako Gardentasunaren Kontseiluaren osaera zehazten du. Kontseilua da Nafarroako Foru Komunitatean gardentasuna sustatzeko dagoen organo independentea, publizitate aktiboko betebeharrak betetzen direla zaintzen eta informazio publikoa eskuratzeko eskubidea bermatzen duena.
Martxoaren 17ko 21/2021 Foru Dekretuaren bidez, Nafarroako Gardentasun Kontseiluko kideak izendatu ziren, eta horien artean Nafarroako Arartekoak hautatutako ordezkaria.
Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 65.3 artikuluak xedatzen du Nafarroako Gardentasunaren Kontseiluko kideek kargua utziko dutela berek uko eginda, ordezkariaren eta ordezkatzen duen entitatearen arteko lotura desagertzen denean, heriotzaren ondorioz edo epai bidez ezgaituak izan ondoren.
Martxoaren 17ko 21/2021 Foru Dekretuaren indarrez Nafarroako Arartekoak hautatutako kidearen lotura desagertu da, bat etorriz Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 65.3 artikuluan xedatutakoarekin, zeinak xedatzen baitu Nafarroako Gardentasunaren Kontseiluko kideak lau urterako izendatuko dituela Nafarroako Gobernuak, Nafarroako Gardentasunaren Kontseiluko buruak proposatuta, kasuan kasuko entitateek edo erakundeek hautatu ondoren.
Egiaztatuta, espedientean jasota dagoen bezala, beharrezko izendapena egin dela eta Nafarroako Gardentasunaren Kontseiluko buruak izendapen-proposamena formalizatu duela, Lehendakaritzako, Berdintasuneko, Funtzio Publikoko eta Barneko kontseilariak proposatuta,
DEKRETATZEN DUT:
1. Carlos Sarasíbar Marco jauna Nafarroako Gardentasunaren Kontseiluko kide izendatzea, Nafarroako Arartekoaren ordezkari gisa, eta Inés Monreal Azcárate andrea, ordezko kide.
2. Foru dekretu hau jakinaraztea interesdunei, Lehendakaritzako, Berdintasuneko, Funtzio Publikoko eta Barneko Departamentuko Idazkaritza Tekniko Nagusiari, Nafarroako Gardentasunaren Kontseiluari eta Nafarroako Arartekoari.
3. Foru dekretu hau Nafarroako Aldizkari Ofizialean argitaratzea.
Iruñean, 2022ko maiatzaren 18an.–Nafarroako Gobernuko lehendakaria, María Chivite Navascués.–Lehendakaritzako, Berdintasuneko, Funtzio Publikoko eta Barneko kontseilaria, Javier Remírez Apesteguía.
Iragarkiaren kodea: F2207320
