1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
54/2022 FORU DEKRETUA, maiatzaren 18koa, xedatzen duena kargutik kentzea Francisco Javier Enériz Olaechea jauna, Nafarroako Gardentasunaren Kontseiluko kidea.
Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 65. artikuluak Nafarroako Gardentasunaren Kontseiluaren osaera zehazten du. Kontseilua da Nafarroako Foru Komunitatean gardentasuna sustatzeko dagoen organo independentea, publizitate aktiboko betebeharrak betetzen direla zaintzen eta informazio publikoa eskuratzeko eskubidea bermatzen duena.
Francisco Javier Enériz Olaechea jauna Nafarroako Gardentasunaren Kontseiluko kide izendatu zuten, Nafarroako Arartekoak proposatuta, martxoaren 17ko 21/2021 Foru Dekretuaren bidez.
Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 65.3 artikuluak xedatzen du Nafarroako Gardentasunaren Kontseiluko kideek kargua utziko dutela berek uko eginda, ordezkariaren eta ordezkatzen duen entitatearen arteko lotura desagertzen denean, heriotzaren ondorioz edo epai bidez ezgaituak izan ondoren.
Nafarroako Parlamentuak 2022ko martxoaren 10eko osoko bilkuran hartutako Erabakiaren bidez, ararteko berri bat izendatu da Nafarroan.
Nafarroako arartekoak hautatutako kidearen eta ordezkatzen duen erakundearen arteko lotura desagertu denez, Lehendakaritzako, Berdintasuneko, Funtzio Publikoko eta Barneko kontseilariak proposatuta,
DEKRETATZEN DUT:
1. Kargutik kentzea Francisco Javier Enériz Olaechea jauna, Nafarroako Gardentasunaren Kontseiluko kidea.
2. Foru dekretu hau interesdunari, Lehendakaritzako, Berdintasuneko, Funtzio Publikoko eta Barneko Departamentuko Idazkaritza Tekniko Nagusiari, Nafarroako Gardentasunaren Kontseiluari eta Nafarroako Arartekoari jakinaraztea.
3. Foru dekretu hau Nafarroako Aldizkari Ofizialean argitaratzea.
Iruñean, 2022ko maiatzaren 18an.–Nafarroako Gobernuko lehendakaria, María Chivite Navascués.–Lehendakaritzako, Berdintasuneko, Funtzio Publikoko eta Barneko kontseilaria, Javier Remírez Apesteguía.
Iragarkiaren kodea: F2207318
