2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BARAÑAIN
Ikastetxeetan jateko dirulaguntzen eskaera eta emakida arautzen duen deialdiaren laburpena. 2022/2023 ikasturtea
Oharra: testu osoa Diru-laguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index). DDBN (Identif.): 626106.
Diru-laguntza orokorrei buruzko azaroaren 17ko 38/2003 Legearen 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke. Dirulaguntzak (https://www.infosubvenciones.es/bdnstrans/GE/eu/convocatoria/626106).
Tokiko Gobernu Batzarrak 2022ko maiatzaren 9an hartutako erabakiaren bidez, Barañaingo Udalak aditzera ematen du ondoren agertzen diren oinarriak onetsi dituela: Dirulaguntzak ematea arautzen duten oinarriak, Barañainen bizi eta erroldaturik diren umeak joan daitezen 2022-2023 ikasturtean Haur Eskoletako eta Haur eta Lehen Hezkuntzako ikastetxe publiko eta itunduetako eskola jantokietara.
Eskabideak Barañaingo Udalaren erregistro elektronikoan aurkeztu beharko dira, 15 egun balioduneko epean, oinarriak Nafarroako Aldizkari Ofizialean argitaratu eta hurrengo egunetik aurrera, eta eskabideak aurkeztu diren azken egun balioduneko 23:59ak baino lehen, edo, eskabidea aurrez aurre egiten bada herritarren arretarako bulegoaren eta/edo Barañaingo Oinarrizko Gizarte Zerbitzuaren bidez, eskabideak aurkeztu diren azken egun balioduneko 14:00ak baino lehen.
Barañainen, 2022ko maiatzaren 11n.–Alkate udalburua, María Lecumberri Bonilla.
Iragarkiaren kodea: L2206915
