Iragarkia

91. ALDIZKARIA - 2021eko apirilaren 22a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

IRUÑERRIKO MANKOMUNITATEA

Garraioaren Hiria (3. eta 4. faseak) eta Elorzko industrialdea hornitzeko proiektua. desjabetzea

Iruñerriko Mankomunitateko Batzorde Iraunkorrak, 2021eko martxoaren 29an egin zuen saioan, erabaki hau hartu zuen.

“Garraioaren Hiria (3. eta 4. faseak) eta Elorzko industrialdea hornitzea” lanaren xedea da Garraioaren Hiriko 3. eta 4. faseak eta Noain Elortzibar udalerrian eraiki nahi den 85 hektareako industrialdea hornitzeko beharrezkoak diren instalazioak eraikitzea.

Instalazio horiek, hain zuzen, hauek dira: D400 diametroko xurgatze- eta bulkatze-hodi bat egitea (hodi horren 1.337 ml lursail partikularretatik igaroko lirateke), ponpaketa-instalazio batzuk, Garraioaren Hiriko eremu lorategidun batean eraikiko liratekeenak, eta 4.000 m3-ko biltegi erregulatzaile berri bat (bertara iristeko bidea ere bai). 8.554 m2-ko azalera behar dute denen artean.

2021eko otsailaren 23an, Iruñerriko Zerbitzuak, SA sozietateko Administrazio Kontseiluak “Garraioaren hiria (3. eta 4. faseak) eta Elorzko Industrialdea Hornitzea” proiektua onartu zuen, eta administrazioari jakinarazitako aurrekontua 4.351.437,92 euro da (%21eko BEZa barne hartuta).

Kontuan hartuta, Nahitaezko Desjabetzearen Legearen 10. artikuluaren eta Nafarroako Toki Administrazioaren Foru Legearen 215.2 artikuluaren arabera, Iruñerriko Mankomunitateko Batzorde Iraunkorrak obren planei eta tokiko zerbitzuei dagozkien obren proiektuak onartu behar dituela, izan ere, onartzeak inplizitu baitakar erabilera publikokotzat deklaratzea eta haietan jasotako ondasunak okupatu behar izatea, nahitaezko desjabetzearen eraginetarako.

Obra horiek egiteko beharrezkoak diren lursailak desjabetzea beharrezkoa izanik, eta aintzat hartuta, Nafarroako Toki Administrazioaren Foru Legearen 47.4 eta 29. artikuluen, Toki Araubidearen Oinarriak arautzen dituen Legearen 4.1.d) artikuluaren eta Iruñerriko Mankomunitatearen Estatutuen 4. artikuluaren arabera, erakunde honek desjabetze-ahalmena gauzatu ahal duela, egokia da desjabetzeko espedientea hastea. Horrenbestez,

HITZARTU DA:

1.–“Garraioaren hiria (3. eta 4. faseak) eta Elorzko Industrialdea Hornitzea” obraren proiektua onartzea, desjabetzeko espedientea hastea eta proiektu horrek ukitzen dituen ondasun eta eskubideen zerrenda hasiera batean ONARTZEA. Onuraduna “Iruñerriko Zerbitzuak, SA” izango da.

2.–Proiektuak ukitutako ondasun eta eskubideen onura publikoa eta okupatu beharra Aitortzea eta deklaratzea, onarpenari lotuta baitaude.

3.–Proiektua eta ukitutako ondasun eta eskubideen zerrenda jendaurrean edukitzea hamabost egun baliodunean, interesdunek denbora horretan egokiak iruditzen zaizkien ohar edo alegazio guztiak eta argitaratutako zerrendako okerrak zuzentzeko behar diren datuak ekar ditzaten, idatziz. Idatzia Iruñerriko Mankomunitatearen egoitzara (Chinchilla Jeneralaren kalea, 7, 31002, Iruñea, Nafarroa) eta Noain Elortzibarko udaletxera bidali ahal izango dute. Egoitza horietan, hain zuzen, proiektuaren eta lursail-planoen kopia bat edukiko dute eskura.

4.–Akordio hau argitaratzea, ukitutako ondasunen eta eskubideen zerrendarekin batera, Nafarroako Aldizkari Ofizialean, Foru Komunitateko egunkari batean, eta Iruñerriko Mankomunitateko eta Noain Elortzibarko udaletxeko iragarki-oholetan.

5.–Ebazpen hau ukituei jakinaraztea, erabaki hau inpugnatzerik ez dagoela ohartaraziz, administrazio-bidea amaitzen ez duen tramiteko egintza baita.

Iruñean, 2021eko martxoaren 29an.–Lehendakaria, David Campión Ventura.

Iragarkiaren kodea: L2105283