2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Deialdia, 2021ean LGTBI taldeei dirulaguntzak emateko, norgehiagokako araubideari jarraikiz. Laburpena
DDBN (Identifikazioa): 555940.
Argitara ematen da deialdiaren laburpena, bat etorriz azaroaren 17ko 38/2003 Lege Orokorraren 17.3.b eta 20.8.a artikuluekin (Dirulaguntzei buruzko Lege Orokorra); haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/555940).
Dirulaguntzak ematea beren jarduera guztia Iruñeko udal-mugartean egiten duten Iruñeko irabazi-asmorik gabeko LGTBI elkarte, talde eta entitateei, honako proiektu hauek finantzatzeko: lesbiana, gay, transexual, transgenero, bisexual eta intersexualen berdintasuna, parte-hartzea eta presentzia sustatzea gizartean, ekonomian, kulturan eta lan munduan, erabateko gizarteratzea gerta dadin, bai eta horiei lagunduko dieten azterlanen eta dokumentazioaren ezagutza, ikerketa eta zabalkundea ere, 2021ean.
Kontuan hartuta COVID-19ak eragindako osasun-krisiak gizarte egoera zalantzagarri eta aldakorraren aurrean jartzen gaituela, aurreikus daiteke proiektuen garapenean eragina izanen dutela osasun-alarmaren eta gerora sor litezkeen egoeren ondoriozko arau eta gomendioek.
Horregatik, Iruñeko herritarrei zuzendutako proiektuek kontuan hartuko dituzte gizarte distantziaren derrigortasun arauak, maskaren erabilera, desinfekzioa, higiene neurriak eta osasun eta udal agintariek argitaratzen eta gomendatzen dituzten arau guztiak.
Gomendatzen da lehentasuna ematea online jarduerak dituzten proiektuak garatzeari eta Interneten baliabideak erabiltzeari, edo gerta litezkeen osasun-arloko gorabeheren aurrean jarduera presentzialen ordezko plan bat izatea, programek izan ohi dituzten ezaugarriengatik eta horiek garatu ohi diren espazioengatik.
Iruñean, 2021eko apirilaren 6an.–Kultura eta Berdintasuneko zinegotzi ordezkaria, María García-Barberena Unzu.
Iragarkiaren kodea: L2105472
