2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TUTERA
Barne Eraberritze eta Babeserako Plan Bereziko (BEBPB)
UE-19 unitatea desjabetzeko proiektua, Coscolin labeko
hiri-jarduketarako plan bereziaren eremuan
Tuterako Udalaren Gobernu Batzarrak, 2021eko martxoaren 18an, hasiera batez onetsi du BEBPBko UE-19 unitatea baterako tasazio prozeduraren bidez desjabetzeko proiektua, Tuterako Coscolin labeko hiri-jarduketarako plan bereziaren eremuan, bai eta dagokion desjabetze-espedientea hastea ere. Proiektua Nasuvinsak aurkeztu du, Blasco Esparza Tudelak eta De Urban Abogadosek prestatuta.
Hartutako erabakiaren xedapen zatiak hauxe dio:
Lehenbizikoa.–Hasiera batez onestea BEBPBko UE-19 unitatea baterako tasazio prozeduraren bidez desjabetzeko proiektua, Tuterako Coscolin labeko hiri-jarduketarako plan bereziaren eremuan. Proiektua Nasuvinsak aurkeztu du, Blasco Esparza Tudelak eta De Urban Abogadosek prestatuta.
Bigarrena.–Desjabetze-espedientea hastea BEBPBko UE-19 unitatean, Tuterako Coscolin labeko hiri-jarduketarako plan bereziaren eremuan, baterako tasazio prozeduraren bitartez.
Hirugarrena.–Nafarroako Lurzorua eta Etxebizitzak SA desjabetzearen erakunde onuradun deklaratzea, Nasuvinsaren eta Tuterako Udalaren artean sinatutako hitzarmenari jarraituz.
Laugarrena.–Espedientea jendaurrean edukitzea hilabetean, iragarkia paratuta Nafarroako Aldizkari Ofizialean, gutxienez, Nafarroako Foru Komunitatean argitaratutako egunkarietan eta Udalaren iragarki-taulan. Espedientea Hirigintzako Administrazio Unitatean dago, aztertu nahi duen ororen eskura, bidezko iritzitako alegazioak aurkez daitezen, idatziz, Udaleko Erregistro Orokorraren bitartez.
Bosgarrena.–Espedientean ondasun edo eskubideen titular gisa agertzen diren pertsonei tasazioak jakinaraztea, banaka, hitzez hitzeko prezio-orria eta balorazio irizpideak finkatzeko proposamena igorrita, alegazioak egin ditzaten hilabeteko epean, jakinarazpen egunetik hasita.
Argitara ematen da, orok jakin dezan.
Tuteran, 2021eko martxoaren 18an.–Alkate udalburua, Alejandro Toquero Gil.
Iragarkiaren kodea: L2105089
