2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BERA
Kudeaketako hirigintza-hitzarmena 1. poligonoko 20. lurzatian. Hasierako onespena
Berako Udaleko alkateak, martxoaren 26ko 76/2021 Ebazpenaren bidez, hasierako onespena eman zion Gorka Irazoqui Echeverriarekin sinatu beharreko kudeaketako hirigintza-hitzarmenaren proiektuari, Lurraldearen Antolamenduari eta Hirigintzari buruzko Foru Legearen testu bategina onesten duen 1/2017 Legegintzako Foru Dekretuaren 115.4 artikuluan ezarritako lagapen-betebeharra gauzatzeko; hain zuzen ere, Berako Katastroko 1. poligonoko 20. lurzatian dagoen etxebizitzaren ondoan garajea eraikitzeko da.
Lurraldearen Antolamenduari eta Hirigintzari buruzko Foru Legearen testu bategina onesten duen uztailaren 26ko 1/2017 Legegintzako Foru Dekretuaren 25. artikuluarekin bat etorriz, espedientea jendaurrean izanen da hogei egun baliodunen epean, iragarki hau Nafarroako Aldizkari Ofizialean argitara ematen denetik hasita, azter dadin eta bidezko alegazioak aurkez daitezen.
Beran, 2021eko martxoaren 31n.–Alkatea, Aitor Elexpuru Egaña.
Iragarkiaren kodea: L2105397
