80. ALDIZKARIA - 2021eko apirilaren 12a

1. NAFARROAKO FORU KOMUNITATEA

1.7. BESTELAKOAK

INFORMAZIO PUBLIKOAREN BIGARREN TRAMITEA: “La Tejería” haize-parkea, Fontellasko udal-mugartean (1129-CE)

2020ko uztailaren 15ean, eta Nafarroan haize-parkeentzako baimenak arautzen dituen maiatzaren 8ko 56/2019 Foru Dekretuaren 7. artikuluan ezarritako ondorioetarako, Industriaren, Energiaren eta S3 Proiektu Estrategikoen Zuzendaritza Nagusiak jendaurrean jarri zuen Aalsmeer Tejería SLk 2020ko maiatzaren 22an aurkeztutako eskaera, “La Tejería” 24 MW-eko haize-parkearen eta parketik energia ateratzeko azpiegituren espedienteari buruzkoa.

Sustatzaileak 2021eko otsailaren 18an bidalitako informazio osagarria jaso delarik, proiektuaren informazio publikoaren tramitea hasten da bigarrenez.

–Eskatzailea: Aalsmeer Tejería SL.

–Xedea: proiektua jendaurrean jartzea eta ingurumen inpaktua aztertzea, honako helburu hauekin: ingurumen inpaktuaren ebaluazio arrunta tramitatzeko prozedura abiaraztea eta aurretiazko administrazio baimena lortzea.

–Instalazioen deskribapena: “La Tejería” haize-parkea, 24 MW-ekoa, eta bertatik energia ateratzeko azpiegiturak.

–Proiektua baimentzeko eskumena duen organoa: Industriaren, Energiaren eta S3 Proiektu Estrategikoen Zuzendaritza Nagusia.

Informazioa ikusgai egonen da Industriaren, Energiaren eta S3 Proiektu Estrategikoen Zuzendaritza Nagusiko Industria Antolamenduaren, Azpiegitura Energetikoen eta Meatzeen Zerbitzuan, baita helbide honetan ere:

https://gobiernoabierto.navarra.es/eu/partaidetza/prozesuak/tejeria-parke-eolikoa-aldatua-espediente-1129-ce, interesdunek azter dezaten eta, nahi izanez gero, bidezkotzat jotzen dituzten alegazioak, iradokizunak eta oharrak egin ditzaten.

Alegazioak, iradokizunak edo oharrak idatziz aurkeztu beharko dira Industria Antolamenduaren, Azpiegitura Energetikoen eta Meatzeen Zerbitzuan (Tomás Caballero parkea 1, 5. solairua, 31005 Iruña), 30 egun balioduneko epean, iragarki hau Nafarroako Aldizkari Ofizialean argitaratu eta biharamunetik hasita.

Iruñean, 2021eko martxoaren 22an.–Industria Antolamenduaren, Azpiegitura Energetikoen eta Meatzeen Zerbitzuko zuzendaria, Laura Larraya Irigoyen.

Iragarkiaren kodea: F2104891