2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Iruñeko kirol-entitateei dirulaguntzak norgehiagokako
araubidean emateko deialdia, 2020-2021eko denboraldian, izaera profesionala ez duten nazioko elite-lehiaketa
ofizialetan, maila absolutuan, parte hartzeagatik.
Laburpena. DDBN (Identif.): 553397
Dirulaguntza orokorrei buruzko azaroaren 17ko 38/2003 Legearen 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa Dirulaguntzen Datu Base Nazionalean aurki daiteke (https://www.infosubvenciones.es/bdnstrans/GE/eu/convocatoria/553397).
Administrazio deitzailea: Iruñeko Udala.
Alor kudeatzailea: Gizarte Zerbitzuetako, Komunitate Ekintzako eta Kiroleko Alorra.
Instrukzio-organoa: Dirulaguntza kudeatzen duen Alorreko Idazkaritza Teknikoa.
Deialdiaren xedea: deialdi honen xedea da diruz laguntzea, norgehiagokako araubidean, Iruñeko kirol-entitateen parte-hartzea, nazioko elite-lehiaketa ofizial ez-profesionaletan, maila absolutuan, 2020-2021eko denboraldian.
Dirulaguntzaren xede diren jarduketen helburu nagusia Iruñeko taldeek eta kirolariek nazioko elite-lehiaketa ofizial ez-profesionaletan, maila absolutuan, parte hartzen laguntzea da, honako zio guztiengatik edo batzuengatik: a) Iruñeko izena eta irudia Nafarroatik haratago eramatea; b) maila goreneko lehiaketa-kirol ofizialetan gizon- zein emakume-erreferenteak ikusaraztea, kirola sustatze aldera; eta c) hirian eragin ekonomiko eta turistikoa izatea.
Iruñean, 2021eko martxoaren 3an.–Gizarte Zerbitzuetako, Komunitate Ekintzako eta Kiroleko Alorreko zinegotzi ordezkaria, María Caballero Martínez.
Iragarkiaren kodea: L2104488