Iragarkia

71. ALDIZKARIA - 2021eko martxoaren 30a

3. ESTATUKO ADMINISTRAZIOA

GOBERNUAREN ORDEZKARITZA

Jendaurreko informazioa, Abeto New Energy izeneko 93 MWp-eko eguzki instalazio fotovoltaikoaren eta haren ebakuazio azpiegituren aurretiazko administrazio baimenaren eta ingurumen-inpaktuaren adierazpenaren eskaerari buruzkoa, eta instalazioko azpiestazioa eta sustatzaileen azpiestazio kolektorea lotzen dituen 66 kV-eko lurpeko linearen onura publikoaren deklarazioari buruzkoa

Sektore Elektrikoari buruzko abenduaren 26ko 24/2013 Legearen 53.1.a) artikuluan, Ingurumen Ebaluazioari buruzko abenduaren 9ko 21/2013 Legearen 36. eta 37. artikuluetan eta Energia elektrikoa garraiatu, banatu, merkaturatu eta horniketa egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 124. eta 125. artikuluetan ezarritakoarekin bat, jendaurrean jartzen da eskaera hau, Abeto New Energy izeneko 93 MW-eko eguzki instalazio fotovoltaikoaren aurretiazko baimen administratiboa eman eta ingurumen-inpaktuaren azterketa egitekoa. Hona eskaeraren ezaugarri nagusiak:

–Eskatzailea: Abeto New Energy SL (helbidea: Serrano kalea 21, 5. solairua, 28001, Madril).

–Eskaeraren xedea: Abeto New Energy izeneko 93 MW-eko eguzki instalazio fotovoltaikoaren eta haren ebakuazio azpiegituren aurretiazko administrazio baimenaren eta ingurumen-inpaktuaren adierazpenaren eskaera eta 66 kV-eko linearen onura publikoaren deklarazioa.

–Organo eskuduna: aurretiazko administrazio baimenaz ebazteko eskumena duen organo substantiboa Trantsizio Ekologikorako eta Erronka Demografikorako Ministerioko Politika Energetikoaren eta Meategien Zuzendaritza Nagusia da. Ingurumen-inpaktuaren adierazpena emateko eskumena duen ingurumen arloko organoa Trantsizio Ekologikorako eta Erronka Demografikorako Ministerioko Ingurumen Kalitatearen eta Ebaluazioaren eta Ingurune Naturalaren Zuzendaritza Nagusia da.

–Tramitazio organoa: Gobernuaren Nafarroako Ordezkaritzako Industria eta Energia Arlo Funtzionala. Alegazioak arlo funtzional horiei zuzenduko zaizkie, bakoitzari dagokion heinean, Gobernuaren Nafarroako Ordezkaritzan, helbide honetan: Merindadeen plaza, z.g., 31071 Iruña.

–Instalazioen deskribapena: Proiektatzen den eguzki instalazio fotovoltaikoa Erriberriko udal-mugartean kokatuko da (Nafarroa), eta ebakuazio azpiegiturek Erriberriko eta Tafallako udal-mugarteak ukituko dituzte (Nafarroa).

Instalazioen ezaugarriak hauek dira:

• Abeto New Energy izeneko eguzki instalazio fotovoltaikoa: 540 Wp-eko 172.220 modulu fotovoltaiko (paratu beharreko potentzia 93 MWp-ekoa da guztira), eta elkar lotzeko lurpeko 30 kV eko lineak.
• 30/66 KV-eko azpiestazioa: transformazio azpiestazioa, 100 MVA-ko 66/30 kV-eko potentziako transformadorea duena, eta 66 kV-eko instalazioko lurpeko linea bat, 3.083,09 metro luze dena, instalazioko energia ebakuatzeko.
• Sustatzaileen Tafallako 66/220 KV-eko TAEa: transformazio azpiestazioa, 140 MVA-ko 220/66 kV-eko potentziako transformadorea duena.
• 220 KV-eko GTALa, sustatzaileen Tafallako TAEa-220 KV-eko Tafallako TAEa: 220 kV-eko aireko linea, 125,76 metroko luzerakoa eta LA-455 eroalea, energia ateratzeko punturaino (REErena).

–Aurrekontu zenbatetsia:

• eguzki instalazio fotovoltaikoa eta haren ebakuazio azpiegiturak: 45.659.222,44 euro.

–Xedea: energia elektrikoa sortzea eguzki instalazio fotovoltaiko baten bidez, eta hura ebakuatzea energia elektrikoa garraiatzeko sarera.

–Proiektu honen administrazio baimena onestea Trantsizio Ekologikorako eta Erronka Demografikorako Ministerioaren eskumena da, eta ingurumen-inpaktuaren ebaluazio arruntaren menpe dago. Horrez gain, jendaurreko informazioaren tramitea ere bete behar duenez, batera egiten dira proiektuarena eta ingurumen-inpaktuaren azterketarena, Ingurumen Ebaluazioari buruzko abenduaren 9ko 21/2013 Legearen 36. artikuluarekin bat.

Eta hori guztia aditzera ematen da orok jakin dezan eta aztertu ahal izan daitezen proiektua, ingurumen-inpaktuaren azterketa eta lurzatien planoak, eta, hortaz, dokumentu guztiak, teknikoak eta ingurumenari buruzkoak, Gobernuak Nafarroan duen Ordezkaritzako Industria eta Energia Arloan (Merindadeen plaza z.g., 31071, Iruña), aurretik hitzordua eskatuta, edo esteka honetan:

http://www.seat.mpr.gob.es/portal/delegaciones_gobierno/delegaciones/navarra/proyectos-ci.html

Ukitutako udaletxeetan ere kontsultatzen ahalko da dokumentazio osoa.

Interesdunek bidezkotzat jotzen dituzten alegazioak aurkezten ahal dituzte, arlo honi zuzenduak, iragarki hau argitaratu eta hogeita hamar eguneko epean, bai idatziz, euskarri fisiko batean, Gobernuaren Ordezkaritzaren Erregistro Orokorrean, bai Estatuko Administrazio Orokorraren Erregistro Elektronikoaren bidez (https://rec.redsara.es), bai Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan adierazten diren moduetan.

Ondoren, ukitutako ondasunen edo eskubideen banakako zerrenda zehatza ematen da, eskatzaileak uste baitu haien onura publiko deklarazioa egin behar dela:

Iruñean, 2021eko martxoaren 15ean.–Industria eta Energia Arloko zuzendaria, Ignacio Irujo Sanz.

Iragarkiaren kodea: E2104504