3. ESTATUKO ADMINISTRAZIOA
GOBERNUAREN ORDEZKARITZA
Iragarkia, Gobernuak Nafarroan duen Ordezkaritzako Industria eta Energiaren Arlo Funtzionalarena, zeinaren bidez jendaurrean jartzen baita honako honen aurretiazko administrazio baimenaren eta ingurumen-inpaktuaren adierazpenaren eskaera:
“El Portillejo-6 eguzki instalazio fotovoltaikoa, 49,99 MW-ekoa”
eta haren ebakuazio azpiegiturak
Artikulu hauetan ezarritakoaren ondorioetarako: Sektore Elektrikoari buruzko abenduaren 26ko 24/2013 Legearen 53.1.a) artikulua, Ingurumen Ebaluazioari buruzko abenduaren 9ko 21/2013 Legearen 36. eta 37. artikuluak eta Energia elektrikoa garraiatu, banatu, merkaturatu eta hornidura egiteko jarduerak eta instalazioak baimentzeko prozedurak arautzen dituen abenduaren 1eko 1955/2000 Errege Dekretuaren 124. eta 125. artikuluak; jendaurrean jartzen da honako instalazioaren aurretiazko administrazio baimenaren eta ingurumen-inpaktuaren adierazpenaren eskaera: “El Portillejo-6 eguzki instalazio fotovoltaikoa, 49,99 MW-ekoa”. Hona hemen haren ezaugarriak:
–Eskatzailea: Global Solar Energy Once SL (helbidea: Partenón etorbidea 10, 28042 Madril).
–Eskaeraren xedea: “El Portillejo-6 eguzki instalazio fotovoltaikoa, 49,99 MW-ekoa” proiektuaren eta haren ebakuazio azpiegituren aurretiazko administrazio baimenaren eta ingurumen-inpaktuaren adierazpenaren eskaera.
–Organo eskuduna: Trantsizio Ekologikorako eta Erronka Demografikorako Ministerioko Energia Politikaren eta Meatzeen Zuzendaritza Nagusia da organo eskuduna aurretiazko administrazio baimena emateko. Trantsizio Ekologikorako eta Erronka Demografikorako Ministerioko Ingurumen Kalitate eta Ebaluazioaren eta Natur Ingurunearen Zuzendaritza Nagusia da ingurumen arloko organo eskuduna ingurumen-inpaktuaren adierazpena egiteko.
–Organo tramitatzailea: Gobernuak Nafarroan duen Ordezkaritzako Industria eta Energiaren Arlo Funtzionala eta Gobernuak Errioxan duen Ordezkaritzako Industria eta Energiaren Arlo Funtzionala, nor bere probintziari dagokion zatian. Alegazioak arlo funtzional horiei zuzenduko zaizkie, bakoitzari dagokion zatian, Gobernuak Errioxan duen Ordezkaritzan (Gran Vía 49, eskuineko solairuartea, 26071, Logroño) eta Gobernuak Nafarroan duen Ordezkaritzan (Merindadeen plaza z.g., 31071, Iruña).
–Instalazioen deskribapena: Proiektatzen den instalazio fotovoltaikoa Los Arcosko eta Mendabiako (Nafarroa) udal-mugarteetan kokatuko da, eta ebakuazio azpiegiturak udal-mugarte hauek ukituko ditu: Mendabia (Nafarroa) eta Agoncillo, Murillo del Río Leza, Galilea eta Santa Engracia del Jubera (Errioxa).
Instalazioen ezaugarriak hauexek dira:
–Instalazio fotovoltaikoa: 49,99 MWp-eko “FV El Portillejo 6” izeneko eguzki-instalazio fotovoltaikoak sorgailu hauek ditu: 520 Wp-eko 96.152 modulu fotovoltaiko, lurzoruaren gainean altxatzen direnak 1V56 ardatzeko 1.717 jarraitzailetan. Modulu fotovoltaiko horiek 3300 kVA @40ºC-ko 13 inbertsorerekin eta 2200 kVA @40ºC-ko 2 inbertsorerekin konektatzen dira. Horrek esan nahi du inbertsoreen potentzia nominala 47.300 kW-ekoa dela, baina inbertsore guztiena mugatuta dago, PPC independente baten bidez, 45.000 kW-era. Inbertsoreak, bere aldetik, transformadoreen behe tentsioko aldearekin konektatzen dira. Transformadoreak power station banatan daude, tentsioa handitzeko inbertsore baten eta tentsio ertaineko gelen ondoan. Horretaz gain, 30 kV-eko interkonexio lineak daude, 132/30 kV-eko “Portillejos Nafarroa” azpiestazioarekin konektatzeko.
–132/30 kV-eko Portillejos Nafarroa azpiestazioa: sortutako energia biltzen du, 30 kV-eko adarretatik garraiatzen dena “El Portillejo 5” eta “El Portillejo 6” planta fotovoltaikoetatik. Azpiestazioak 30 kV-eko 8 gela ditu, baita 100 MVAko linea-transformadorearen posizio bat ere, tentsioa handitzeko (132/30 kV) eta sortutako energia tentsio horretan ebakuatzeko.
–LAAT 132 kV-eko Portillejos Nafarroa azpiestazioa (132/30 kV)- Santa Engracia azpiestazio kolektorea (400/132 kV): 132 kV-eko aireko linea, 23,921 km luze dena, eta 337-AL1/44-ST1A eroalea (LA-380 GULL).
–Proiektatutako instalazioak “Santa Engracia 400 kV” azpiestazioarekin lotuko dira (Red Eléctrica de España SAren jabetzakoa da), 400/132 kV eta LAAT “Santa Engracia” azpiestazio kolektorearen bidez. Hura beste espediente baten xedea da, zeina tramitatu baita Errioxako Gobernuko Trantsizio Energetikoaren eta Klima Aldaketaren Zuzendaritza Nagusian “Santa Engracia 400 kV” korapiloaren ebakuazio azpiegitura amankomunari buruz (hara ebakuatuko dute planta hauek: El Portillejo 1, El Portilllejo 2, El Portillejo 3, El Portillejo 4, El Portillejo 5, El Portillejo 6, Caiman 1, Rioja 1, Rioja 2, eta Rioja 3).
–Aurrekontu zenbatetsia:
- instalazio fotovoltaiko eta haren ebakuazio azpiegiturak: 23.136.942,18 euro.
–Xedea: energia elektrikoa sortzea eguzki instalazio fotovoltaiko baten bidez, eta hura ebakuatzea energia elektrikoa garraiatzeko sarera.
–Proiektu honi baimen administratiboa emateko, zeinaren onespena Trantsizio Ekologikorako eta Erronka Demografikorako Ministerioaren eskumena baita eta ingurumen-inpaktuaren ebaluazio arrunta behar baitu, jendaurreko informazioaren tramitea egin behar da. Batera eginen da proiektuaren jendaurreko informazioa eta ingurumen-inpaktuaren azterketarena, bat etorriz Ingurumen Ebaluazioari buruzko abenduaren 9ko 21/2013 Legearen 36. artikuluarekin.
Aditzera ematen da orok jakin dezan eta azter daitezen proiektua, ingurumen-inpaktuaren azterketa eta lurzatietako planoak eta, hortaz, agiri tekniko eta ingurumeneko guztiak, dela Gobernuak Errioxan duen Ordezkaritzako Industria eta Energiaren Arlo Funtzionalean (Gran Vía kalea 49, eskuineko solairuartea, 26071, Logroño), dela Gobernuak Nafarroan duen Ordezkaritzako Industria eta Energiaren Arlo Funtzionalean (Merindadeen plaza, 31071, Iruña), aldez aurretik hitzordua eskatuta edo esteka hauetan:
https://www.mptfp.gob.es/eu/portal/delegaciones_gobierno/delegaciones/navarra/proyectos-ci.html
Dokumentazio guztia, halaber, ukitutako udaletxeetan dago ikusgai.
Alor honen aurrean, bidezkotzat jotzen diren alegazioak aurkez daitezke, iragarki hau argitaratu eta hogeita hamar eguneko epean, dela Gobernuaren Ordezkaritzaren Erregistro Orokorrean, dela Estatuko Administrazio Orokorraren Erregistro Elektronikoan (https://rec.redsara.es), dela Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikuluan aurreikusten diren moduetan.
Iruñean, 2021eko otsailaren 1ean.–Industria eta Energia arloko zuzendaria, Ignacio Irujo Sanz.
Iragarkiaren kodea: E2103433
