2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
SAKANAKO MANKOMUNITATEA
Laburpena, euskarazko errotulaziorako dirulaguntzak emateko deialdiarena
DDBN (Identif.): 550817.
Dirulaguntzei buruzko azaroaren 17ko 38/2003 Lege Orokorraren 17.3b eta 20.8a artikuluetan aurreikusitakoari jarraituz, argitara ematen da deialdiaren laburpena; horren testu osoa Dirulaguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index).
–Onuradunak eta xedea: oinarri hauen xedea da arautzea Sakanako Mankomunitateak dirulaguntzak emateko modua errotuluak euskaraz paratzen dituzten komertzio, ostatu eta elkarteei.
–Oinarri arauemaileak: Dirulaguntzen Datu Base Nazionalean (identifikazio kodea: 550817) eta Sakanako Mankomunitatearen webgunean (http://www.sakana-mank.eus).
–Laguntzetarako diru kopurua, guztira: 1.500 euro.
–Eskaerak aurkezteko epea: deialdia argitaratzen den egunetik 2021eko azaroaren 30era arte.
Lakuntzan, 2021eko otsailaren 25ean.–Lehendakaria, David Oroz Alonso.
Iragarkiaren kodea: L2103147
