2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
UNTZUE
Kultura, hezkuntza, kirol, laguntza, giza eta gizarte xedeetarako ematen diren dirulaguntzak 2021. urterako. Deialdiaren laburpena
Osoko Bilkurak 2021eko otsailaren 23an hartu erabakiaren bidez onetsia.
DDBN (Identifikazioa): 550784.
Argitara ematen da deialdiaren laburpena, bat etorriz azaroaren 17ko 38/2003 Lege Orokorraren 17.3.b eta 20.8.a artikuluekin (Dirulaguntzei buruzko Lege Orokorra); haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/550784).
Lehena.–Onuradunak.
–Irabazi-asmorik gabeko entitate, erakunde eta elkarteak.
–Pertsona fisikoak, udalerrian erroldatuak, pertsona talde baten ordezkari gisa, helburu zehatzeko ekimen bat, irabazi-asmorik gabekoa, aurrera eramateko.
–Udalerrian erroldatutako pertsona fisikoak.
Bigarrena.–Xedea.
Untzueko Udalaren 2021erako dirulaguntzak, kultura, hezkuntza, kirol, laguntza, giza eta gizarte xedeetarako.
Hirugarrena.–Oinarri arautzaileak.
Untzueko Udalaren ordenantza, kultura, hezkuntza, kirol, laguntza, giza eta gizarte xedeetarako ematen dituen dirulaguntzak arautzen dituena (2016ko 243. Nafarroako Aldizkari Ofizialean argitaratu zen, abenduaren 20an).
Laugarrena.–Zenbatekoa.
Gehienez, 18.000 euro. Aurrekontuko 1 3300 - 482001 aplikazioa “Kulturako erakundeak, irabazi-asmorik gabeak”, Untzueko Udalaren 2021. urterako aurrekontu orokor bakarretik.
Bosgarrena.–Eskabideak aurkezteko epea.
Hilabeteko epean, deialdia argitaratzen denetik, Untzueko Udalaren erregistroan, astearte eta ostegunetan, 11:00etatik 14:30era.
Udalaren egoitza elektronikoaren erregistroaren bidez ere eskatzen ahalko dira, helbide honetan: http://unzue.sedelectronica.es.
Seigarrena.–Eskatzaileen beharkizunak eta eskaerarekin aurkeztu behar den dokumentazioa.
Eskatzaileek bete beharrekoak:
a) 18 urtetik gorakoak izatea.
b) Untzuen erroldatuta egotea; sei hilabeteko antzinatasunarekin eskaera egiten den unean.
c) Udaleko zerga betebeharrak eguneratuak izatea. Inguruabar hori ofizioz egiaztatuko da.
Eskabidearekin batera aurkeztu beharreko agiriak hauek izanen dira:
a) Eskabide ofiziala, behar den bezala beteta.
b) Frogagiriaren/matrikularen/agiriaren ordainagiria, ordaindutako zenbatekoa agertuko duena.
c) Langabe txartelaren fotokopia, dirulaguntza bat etor dadin eskaera egitean duen egoerarekin.
Untzuen, 2021eko otsailaren 25ean.–Alkatea, Juan María de la Fuente Olcoz.
Iragarkiaren kodea: L2103155
