Iragarkia

56. ALDIZKARIA - 2021eko martxoaren 11

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

IRURTZUN

2021erako tasen tarifak eta zerga-tasak ezartzen dituzten ordenantza fiskalen aldaketaren behin betiko onespena

Irurtzungo Udalbatzak, 2020ko abenduaren 22an egindako Osoko Bilkuran, hasierako onarpena eman zion 2021eko tasen tarifak eta zerga-tasak ezartzen dituzten ordenantza fiskalak aldatzeari.

Nafarroako Toki Administrazioari buruzko uztailaren 2ko 6/1990 Foru Legearen 325. artikuluan xedatutakoarekin bat, eta jendaurrean jartzeko epea iragan eta alegaziorik, eragozpenik edo oharrik egin ez denez (2021eko urtarrilaren 11ko Nafarroako Aldizkari Ofiziala, 5. zk., hasierako onespenaren iragarkia), ordenantza horiek behin betiko onetsi eta argitaratzen dira.

Argitara ematen da aipatu agindua bete beharrez, eta ohartarazten ezen aldaketa hauen aurka –xedapen administratibo orokorra baitira– ezin dela administrazio bidean errekurtsorik paratu, Administrazio Publikoen Administrazio Prozedura Erkideari buruzko urriaren 1eko 39/2015 Legearen 112.3 artikuluari jarraikiz. Hortaz, behin betiko onespen honen aurka ondoko bideetako bat erabiltzen ahalko da:

a) Administrazioarekiko auzi-errekurtsoa, zuzenean Nafarroako Justizia Auzitegi Nagusiko Administrazioarekiko Auzien Salari zuzendua, Administrazioarekiko Auzien Jurisdikzioa arautzen duen uztailaren 13ko 29/1998 Legearen 10.1.b) artikuluari jarraikiz, bi hilabeteko epean, iragarki hau Nafarroako Aldizkari Ofizialean argitaratu eta biharamunetik hasita.

b) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, iragarki hau Nafarroako Aldizkari Ofizialean argitaratzen denetik hasita.

Irurtzunen, 2021eko otsailaren 18an.–Alkatea, Aitor Larraza Carrera.

2021ERAKO ZERGA-TASAK ONARTZEA

1.–Eraikuntza, instalazio eta obren gaineko zerga (EIOZ): obren exekuzio materialaren aurrekontuaren %4,32 izango da karga-tasa.

2.–Lurralde-ekarpena: %0,196koa.

3.–Ekonomia jardueren gaineko zergaren indizea: 1,4.

4.–Hiri-lurren balio-gehikuntzaren gaineko zergaren koefizienteak eta karga-tasak :

a) Karga-tasa: %21,25.

b) Nafarroako Toki Ogasunei buruzko martxoaren 10eko 2/1995 Foru Legearen 175.2 artikulua aldatzen duen urtarrilaren 24ko 3/2019 Foru Legearen bosgarren artikulua ikusirik, Osoko Bilkurak, 2019ko martxoaren 5eko bilkuran, honako zerga-tasa hauek ezarri ditu 2019rako, eta onartu zenetik jarriko dira indarrean:

Sorpen epea:

0,53 20 urte edo gehiago.

0,49 19 urte.

0,43 18 urte.

0,29 17 urte.

0,16 16 urte.

0,06 15 urte.

0,06 14 urte.

0,06 13 urte.

0,06 12 urte.

0,06 11 urte.

0,06 10 urte.

0,06 9 urte.

0,06 8 urte.

0,06 7 urte.

0,06 6 urte.

0,06 5 urte.

0,06 4 urte.

0,936 3 urte.

0,1105 2 urte.

0,09 Urte 1.

0,05 Urte 1 baino gutxiago.

5.–Hutsik dauden etxebizitzen gaineko zerga:

Irurtzungo udalerrian jenderik gabeko etxebizitza bat edukitzea izango da zergapeko egitatea. Etxebizitza izateko Eskubideari buruzko maiatzaren 10eko 10/2010 Foru Legearen 42 bis artikuluan eta hurrengoetan jasotako edozein etxebizitza izango da, betiere Nafarroako Etxebizitza Hutsen Erregistroan inskribatuta badago.

Zerga honen kuota zerga-oinarriari karga-tasa aplikatzearen emaitza izango da.

Lehen urtea: %0,5.

Bigarren urtea: %1.

Hirugarren urtea eta ondorengoak:%1,5.

6.–Luxuzko gastuen eta apustu gurutzatuen gaineko zerga: aplikatu beharreko zergaren tasa %15ekoa izango da apustu gurutzatuetarako.

HIRIGINTZAKO JARDUKETAK IZAPIDETZEAGATIKO TASAK ARAUTZEN DITUEN ORDENANTZA FISKALA

I. Epigrafea.–Antolamenduko plan partzialak edo bereziak izapidetzea, udal-plangintzaren aldaketak eta xehetasun-azterketak.

Espediente bakoitzaren izapideari eta ebazpenari dagozkion tasak dagokion planean jasotako lurzoruaren azaleraren arabera likidatuko dira, 0,178 euro metro koadroko.

II. Epigrafea.–Plan partzialen edo berezien eta xehetasun-azterlanen aldaketak izapidetzea.

Aplikatu beharreko tarifak I. Epigrafean adierazitakoen %50 izango dira.

III. Epigrafea.–Birpartzelazioak izapidetzea.

III.A.–

–Birpartzelatze-espediente bakoitza izapidetzeagatiko eta ebazteagatiko tasak aprobetxamendu osotik ateratzen den azalera eraikigarriaren arabera likidatuko dira, tarifa honen arabera:

–Esleipenaren ondoriozko lurzatiaren metro koadro bakoitzeko: 0,443 euro.

III.B.–Birpartzelazioak aldatzeko izapideak:

–Aplikatu beharreko tarifak III-A epigrafean ezarritakoen %50 izango dira.

IV. Epigrafea.–Eskatzaileek egindako urbanizazio-proiektuak izapidetzea:

Proiektuaren zenbatekoaren arabera likidatuko dira tasak, eta exekuzio materialaren aurrekontuaren %2 aplikatuko da karga-tasa gisa.

V. Epigrafea.–Partzelatzeko edo bereizteko lizentziak:

Lurzatiketa edo banantze-lizentzia bakoitza izapidetzeagatiko eta ebazteagatiko tasak bereizitako hiri-azalera osoaren arabera likidatuko dira: 0,219 euro m²-ko.

VI. Epigrafea.–Obra-lizentzia.

Eraikuntza, Instalazio eta Obren gaineko Zergaren likidaziotik 76 eurotik beherako zenbatekoa ateratzen denean, tasa zenbateko horretara iristeko behar den kopuruan likidatuko da.

Obra-lizentzien titularrek eskatutako obrak egiteari uko egin ahal izango diote udalari idatziz jakinaraziz gero, betiere lizentzia iraungita ez badago. Atzera egitea lizentzia emateari buruzko udal-erabakia hartu aurretik gertatzen bada, betiere obrak hasi ez badira, lizentzia izapidetzeagatik ordaindu beharreko tasa obrak gauzatzeko aurrekontuaren %0,5 izango da. Atzera egitea lizentzia eman ondoren gertatzen bada, tasa obrak gauzatzeko aurrekontuaren %1 izango da.

VII. Epigrafea.–Eraikinak lehen aldiz erabiltzeko eta okupatzeko lizentziak. Lehen erabilerako lizentzia emateagatiko tarifak:

–Oin berriko eraikinak: 329 euro/etxebizitza.

–Birgaitzea, handitzeak, egituren eraberritzea, erabilera-aldaketak: 173 euro/etxebizitza.

VIII. Epigrafea.–Aurriak prebenitzeko tasa.

VIII.1.–Zergapeko egitatea:

a) Hirigintzako ikuskapen-zerbitzuak ematea, udal-teknikari eta administrarien bidez. Horretarako, espedienteak izapidetuko dira, jabeek eraikinak, lursailak, orubeak, urbanizazioak eta kartelak indarrean dagoen legeriak eskatzen dituen segurtasun, osasungarritasun, apaindura publiko eta ingurumen, kultura eta turismo kalitate baldintza egokietan kontserbatzeko betebeharra betetzen dutela egiaztatzeko.

b) Hirigintzako ikuskapen-zerbitzuak ematea, udaleko teknikarien eta administrarien bidez, espedienteak izapidetuz, eraikinen eta eraikuntzen aurri-egoera egiaztatzeko.

VIII.2.–Subjektu pasiboak:

1.–Zerga honen subjektu pasiboak dira, zergadun gisa, ordenantza honetan aipatzen diren prestazioak eskatzen, probokatzen edo haien interesetan eragina duten pertsona fisiko edo juridikoak, eta, zehazki:

a) Eraikin, lursail, orube, urbanizazio eta kartelen jabeak, ordenantza honen VIII.1 artikuluan aurreikusitako kasuan.

b) Aurri-egoeran deklaratutako eraikuntza eta eraikinen jabeak, ordenantza honen VIII.1 artikuluan aurreikusitako kasuan.

2.–Ikuskapena partikularrek egindako salaketaren ondorioz egiten bada, eta salaketa hori guztiz justifikaziorik gabekoa bada edo udaleko zerbitzu teknikoaren txostenaren arabera oinarri argirik ez badu, sortutako tasaren zenbatekoa salatzaileak ordainduko du.

VIII.3.–Kuota:

–Aurri-deklarazioaren espediente bakoitzeko: 400 euro.

–Betearazpen-agindu bakoitza gauzatzeagatik: 150 euro.

VIII.4.–Sortzapena:

Honako kasu hauetan sortzen da, eta, beraz, ordaintzeko obligazioa sortzen da:

–Higiezinetan aurri-deklarazioa egiten denean.

–Betearazte-agindua ebazten denean, segurtasun eta osasungarritasun baldintzak egiaztatzeko espediente baten ondorioz.

Ordenantza honek atzeraeraginezko ondorioak izango ditu, eta tasa hori aurri-deklarazioaren espedienteei eta 2020ko abuztuaren 1aren ondoren emandako exekuzio-aginduei aplikatuko zaie.

IX. Epigrafea.–Betearazte subsidiarioagatiko tasa.

IX.1.–Zergapeko egitatea:

Honako hauek osatzen dute zergapeko egitatea:

a) Sor dezaketen berehalako arriskua dela eta aurri-egoeran deklaratutako instalazioen gainean jabearen ordez egiten diren eta hirigintza-lizentzia behar duten hondatzeak, konponketak edo bestelako jarduerak.

b) Udal honetan indarrean dauden ordenantzak edo beste edozein lege-xedapen ez betetzeagatiko betearazpen subsidiarioa.

IX.2.–Subjektu pasiboak:

Honako hauek dira tasaren subjektu pasiboak, zergadun gisa: betearazpen-aginduaren hartzailea, hau pertsona fisiko nahiz juridikoa izan, edo emandako betearazpen edo zerbitzuagatik onura jaso duten pertsona fisikoak eta juridikoak.

IX.3.–Kuota:

Tasa horren kuota jarduketek Udalari eragindako kostu osoaren %20 izango da.

Tasa horrekin batera, subjektu pasiboak eraispenak eragindako kostu guztiak ordaindu beharko ditu (proiektua idazteagatiko, eraispena gauzatzeagatiko eta obraren zuzendaritzagatiko kostuak).

IX.4.–Sortzapena:

Tasa sortzen da eta ordaintzeko obligazioa sortzen da betearazpena agintzen denean, betearazpen subsidiarioaren espedienteari hasiera ematea ebazten denean edo, aurretik ebazpenik eman ezean, betearazpena gauzatzen den laguntza edo zerbitzua ematen denean.

Lizentzia behar duten egintzak subsidiarioki exekutatzen diren kasuetan, tasa behin-behinean likidatu ahal izango da, eta exekutatu aurretik egin, behin betiko likidazioaren erreserbarekin.

X. Epigrafea.–Gutxieneko eskubideak.

Aurreko epigrafeengatik likidatu beharreko tasak ez badira iristen jarraian adierazten diren gutxieneko kopuruetara, jarraian adierazten direnak ordainduko dira:

–Plan partzialak edo bereziak izapidetzea eta udal-plangintza aldatzea: 303 euro.

–Plan partzialen edo berezien aldaketak izapidetzea: 312 euro.

–Xehetasun-azterketak izapidetzea: 312 euro.

–Xehetasun-azterlanen aldaketak izapidetzea: 312 euro.

–Banantze-lizentziak izapidetzea: 158 euro.

JARDUERA SAILKATUAK ETA KALTEGABEAK EGITEKO ETA JARDUERAK ESKUALDATZEKO LIZENTZIEN TASAK ARAUTZEN DITUEN ORDENANTZA FISKALA

I. Epigrafea.–Jarduera-lizentzia.

–Aplikatu beharreko tarifa 453 eurokoa izango da.

II. Epigrafea.–Establezimenduen lehen instalazioa, negozio-lekualdaketak, jarduera-aldaketak:

–1etik 100era: 4,2 euro.

–101etik 500era: 3,5 euro.

–501etik 1.000ra: 3 euro.

–1.001etik 4000era: 2,5 euro.

–4.001etik aurrera: 1,5 euro.

III. Epigrafea.–Jarduerak zabaltzea, negozioa eskualdatzea, izena edo izen soziala aldatzea eta titularra aldatzea.

–Aplikatu beharreko tarifak II. Epigrafean adierazitakoen %50 izango dira.

–“Gestión Ambiental de Navarra, S.A.U.” enpresak egindako txosten teknikoen zenbatekoa jardueraren sustatzaileak ordainduko du.

ERABILERA PUBLIKOKO LURRETAN ZANGAK IREKITZEAGATIKO ETA BIDE PUBLIKOAN ZOLADURA EDO ESPALOIAK MUGITZEAGATIKO TASAK ARAUTZEN DITUEN ORDENANTZA FISKALA

I. Epigrafea.–Zangak irekitzea.

I.1.–Zangaren zabalera metro lineal bat baino txikiagoa bada, metro bakoitzeko 19 euro ordainduko dira.

I.2.–Zangaren zabalera metro lineal batekoa edo handiagoa bada, metro bakoitzeko 22 euro ordainduko dira.

I.3.–Zanga irekitzeagatik ibilgailuen zirkulazioa erabat itxi behar bada, edo norabide, bide edo espazio garrantzitsu bat erabilezin bihurtuz gero, aurreko epigrafeetako tarifak %20 igoko dira.

II. Epigrafea.–Ibilgailuen pasabideak, karga-ahoak, aireztapenak, sabai-leihoak, toberak eta zoladura edo espaloiak eraikitzea edo kentzea:

–Metro lineal bakoitzeko, dimentsio handienean: 22 euro.

–Zangak irekitzeagatiko fidantzak: zangak irekitzeak metro linealeko 100 euroko fidantza sortuko du.

HILERRIKO ZERBITZUAK ERABILTZEAGATIKO TASAK ARAUTZEN DITUEN ORDENANTZA FISKALA

4.1.–Ehorzketak.

A) Lurrean: 101 euro.

B) Nitxoan: 51 euro.

C) Kolunbarioan: 38 euro.

D) Panteoian: 112 euro.

4.2.–Panteoiak.

Ez da lur gehiago emanen panteoientzat.

4.3.–Nitxoak:

–Betiko emakidak: 749 euro.

–Hamar urterako okupazioa: 311 euro.

–Hamar urterako luzapena: 311 euro.

4.4.–Kolunbarioak:

–Betiko emakidak: 120 euro.

–10 urteko okupazioa: 56 euro.

–10 urteko luzapena: 56 euro.

4.5.–Lurreko hilobiak.

–Hamar urterako okupazioa: 334 euro.

–Hamar urterako luzapena: 334 euro.

UDAL KIROL INSTALAZIOAK ERABILTZEAGATIKO TASAK ARAUTZEN DITUEN ORDENANTZA FISKALA

I. Epigrafea.–Igerilekuak eta instalazio osagarriak:

1.–Igerilekuen eta instalazio osagarrien tasak:

–5 urtera arteko urteko kuota: 0 euro.

–14 urtera arteko urteko kuota: 56 euro.

–14 eta 18 urte bitarteko urteko kuota: 67 euro.

–18 urtetik 65 urtera gorakoen urteko kuota: 89 euro.

–65 urtetik gorako urteko kuota (Irurtzunen edo Arakilen erroldatutako pertsonak): 0 euro.

–14 urtetik beherakoentzat: 4,5 euro (lanegunetan eta jaiegunetan).

–14 urtetik gorakoen sarrera: 7 euro (lanegunetan eta jaiegunetan).

–65 urtetik gorako sarrerak (Irurtzunen edo Arakilen erroldatuta ez daudenak): 3 euro.

–14 urtetik beherako 15 eguneko bonuak: 30 euro.

–14 urtetik gorako 15 eguneko bonuak: 50 euro.

–Erroldatu gabeko 65 urtetik gorako 15 eguneko bonuak: 20 euro.

–Irurtzunen edo Arakilen erroldatuta ez dauden 65 urtetik gorako pertsonen urteko kuota: 35 euro.

–Familia-bonuak: deskontuak 18 urtetik beherako seme-alaba bakoitzeko izango dira. Kasu honetan, honako tasa hauek egokituko dira:

a) Seme-alaba adingabe bat izanez gero: 40 euro.

b) Bi seme-alaba adingabe izanez gero: 35 euro bakoitza.

c) Hiru seme-alaba adingabe izanez gero: 30 euro bakoitza.

–Irurtzunen erroldatutako langabeentzako deskontuak: bazkideak uda osorako sortutako tarifa indibidualaren gaineko %50eko deskontua aplikatuko da.

2.–Familia-bonuak eskuratzeko baldintzak:

2.1.–Bi gurasoak ezkonduta egotea edo Izatezko Bikoteen Erregistroan behar bezala inskribatuta egotea.

2.2.–Guraso biak udal-igerilekuetako bazkide izatea.

2.3.–Guraso bakarreko familiek izaera hori egiaztatu beharko dute.

2.4.–Bonu horiek eskatzeko epea 2021eko maiatzaren 6an amaituko da.

2.5.–Atal honetan aipatutako baldintzak beteta egon beharko dira 2.4. atalean adierazitako izena emateko epea amaitzen den egunerako, eta uda osoan zehar luzatu beharko da.

2.6.–Familia-bonuak bateraezinak dira Irurtzunen erroldatutako langabeei ordenantza honetako 3. atalean deskribatutako deskontuekin. Pertsona berak bi murrizketak baliatu ahal baditu, bata edo bestea aukeratu beharko du.

3.–Irurtzunen erroldatutako langabeen deskontuak eskuratzeko baldintzak:

3.1.–Langabezia-egoera egiaztatzea, Nafarroako Enplegu Zerbitzuaren txartela aurkeztuz.

3.2.–Deskontu horiek eskatzeko epea ekainaren 18an amaituko da.

3.3.–3.1. atalean ezarritako baldintza 3.2. atalean adierazitako epea amaitzen den egunerako bete beharko da, eta udan zehar luzatu. 2021eko udako igerilekuak irekitzeko kanpaina amaitu aurretik lana aurkituz gero, berehala jakinarazi beharko zaio Udalari, dagokion tarifa aplikatzeko.

3.4.–Irurtzunen erroldatutako langabeentzako deskontua bateraezina da ordenantza honetako 2. atalean deskribatutako familia-bonuekin. Pertsona berak bi murrizketak baliatu ahal baditu, bata edo bestea aukeratu beharko du.

II. Epigrafea.–Kiroldegiaren pabiloia:

–Tarifa bakarra: 20 euro orduko.

III. Epigrafea.–Frontoi estalia:

–Tarifa bakarra: 11 euro orduko.

MUSIKA ESKOLARA JOATEAGATIKO TASAK ARAUTZEN DITUEN ORDENANTZA FISKALA

1.–2020-2021 ikasturteko kuotak:

–Irurtzun, Itza, Imotz, Ollaran eta Arakilgo ikasleak: 37 euro hilean irakasgai bakoitzeko.

–Irurtzun, Itza, Imotz, Ollaran eta Arakilgo ikasleak, familia ugariko kideak edo familia bateko bigarren kidea: 22 euro hilean ikasgai bakoitzeko.

–Beste herri batzuetako ikasleak: 84 euro hilean ikasgai bakoitzeko.

–Irakasle-ikasleak: 42 euro hilean ikasgai bakoitzeko.

2.–Matrikula: 30 euro ikastaro bakoitzeko.

3.–Atakondoa Ikastetxe Publikoaren musika-tailerra: 100 euro ikasturtean.

KULTUR ETXEKO AUDITORIOAN EGINDAKO KULTUR JARDUERETARAKO SARBIDEAGATIKO PREZIO PUBLIKOAK ARAUTZEN DITUEN ORDENANTZA FISKALA

1.–Kultur Etxeko Auditorioa: Sarrerak ezingo du pertsonako 20 eurotik gorakoa izan.

2.–Lokala: Lokalak erabiltzeagatiko prezioak honako hauek izango dira:

–Egun bakarreko jardueretarako edo iraupen laburreko ikastaroetarako aretoak (etenik gabeko 8 hilabetetik beherako ikastaroak): 3 euro orduko.

–Aretoaren erabilera ikastaro luzeetarako-Iraupen ertaina (etenik gabeko 8 hilabete): euro 1 orduko.

–Ekitaldi-aretoa: 15 euro orduko.

MERKATARITZA EZ-SEDENTARIO, AZOKA TXIKI ETA BESTELAKOENGATIKO TASAK ARAUTZEN DITUEN ORDENANTZA FISKALA

I. Epigrafea.–Azoka txikia:

1.–Zergapeko egitatea: Tasa bat ordaindu beharko da sedentarioa ez den merkataritza-postu bat, azoka txiki bat eta antzekoak jartzeagatik. Nolanahi ere, epigrafe honi dagozkio ezarritako aldizkakotasuneko noizbehinkako azoka txikian instalatutako postuak.

2.–Kuota:

–4 metrora arteko lanpostuetarako hiruhileko tarifa: 84 euro.

–4 eta 6 metro bitarteko lanpostuetarako hiruhileko tarifa: 129 euro.

–6 eta 8 metro bitarteko lanpostuetarako hiruhileko tarifa: 186 euro.

–8 eta 10 metro bitarteko lanpostuetarako hiruhileko tarifa: 229 euro.

3.–Sortzapena:

Tasa sortzen da, eta ekarpena egiteko obligazioa sortzen da, Udalak emandako sedentarioa ez den merkataritza-postu bat, azoka txiki bat eta antzekoak instalatzeko baimena jasotzen denean.

II. Epigrafea.–Noizbehinkako merkataritza:

1.–Zergapeko egitatea:

Ordenantza honetako I. epigrafeko kasuistiketakoren batean sartzen ez diren postuak, barrakak, atrakzioak, txurreriak eta antzekoak salbuespenez instalatzea da zergapeko egitatea, jendearentzat irekita dauden orduak eta egunak gorabehera.

2.–Kuota:

–Postuak, barrakak, atrakzioak eta antzekoak, euro 1 metro koadroko, egunean.

–Urdaitegiak eta antzekoak: euro 1 metroko, egunean.

3.–Sortzapena:

Tasa sortzen da, eta ekarpena egiteko obligazioa sortzen da, Udalak emandako noizbehinkako merkataritzako postu, barraka, atrakzioa, txurreria eta antzekoak instalatzeko baimena jasotzen denean.

BIDE PUBLIKOKO ETA KOMUNEKO LURSAILETAKO LURZORUA, HEGALA ETA LURPEA APROBETXATZEAGATIKO TASAK ARAUTZEN DITUEN ORDENANTZA FISKALA

Honako kuota hauek aplikatuko dira bide publikoko eta komunaleko lurzorua, hegala eta zorupea okupatzen direnean:

–Mahaiak, aulkiak, mahaitxoak metro koadroko edo frakzioko: 26 euro urtean.

–Kutxazainak: 310 euro kutxazain bakoitzeko urtean.

–Salgailuak: 50 euro urtean.

–Edukiontziengatik eta obra-etxolagatik: 40 euro gutxienez. 20. egunetik aurrera, 2 euro egunean.

–Aldamioak: 40 euro gutxienez. 20. egunetik aurrera, 2 euro egunean.

–Garabiak edo garabi-kamioiak: 40 euro gutxienez. 20 egunetik aurrera, 2 euro egunean.

–Karabanak, atoiak eta automobilak ez diren gainerako ibilgailuak, berariaz baimenduta daudenean. Tasa ordaintzeak ez du, nahitaez, baimena jaso denik ekarriko. Egun edo frakzio bakoitzeko: Euro 1.

–Hesiak edo itxiturak: 40 euro gutxienez. 20. egunetik aurrera, 2 euro egunean.

–Beste aprobetxamendu batzuk: 40 euro gutxienez. 20 egunetik aurrera 2 euro eguneko.

Urbanizazioa egiten ari diren eremuetan, zenbatekoak %50 murriztuko dira. Trafikoa edo oinezkoen pasabidea eragotziko balitz, tasa bikoitza izango litzateke okupazio guztietan.

ESKOLA-GARRAIOKO ZERBITZUA ERABILTZEAGATIKO TASAK ARAUTZEN DITUEN ORDENANTZA FISKALA

Urteko tasa 632 eurokoa izango da zerbitzuaren erabiltzaile bakoitzeko.

Zerbitzua arautzeko indarrean dagoen ordenantza honela aldatuko da: Ordenantzaren 5.b) artikulua honela idatzita geratuko da:

“Irurtzungo Udalak kudeatzen duen eskola-garraioko zerbitzuan izena ematen duten pertsona guztiek ordaindu beharko dute prezio hori. Gaur egun, Irurtzunen eta Arakilen erroldatutako erabiltzaileak. Bai zerbitzuan izena emateko bai baja emateko, idatziz egin beharko da, eta ez dira ahoz onartuko. Zerbitzuan emandako bajak bertan izena emateko orrian horretarako adierazitako epean baino ez dira onartuko.”

Honela geratzen da idatzita ordenantzaren 8. artikulua:

“Erabiltzaileen kuotak honela ordainduko dira:

–%50, urte bakoitzeko urrian.

–Gainerako %50a, urte bakoitzeko otsailean.”

ANIMALIAK EDUKITZEAGATIKO TASAK ARAUTZEN DITUEN ORDENANTZA FISKALA

I. Epigrafea.–Arriskutsuak izan daitezkeen animaliak edukitzea arautzen duen udal-ordenantzaren arabera, tasa hauek ezartzen dira:

–Abandonatutako txakurrak erretiratzeagatik: 18 euro animalia bakoitzeko.

–Udal-gordailuan egonaldia: 6 euro eguneko animalia bakoitzeko.

3 ordutik aurrera, egun osotzat hartuko da.

–Lizentzia izapidetzea: 20 euro animaliaren lagun bakoitzeko.

II. Epigrafea.–Zehapenen kasuan, zenbatekoak honako hauek izango dira:

–Hutsegite arinengatiko zehapena: 60 euro.

–Falta arin bat berriro egiteagatiko zehapena: 120 euro.

ESKOLAKO LOKAL ETA INSTALAZIOEN ERABILERA ARAUTZEN DUEN ORDENANTZA FISKALA

–Ikasgelako tarifa: 5,00 euro orduko.

–Jantokiko tarifa: 15 euro orduko.

Irabazi asmorik gabeko kultur jardueren kasuan, tarifa 2,50 eurokoa izango da gela eta egun bakoitzeko.

–Ikasgela astean 5 egunetan erabiltzen bada, %20ko deskontua egingo da.

–15 egun badira, %30ekoa.

–30 egun badira, %50ekoa.

–Urte osoan bada, %60koa.

AGIRIAK, KOPIAK, ZIURTAGIRIAK ETA KONPULTSAK EGIN ETA IZAPIDETZEAGATIKO TASAK ARAUTZEN DITUEN ORDENANTZA FISKALA

1. Nahitaez argitaratu beharreko dokumentuak edo iragarkiak izapidetzea: Argitaratzeagatik ordaindutako zenbatekoa itzultzea.

2. Honako hauek egiteagatik:

–A4 fotokopiak: 0,10 euro orrialde bakoitzeko.

–A3 fotokopiak: 0,40 euro orrialde bakoitzeko.

–Konpultsak: 0,10 euro orrialde bakoitzeko.

–Kopiak/ordainagirien kopiak: 0,50 euro/ordainagiria.

–Uneko urteko ziurtagiriak: euro 1/ziurtagiria.

–Gainerako ziurtagiriak: 2 euro/ziurtagiria.

Ziurtagiriak emateagatiko tasak ordaintzetik salbuetsita daude Udalak berak edo inguruko Gizarte Zerbitzuen Mankomunitateak ziurtagiria eskatu dieten pertsonak.

–Partzela-zedulak: euro 1/zedula.

MAKINAK, IBILGAILUAK, LANABESAK ETA BESTELAKO UDAL-ELEMENTUAK UZTEAGATIKO PREZIO PUBLIKOAK ARAUTZEN DITUEN ORDENANTZA FISKALA

I. Epigrafea.–Langileak.

1.–Zergapeko egitatea: tasa bat ordaindu beharko da Udaleko langileek interesdunak eskatutako lan bat egiten dutenean, hala nola, lursailak garbitzea, sastrakak kentzea eta antzekoak.

2.–Subjektu pasiboak:

Tasaren subjektu pasiboak dira, zergadun gisa, betearazpenaren edo emandako zerbitzuaren onuradun diren pertsona fisiko eta juridikoak.

3.–Kuota:

–Ofizialaren kostua: 23 euro orduko.

–Peoiaren kostua: 20 euro orduko.

–Erabilitako kamioiaren eta gidariaren ordu edo frakzio bakoitzeko: 50 euro.

–Kamioia ez den beste ibilgailuaren edo gidariaren ordu edo frakzio bakoitzeko: 40 euro.

4.–Sortzapena:

Tasa sortzen da eta ordaindu beharra sortzen da Udalaren adostasuna lortzen denean eskatutako lanak egiteko.

II. Epigrafea.–Oholtzak eta bestelakoak.

1.–Zergapeko egitatea: makinak, ibilgailuak, lanabesak edo beste udal elementu batzuk erabiltzen direnean tasa bat ordaindu beharko da, Udalari aldez aurretik eskatuta eta honek baimena eman ondoren.

2.–Subjektu pasiboak:

Tasaren subjektu pasiboak dira, zergadun gisa, makinak, ibilgailua, lanabesak edo udaleko beste elementu batzuk erabiltzeko baimena lortzen duten pertsona fisiko eta juridikoak.

3.–Kuota:

4.–Sortzapena:

Tasa eta ordaindu beharra eskatutako makinak, ibilgailua, lanabesak edo bestelako elementuak erabiltzeko Udalaren baimena lortzen denean sortzen dira.

GOIZEKO LUDOTEKARA EDO INGURUKO HAUR-HEZKUNTZA ESKOLETARA JOATEKO DIRU-LAGUNTZAK ARAUTZEA. GAZTETXOKOA ERABILTZEAGATIKO TASAK ARAUTZEA

1. Irurtzunen 0 eta 3 urte bitarteko haurrentzako haur-eskolarik ez dagoenez, eta gaur egun ezinezkoa denez haur-eskola publiko bat sortzea, gurasoek beste aukera batzuk bilatu behar izan dituzte horretarako, hala nola udalerrian goizeko ludoteka antolatzea edo inguruko beste haur-eskola batzuen zerbitzuak erabiltzea.

–Inguruko haur-eskoletara joaten direla egiaztatzen bada, diru-laguntza bat emango zaio, gutxienez 421 eurokoa eta gehienez 632 eurokoa, dauden ikasleen arabera. Lanaldi erdira joanez gero, diru-laguntza 210 euro-tik 316 euro-ra bitartekoa izango da.

–Aipatutako diru-laguntzak ikasturte bakoitzaren urtarrilean ordainduko dira, interesdunek ikasturte hasieran eskaera egin ondoren.

2. Gaztetxokoa erabiltzeagatiko tasak:

Gaztetxokora urte osoan joaten diren gazteek 5 euroko tasa ordainduko dute urtean.

IRURTZUNGO UDALERRIKO TRAFIKO-TASAK ETA BIDE PUBLIKOEN ERABILERA ARAUTZEKO ORDENANTZA FISKALA

Irurtzungo udalerriko trafikoari eta bide publikoen erabilerari buruzko ordenantzan ezarritako gehieneko denbora betetzen ez bada, arau-hausleari 10 euroko zehapena ezarriko zaio soberako ordu bakoitzeko.

Akordio honetan aldatu ez diren indarreko ordenantza fiskalen edukia orain arte bezala mantenduko da.

Iragarkiaren kodea: L2102766