Iragarkia

54. ALDIZKARIA - 2021eko martxoaren 9a

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

52C/2021 EBAZPENA, otsailaren 17koa, Enpresa Politikaren, Nazioarteko Proiekzioaren eta Lanaren zuzendari nagusiak emana, erabakitzen duena Nafarroako industria siderometalurgikoaren sektoreko hitzarmen kolektiboko soldatak 2021ean berrikusteari buruzko akordioa erregistratzea, gordailutzea eta Nafarroako Aldizkari Ofizialean argitaratzea.

Nafarroako industria siderometalurgikoaren sektoreko hitzarmen kolektiboko 2021eko urteko soldaten berrikuspenari buruzko akordioaren testua aztertu da (kode zenbakia: 31006805011981), erregistro honetan 2021eko urtarrilaren 25ean sartu zena, enpresaren ordezkariek (ANEM eta APMEN) eta sindikatu batzuen ordezkariek (UGT eta CCOO) 2021eko urtarrilaren 22an izenpetua, Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Laneko hitzarmen eta akordio kolektiboen erregistro eta gordailuari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,

EBAZTEN DUT:

1. Nafarroako Hitzarmen Kolektiboen, Lan-Akordio Kolektiboen eta Berdintasun Planen Erregistroan inskribatzeko agintzea.

2. Nafarroako Aldizkari Ofizialean argitaratzeko agintzea, orok jakin dezan.

Iruñean, 2021eko otsailaren 17an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.

NAFARROAKO FORU KOMUNITATEKO INDUSTRIA SIDEROMETALURGIKOAREN SEKTOREKO 2018-2021EKO LAN HITZARMEN KOLEKTIBO AUTONOMIKOAREN BATZORDE PARITARIOAREN AKTA, 2021EKO SOLDATA IGOERARI BURUZKOA

Iruñean, 2021eko urtarrilaren 22an.

Iruñean, 2021eko urtarrilaren 22ko 9:00etan bildu dira Batzorde Paritarioaren egoitzan, Nafarroako Lan Auzitegiaren lokaletan (kale Berria 30-32, behea, Iruña), Alejandro Lara Martínez Piñero jaunaren lehendakaritzapean, Nafarroako Foru Komunitateko industria siderometalurgikoaren sektoreko lan hitzarmen kolektibo autonomikoaren batzorde paritarioko kide hauek:

José Manuel Ayesa Villar jauna, Asociación Navarra de Empresarios del Metal (ANEM) elkartearen aldetik.

Alfonso Huici Mariscal jauna, Asociación de la Pequeña y Mediana Empresa del metal de Navarra (APMEN) elkartearen aldetik.

Lorenzo Ríos González jauna, UGT sindikatuko Industriaren, Eraikuntzaren eta Nekazaritzaren Federazioaren (FICA-UGT) aldetik.

José Manuel Romeo Álvarez jauna, CCOO sindikatuko Industria Federazioaren (FI-CCOO) aldetik.

Guztiek

ADIERAZTEN DUTE:

1.–Nafarroako Foru Komunitateko industria siderometalurgikoaren sektoreko 2018tik 2021erako lan hitzarmen kolektibo autonomikoa 2018ko abenduaren 20an sinatu zen.

Legezkotasun kontrola gaindituta, lan hitzarmen kolektiboen erregistroan gordailutu zen, lan arloko agintaritza eskudunak erregistratu ondotik, eta Nafarroako Aldizkari Ofizialean argitaratzeko dago.

2.–Nafarroako Foru Komunitateko Industria Siderometalurgikoaren Sektoreko lan hitzarmen kolektibo autonomikoaren 41.A-D) artikuluak honako hau ezartzen du, hitzez hitz, 2021eko soldata igoeraz:

“D.–2021. urtean.

1.–Soldata errealen igoerak.

2021. urterako, soldata igoera hau hitzartu da: Estatuko 2020ko KPIa + 0,5. Horren emaitza den igoeraren portzentajea 2020an esleituriko banakako batez besteko soldata kontzeptu gordin guztietan aplikatuko da, homogeneotasunez eta enpresek duten soldata egiturari eutsiz.

Langile bati soldata bermatua aplikatuko zaio baldin eta aurreko paragrafoko igoera aplikatuz gero bere soldata hura baino txikiagoa bada.

2.–Soldata bermatuaren igoerak.

2021. urtean lanbide talde bakoitzerako soldata bermatuaren zenbateko gordinari dagokionez, Estatuko 2020ko KPIari puntu 1 gehitzearen ondoriozko portzentajea aplikatuko da, 2020. urtean kontzeptu horrek izan zituen zenbatekoak oinarri hartuta”.

3.–Aurreko puntuei dagokienez, egiaztatu da Estatuko KPIa %-0,8 izan dela 2020an.

Horretan oinarriturik, alderdiek, hitzarmenean ezarritakoarekin bat,

HITZARTZEN DUTE:

Lehenbizikoa.–Soldata bermatuaren 2021erako igoeraren portzentajea %0,5 izanen da, horixe baita Estatuko KPIaren 2020ko igoerari (%-0,5) puntu bat gehitzearen emaitza. Horrek, 2021eko urtarrilaren 1etik aitzina izanen du eragina.

Bigarrena.–2021eko soldata errealei dagokienez, kontuan hartuta Estatuko KPI errealaren 2020ko igoerari (%-0,5) 0,5 puntu gehitzearen emaitza 0 dela, ez dute inolako igoerarik izanen 2021ean.

Langile bati soldata bermatua aplikatuko zaio baldin eta aurreko paragrafoko igoera aplikatuz gero bere soldata hura baino txikiagoa bada.

Hirugarrena.–Hitzarmenaren 41-D artikuluan ezarritakoaren bidetik, ulertzen da aipatu berri denak ez duela deusetan ukatzen enpresetan negoziazio kolektiborako prozesuetan soldatei buruz lortutako akordioak, barne direla lan hitzarmen kolektiboak, enpresa itunak, lan baldintzak funtsean aldatzeko espedienteak edo lan kontratuak eten/bertan behera uzteko enplegu-erregulazioko espedienteak, hitzarmen hau argitaratzen den eguna baino lehenagokoak, beti errespetatuko baitira.

Laugarrena.–Atzerakinak ordaintzeari dagokionez, erabaki da kasuko atzerakinak akta hau Nafarroako Aldizkari Ofizialean argitaratzen den hileko nominan ordainduko direla, argitalpen hori hilaren 1etik 15era bitarte egiten bada. Hileko 16tik azken egunera bitarte argitaratzen bada, berriz, atzerakinak hurrengo hileko nominan ordaindu beharko dira.

Eta ados daudela erakusteko, erakunde sinatzaileek akta hau formalizatu dute goian aipatutako tokian eta egunean.

SOLDATA IGOERA ETA ZENBAIT HITZARMENI APLIKATZEKOAK DIREN ZENBATEKOAK, NAFARROAKO FORU KOMUNITATEKO INDUSTRIA SIDEROMETALURGIKOAREN SEKTOREKO 2021EKO LAN HITZARMEN KOLEKTIBO AUTONOMIKOAN

1.–Soldata bermatuaren igoera:

%0,5, horixe baita Estatuko KPIaren 2020ko igoeraren portzentajeari puntu bat gehitzearen emaitza.

2.–Soldata errealen igoera:

Soldata errealek ez dute inolako igoerarik izanen 2021ean, Estatuko 2020ko KPI errealari (%-0,5) 0,5 puntu gehitzearen emaitza 0 delako.

Halere, langile bati soldata bermatua aplikatuko zaio baldin eta aurreko paragrafoko igoera aplikatuz gero bere soldata hura baino txikiagoa izanen bada.

3.–Pizgarri gabeziaren plusa, Nafarroako Foru Komunitateko industria siderometalurgikoaren sektoreko 2015etik 2017rako lan hitzarmen kolektibo autonomikoa sinatu aurreko langileentzako: 94,30 euro.

4.–Antzinatasuna:

5.–Plusak: toxikotasuna, arriskugarritasuna eta nekagarritasuna, osasun zentroak, gaueko lana: %0,5.

6.–Bidaiak eta dietak:

Langileek enpresaren aginduz egin behar dituzten joan-etorrietan, garraio gastuez gainera 41,46 euro kobratuko dituzte eguneko dieta osoagatik, non eta joan-etorria hiru egunetik beherakoa ez den, horrelakoetan dieta 50,51 eurokoa izanen baita eguneko.

Dieta erdia 24,02 eurokoa izanen da eguneko.

7.–Prestakuntzarako kontratua:

Bi kasu daude:

A) Prestakuntzarako kontratua, 2019ko urtarrilaren 1a baino lehen formalizatua:

B) Prestakuntzarako kontratua, 2019ko urtarrilaren 1etik aurrera formalizatua:

8.–Praktikaldiko lan kontratua:

Bi kasu daude:

A) Praktikaldiko lan kontratuak, 2019ko urtarrilaren 1a baino lehen formalizatuak:

Langilearen ordainsaria, 2021erako, ezin izanen da lanpostu berdinean edo haren baliokidean ari den langileari dagokion lanbide taldearen soldata bermatuaren %60koa edo %75ekoa baino gutxiago izan, kontratuaren indarraldiko lehenbiziko urtean edo bigarrenean, hurrenez hurren.

B) Praktikaldiko kontratuak, 2019ko urtarrilaren 1etik aurrera formalizatuak:

Langilearen ordainsaria, 2021erako, ezin izanen da lanpostu berdinean edo haren baliokidean ari den langileari dagokion lanbide taldearen soldata bermatuaren %65ekoa edo %80koa baino gutxiago izan, kontratuaren indarraldiko lehenbiziko urtean edo bigarrenean, hurrenez hurren.

9.–Lanbide taldeen 2021erako soldata bermatuak:

10.–Aparteko orduak:

Aparteko orduaren batez besteko prezioa %0,5 igoko da 2021ean.

Iragarkiaren kodea: F2102700