1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
54C/2021 EBAZPENA, otsailaren 17koa, Enpresa Politikaren, Nazioarteko Proiekzioaren eta Lanaren zuzendari nagusiak emana, Nafarroako zuraren industrien sektorearen hitzarmen kolektiboa erregistratu, gordailutu eta Nafarroako Aldizkari Ofizialean argitaratzea erabakitzen duena.
Nafarroako zuraren industrien sektoreko hitzarmen kolektiboko 2020ko urteko soldaten berrikuspenari buruzko akordioaren testua aztertu da (kode zenbakia: 31004805011981), erregistro honetan 2020ko uztailaren 28an sartu zena, enpresen ordezkariek (ADEMAN) eta sindikatu batzuen (LAB eta ELA) ordezkariek 2020ko ekainaren 19an izenpetua eta 2021eko otsailaren 9an zuzendua, Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluko 2. eta 3. apartatuetan eta Hitzarmen kolektibo, lan akordio kolektiboen eta berdintasun planen erregistro eta gordailuari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBAZTEN DUT:
1. Nafarroako Hitzarmen Kolektiboen, Lan-Akordio Kolektiboen eta Berdintasun Planen Erregistroan inskribatzeko agintzea.
2. Nafarroako Aldizkari Ofizialean argitaratzeko xedatzea, orok jakin dezan.
Iruñean, 2021eko otsailaren 17an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Nafarroako zuraren industrien sektoreko hitzarmen kolektiboko 2020ko soldaten berrikuspenari buruzko akordioa (PDFa).
Iragarkiaren kodea: F2102699
