1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
152/2021 FORU AGINDUA, abenduaren 9koa, Lehendakaritzako, Berdintasuneko, Funtzio Publikoko eta Barneko kontseilariak emana, zeinaren bidez izendatzen eta errebokatzen baitira Nafarroako Gobernuaren IFZri lotutako ziurtagiri digitala eduki behar duten pertsonak.
Administrazio Publikoen Administrazio Prozedura Erkideari buruzko urriaren 1eko 39/2015 Legeak eta Sektore Publikoaren Araubide Juridikoari buruzko urriaren 1eko 40/2015 Legeak indarra hartzeak egoera berria ekarri du administrazio publiko guztien funtzionamenduan.
Urriaren 1eko 39/2015 Legeak azpimarratzen duen alderdietako bat da jakinarazpenak bitarteko elektronikoen bidez egitea, nahitaezkoa baita pertsona juridikoei egiten zaizkien jakinarazpenetarako. Egia da urriaren 1eko 40/2015 Legean jasotako bide eta aplikazio telematikoen bitartez komunikatu behar dutela administrazio publikoek, eta gainerako pertsona juridikoen aldean tratamendu berezia izan behar dutela, kontuan hartuta izaera juridiko desberdina dutela. Nolanahi ere, praktikotasunaren aldetik komeni da, zenbait aplikaziotara sartzeko, departamentu eta menpeko erakunde autonomo bakoitzaren ordezkariaren sinadura elektronikoa izatea, baita Nafarroako Gobernuarena berarena ere, kasuan kasuko aplikazioaren kudeaketaz arduratu behar badira.
Adierazitakoarekin bat, Nafarroako Gobernuak 2017ko martxoaren 29an hartutako Erabakiaren bidez kontseilariei baimena eman zitzaien izenda ditzaten, foru agindu baten bidez, beren departamentu eta erakunde autonomoen ordezkari gisa aritzeko ziurtagiri digitala eduki behar duten pertsonak.
Orobat, xedatu zen ezen hala egindako izendapenak noiznahi ere baliogabetu daitezkeela.
Lehendakaritzako, Berdintasuneko, Funtzio Publikoko eta Barneko kontseilariaren irailaren 19ko 141/2019 Foru Aginduaren bidez izendatu ziren departamentuaren ordezkari gisa aritzeko ziurtagiri digitala eduki behar duten pertsonak.
Lehendakaritzako, Berdintasuneko, Funtzio Publikoko eta Barneko kontseilariaren abenduaren 4ko 193/2019 Foru Aginduaren bidez María Dolores García Fuentes andrearen izendapena errebokatu ondoren, gaur egun indarra duen izendapen bakarra Javier Martínez Eslava jaunarena da.
Abenduaren 8an duenez erretiro-data, bidezkoa da haren izendapena ere errebokatzea eta beste pertsona bat izendatzea haren ordez.
Azaldutakoarekin bat, Nafarroako Gobernuari eta Lehendakariari buruzko abenduaren 3ko 14/2004 Foru Legeak ematen dizkidan ahalmenak erabiliz,
AGINTZEN DUT:
1. Izendatzea Nerea Idoya Guruceaga Lizarraga andrea, Idazkaritza eta Dokumentazio Bulegoko burua, Lehendakaritzako, Berdintasuneko, Funtzio Publikoko eta Barneko Departamentuaren ordezkari gisa aritzeko ziurtagiri digitala eduki behar duen pertsona izateko.
2. Errebokatzea Javier Martínez Eslava jaunaren izendapena, Lehendakaritzako, Berdintasuneko, Funtzio Publikoko eta Barneko Departamentuaren ordezkari gisa aritzeko ziurtagiri digitala eduki behar duen pertsona izateko egindakoa. Izendapen hori Lehendakaritzako, Berdintasuneko, Funtzio Publikoko eta Barneko kontseilariaren irailaren 19ko 141/2019 Foru Aginduaren bidez egin zen.
Errebokatzeak 2021eko abenduaren 9tik aurrera izanen ditu ondorioak.
3. Foru agindu hau igortzea Idazkaritza Tekniko Nagusiko Estatistiken eta Informazio Kudeaketaren Atalera eta interesdunei jakinaraztea.
4. Foru agindu hau Nafarroako Aldizkari Ofizialean argitaratzea, orok jakin dezan.
Iruñean, 2021eko abenduaren 9an.–Lehendakaritzako, Berdintasuneko, Funtzio Publikoko eta Barneko kontseilaria, Javier Remírez Apesteguía.
Iragarkiaren kodea: F2117277
