268. ALDIZKARIA - 2021eko azaroaren 25a

2. NAFARROAKO TOKI ADMINISTRAZIOA

2.2. XEDAPEN ETA IRAGARKIAK, HERRIEN ARABERA ANTOLATUAK

ZIZUR NAGUSIA

Zizur Nagusiko ikastetxe publikoetako gurasoen elkarteek eskola-garraiorako eta jarduera osagarriak eta eskolaz kanpokoak egiteko diru-laguntzen deialdi publikoaren laburpena, 2021-2022 ikasturtea

DDBN (identif.): 595084.

2021eko azaroaren 15eko Alkatetzaren 861/2021 Ebazpenaren bidez onetsia.

Dirulaguntzei buruzko azaroaren 17ko 38/2003 Lege Orokarraren 17.3.b eta 20.8.a artikuluetan ezarritakoaren arabera, deialdiaren laburpena argitaratzen da. Horren testu osoa datu base nazionalean aurki daiteke (https://www.infosubvenciones.es/bdnstrans/GE/es/convocatoria/595084).

Lehena.–Onuradunak.

Zizur Nagusian egoitza soziala eta fiskala duten ikastetxe publikoetako gurasoen elkarteak, baldin eta legez eratuta eta Elkarteen Erregistroan inskribatuta eta eguneratuta badaude, baldintza orokorrak betetzen badituzte eta Dirulaguntzei buruzko azaroaren 17ko 38/2003 Lege Orokorraren 13. artikuluan ezarritako debeku-kausetako batean ere ez badaude.

Bigarrena.–Helburua.

Gurasoen Elkarteek antolatutako jarduera osagarriak eta eskolaz kanpokoak sustatzea eta laguntzea, hezkuntza-garapena errazteko eta gurasoen eta/edo ikasleen parte-hartze aktiboa inplikatzeko, eta Zizur Nagusiko Udalaren lankidetza arautzea.

Halaber, Zizur Nagusiko “Ardoi” eta “Herria” eremuetan bizi diren familientzako eskola-garraioko zerbitzua diruz lagunduko da Camino de Santiago, Catalina de Foix eta Erreniega ikastetxe publikoetan, ikastetxe horietako Gurasoen Elkarteek kudeatuta 2021-2022 ikasturtean.

Hirugarrena.–Oinarri arautzaileak.

Zizur Nagusiko ikastetxe publikoetako gurasoen elkarteek eskola-garraiorako eta jarduera osagarriak eta eskolaz kanpokoak egiteko diru-laguntzen deialdi publikoa, 2021-2022 ikasturtea.

Laugarrena.–Zenbatekoa:

• 2.000 euro jarduera hezigarri eta kulturaletarako.

• 35.000 euro eskola-garraiorako.

Bosgarrena.–Eskabideak aurkezteko epea.

Eskabideak aurkezteko epea 15 egun naturalekoa izango da, deialdi hau Nafarroako Aldizkari Ofizialean laburbilduta argitaratu eta hurrengo egunetik aurrera.

Zizur Nagusian, 2021eko azaroaren 15ean.–Alkatea, Jon Gondán Cabrera.

Iragarkiaren kodea: L2116135