Iragarkia

268. ALDIZKARIA - 2021eko azaroaren 25a

1. NAFARROAKO FORU KOMUNITATEA

1.7. BESTELAKOAK

472/2021 EBAZPENA, azaroaren 9koa, Hezkuntzako zuzendari nagusiak emana, Hezkuntzako Ikuskapen Zerbitzuaren Urteko Jarduketa Plana onesten duena 2021-2022 ikasturterako.

Hala ezartzen baitu bere I. kapituluko 2. artikuluan Hezkuntza Departamentuko hezkuntzako ikuskapenaren antolaketa eta funtzionamendua arautzen dituen ekainaren 30eko 80/2008 Foru Dekretuak, Hezkuntzako Ikuskapen Zerbitzua da legeak betearazten dituen administrazio organoa. Gainera, hezkuntza administrazioa eta ikastetxeak gainbegiratzen eta ebaluatzen ditu, bai eta aholku ematen ere, eta haientzat txostenak egiten ditu, hezkuntza sistemaren kalitatea hobetzeko asmoz. Foru dekretuaren 3. artikuluan, hezkuntzako ikuskapenaren zerbitzuak aipatzen dira, helburu horiek betetzeko.

Hezkuntzako Ikuskapen Zerbitzuaren Urteko Jarduketa Plana da plangintza instituzionalerako oinarrizko tresna bat, eta urtero agintzen du hezkuntzako ikuskatzailetzak Nafarroako Foru Komunitatean garatu beharreko jarduketen multzoa, araudiak esleitzen dizkion eginkizunen eta eskudantzien zehaztapen gisa.

Orobat, honako hau xedatzen du 80/2008 Foru Dekretuak 18. artikuluan: “Plan estrategikoa da hezkuntzako ikuskapenaren epe ertaineko gidalerroak islatzen dituen agiri instituzionala”, eta plan honek “helburuak, estrategiak eta barne ekintzako ildoak ezarriko ditu, eta Ikuskapenaren eta Zerbitzuen zuzendari nagusiaren ebazpen bidez onetsiko da”. Eta 19.1 artikuluak hauxe ezartzen du: “Plan Estrategikoa urteko jarduketa planen bidez garatu eta zehaztuko da. Urteko plan horiek Ikuskapenaren eta Zerbitzuen zuzendari nagusiaren ebazpen bidez onetsiko dira” (gaur egun “Hezkuntzako zuzendari nagusiaren” ebazpen bidez).

Urriaren 15eko 454/2017 Ebazpenaren bidez onetsi zen Hezkuntzako Ikuskapen Zerbitzuaren 2017-2021 aldirako Plan Estrategikoa, eta haren indarraldia amaitu delarik plan estrategiko hori 2021-2022 ikasturtera luzatzea erabaki da.

Hartara, orain, Hezkuntzako Ikuskapen Zerbitzuaren Urteko Jarduketa Plana ezarri behar da 2021-2022 ikasturterako.

Plan horrek aurreikusten dituen helburuek, ekintzek, baliabideek eta denborak ahalbidetuko dute argi eta zehatz ezartzea nola jardunen duen Hezkuntzako Ikuskapen Zerbitzuak 2021-2022 ikasturtean.

Planaren bidez, modu koherentean antolatu eta sistematizatu nahi da Hezkuntzako Ikuskapen Zerbitzuaren eguneroko lana, horrela zerbitzuko kideen lana erraztu, testuinguru batean kokatu eta koordinatzeko.

Bestetik, urriaren 30eko 267/2019 Foru Dekretuak, Hezkuntza Departamentuaren egitura organikoa ezartzen duenak, 9. artikuluan, Hezkuntza Zuzendaritza Nagusiaren egituraren barrenean txertatzen du Hezkuntzako Ikuskapen Zerbitzua.

Horrenbestez, Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan eskudantziak erabiliz,

EBAZTEN DUT:

Lehena.–Hezkuntzako Ikuskapen Zerbitzuaren Urteko Jarduketa Plana onestea 2021-2022 ikasturterako. Hona hemen

OINARRIAK

1. Urteko Jarduketa Plana.

Hezkuntzako Ikuskapen Zerbitzuaren jarduerak berak hala eskatzen baitu, urtero egin behar izaten da haren plangintza eta berrikuspena, erantzun eraginkor bat eman ahal izateko hezkuntza sistemaren errealitate konplexu eta aldakorraren aurrean. Hori horrela, Urteko Jarduketa Plan hau lan esparru gisa eratu da, ikuskatze lana bideratzeko 2021-2022 ikasturtean.

Urteko Jarduketa Plan honetan ageri diren zerbitzu edo jarduketa guztien helburua da garatzea indarrean dagoen araudiak hezkuntzako ikuskatzailetzari esleitutako eginkizunak.

Planaren aplikazio-eremuari dagokionez, bertan sartzen dira Nafarroako Foru Komunitateko unibertsitatez kanpoko hezkuntza sistema eratzen duten ikastetxe, programa, zerbitzu eta jarduera guztiak. Testuinguru horretan, planak ikastetxean berean egiten diren ikuskapenak lehenesten ditu, hezkuntza prozesua garatzen duen oinarrizko hezkuntza erakundea den aldetik.

Plana prestatzerakoan, honako hauetan xedatutakoa hartu da kontuan: 80/2008 Foru Dekretua, Hezkuntzako ikuskapenaren antolaketa eta funtzionamendua arautzen dituena; Hezkuntzako Ikuskapen Zerbitzuaren 2017-2021 aldirako Plan Estrategikoa; Ikuskapen Zerbitzuaren antolaketaren eta funtzionamenduaren berrikuspenaren emaitzak; 2020-2021 aldiko Urteko Planaren ebaluazioa, eta Hezkuntza Administrazioak 2020-2022 ikasturterako dituen eskaera berriak.

2. Urteko Jarduketa Planaren helburuak.

Honako hauek dira Hezkuntzako Ikuskapen Zerbitzuaren Urteko Jarduketa Planak 2021-2022 ikasturterako dituen helburuak:

a) Ziurtatzea Ikuskatzailetzak ikastetxeei, Hezkuntza Departamentuari eta hezkuntza komunitate osoari ematen dizkien zerbitzuen plangintza.

b) Ikuskatzailetzaren jarduketak zehaztea kontrolaren eta gainbegiratzearen arloan.

c) Ikuskatzaileek egin beharreko jarduketak ezartzea, ikastetxeak, irakasleak eta programak ebaluatzeari dagokionez.

d) Nafarroako Foru Komunitateko hezkuntza sistema ebaluatzeko Ikuskatzailetzak egin beharreko jarduketak zehaztea eta Ebaluazio Institutuari laguntzea Nafarroako ikastetxeetan egiten diren nazioko edo nazioarteko ebaluazioak egiten.

e) Ikastetxeentzako aholkularitza jarduketak identifikatzea.

f) Jarduketak ezartzea hezkuntza administrazioari informazioa emateko eta Hezkuntza Departamentuko bestelako zerbitzuekin elkarlanean aritzeko.

g) Hezkuntzako Ikuskatzailetzaren eginkizunen esparruan, ikastetxeetan bizikidetza hobetzeko jarduketak identifikatzea.

h) Ikuskatzailetzaren jarduketak zehaztea ikasleak eskolatzeko arloan.

i) Ikuskatzaileen jarduketak ezartzea, ikastetxeetako irakasleen plantillak zehazteko.

j) Planaren definizioaren, ezarpenaren eta jarduketen hobekuntzaren gaineko erantzukizunak zehaztea.

k) Hezkuntzako Ikuskapen Zerbitzuaren kalitatea kudeatzeko sistemak mantentzea, planaren helburuak lortzeko.

l) Kalitatea kudeatzeko sistemen ezarpena ebaluatzea ikastetxeetan.

m) Zerbitzuko langileen ezagupenak berritu eta handitzeko jarduerak zehaztea, planean aurreikusitako zerbitzuak ematean kalitatea eta bikaintasuna lortzearren.

n) Ondorioak atera eta proposamenak egitea, egindako jarduketei buruzko txosten eta azterlanak eginez.

3. Urteko Jarduketa Planaren edukia.

2021-2022 Urteko Jarduketa Planean sartzen dira Hezkuntzako Ikuskapen Zerbitzuak aldi horretan egin beharreko jarduera eta zerbitzuak, hain zuzen ere erantzuna emateko zerbitzu horien hartzaileen premiei eta espektatibei. Zerbitzu horietako bakoitza ematen da kasu bakoitzari lotutako prozesu bat gauzatuz.

Ebazpen honen I. eranskinean –Prozesuen matrizea– agertzen dira 2021-2022 ikasturtean garatu asmo diren prozesu eragile giltzarriak, bezeroei zerbitzu ematekoak. Gerta liteke prozesu horiek aldaketaren bat izatea, ikasturte honetan zehar berrikusiko baitira.

Ebazpeneko II. eranskinean –Urteko Jarduketa Plana– zehazten dira zerbitzuko kideek egin beharreko zerbitzu eta jarduerak, honako hauek adierazita: epeak, emaitzak, arduradunak eta ebaluatzeko adierazleak.

Ebazpeneko III. eranskinean –Jarraipena eta ebaluazioa–, jarraipen sistema bat aurreikusi da, II. eranskinean –Urteko Plana– aipatutako zerbitzu eta jardueren lorpen maila neurtzeko, aldaketa beharrak atzemateko eta, hala badagokio, behar diren doikuntzak egiteko.

4. Ardurak.

Plan honek bere baitako zerbitzu eta jarduketen erantzukizunak zehazten ditu diseinuan, ezarpenean, jarraipenean eta hobekuntzan. Gainera, plana egoki gauzatzeko, zerbitzuko zuzendariak beste eginkizun eta zeregin batzuk esleitzen ahalko dizkie arlo eta eremuetako koordinatzaileei eta ikuskatzaileei.

Erabiliz ekainaren 30eko 80/2008 Foru Dekretuak Hezkuntzako Ikuskatzailetzari esleitzen dizkion eskumenak, ikuskatzaileak, orobat, argibideak, aholkuak eta orientabideak emanen dizkie ikastetxeei etengabe, bitarteko lana eginen du eta, hezkuntza komunitateak eskatuz gero, behar duten laguntza emanen die, deusetan galarazi gabe irakaslana, ikastetxeak eta, oro har, hezkuntza sistema etengabe hobetzera bideratutako kontrol, gainbegiratze eta ebaluazio lanak.

5. Kalitatea kudeatzeko sistema.

Hezkuntzako Ikuskapen Zerbitzuan kalitatea kudeatzeko sistemak ezartzeko hasitako prozesuarekin bat, 2021-2022 ikasturtean, prozesuen matrizea berrikusiko da, uste baita sistema horrek zerbitzuaren funtzionamendua arindu eta koherenteagoa eta homogeneoagoa egiten duela, eta, aldi berean, ikuskatzaileen praktika hobetzen laguntzen duela.

6. Ikuskatzaileen prestakuntza.

Prestakuntza plan bat ere gauzatzea aurreikusten da, beharrezkoa izanen duten planaren eremuetan ezagutza garatzeko tresna egoki gisa. 2021-2022 Prestakuntza Planean zehaztuko da prestakuntza ekintza horien garapena.

Prestakuntza instituzionaleko ekintzak nahitaezkoak izanen dira, eta lan ordutegian eginen dira.

7. Jarraipena eta ebaluazioa.

Planaren jarraipena eta ebaluazioa eskualdeko lantaldeen bilera arruntetan eta koordinatzaileek zerbitzuko zuzendariarekin egin beharrekoetan gauzatuko dira. Egindako lanak ebaluatzeaz gain, Urteko Jarduketa Plana gauzatzeko behar diren neurri zuzentzaileak hartuko dira bilera horietan.

Ikasturtea bukatutakoan, arduradunek planaren betetze mailaren azken ebaluazioa eginen dute. Ondorio nagusiak zerbitzuaren Urteko Memorian jaso, eta Hezkuntza Zuzendaritza Nagusiari helaraziko zaizkio.

Horretarako, ebazpen honen III. eranskinean –Jarraipena eta ebaluazioa– heldu den eredua erabiliko da.

8. Aurreikusitako aldaketak.

Hezkuntzako Ikuskapen Zerbitzuaren Urteko Plana, berez, eginkizunak jada finkatuak dituen lan tresna bat da.

Dena dela, planaren dinamikak eta hezkuntza-errealitatean sortzen diren beharrak ikusita, aldaketak sartzen ahalko dira gauzatu ahala.

Hezkuntzako zuzendari nagusiak egiten ahalko ditu aldaketa horiek, noiznahi; eta zerbitzuko zuzendariak ere egin ditzake, presako jarduketaren bat egin beharra dagoela uste duenean, baina, betiere, zuzendari nagusiari horren berri emanda.

Hezkuntza Departamentuko gainerako zerbitzuetako zuzendariek egindako proposamenek, Ikuskapena ere tartean badago, Hezkuntzako Ikuskapen Zerbitzuko zuzendariaren onespena beharko dute, ezarritako Urteko Planaren barrenean zer bideragarritasun duten baloratuko baitu.

Bigarrena.–Ebazpen honen eta oinarrien aurka gora jotzeko errekurtsoa jar daiteke, Hezkuntza Departamentuko kontseilariari zuzendua, Nafarroako Aldizkari Ofizialean argitaratu eta biharamunetik hilabeteko epean.

Hirugarrena.–Ebazpena eta oinarriak Hezkuntzako Ikuskapen Zerbitzura eta Nafarroako Aldizkari Ofizialera igorriko dira, behar diren ondorioak izan ditzaten.

Iruñean, 2021eko azaroaren 9an.–Hezkuntzako zuzendari nagusia, Gil Sevillano González.

I. ERANSKINA

21-22KO PROZESUEN MATRIZEA

Hezkuntzako Ikuskapen Zerbitzua

PROZESUAK	PR/BI	ARDURADUNA
Zerbitzuaren plangintza eta diseinua	PR01	Zerbitzu burutza
Zerbitzuaren plangintza eta diseinua		Zerbitzuaren zuzendaritza
KONTROLA ETA GAINBEGIRATZEA	PR02
Ikasturte hasierako gainbegiratzea	SB0201	Ikuskatzailea
Urteko Programazio Orokorra (UPO)/Urteko Jarduketa Plana (UJP) eta ikasturte bukaerako memoria gainbegiratzea	SB0202	Ikuskatzailea
Ikastetxeetako egutegia eta ordutegia onestea	SB0203	Ikuskatzailea
Irakasleen hutsegite-parteak gainbegiratzea	SB0204	Ikuskatzailea
EBALUAZIOA	PR03	Ebaluazio arloa
Ikastetxeen jardunaren ebaluazioa. Autoebaluazioaren jarraipena.	SB0301
Praktiketako funtzionarioen ebaluazioa	SB0302
Zuzendaritza lana ebaluatzea	SB0303
Kalitatea kudeatzeko sistemen ezarpena ebaluatzea ikastetxeetan.	SB0304
Irakasleen borondatezko ebaluazioa.	SB0305
Zerbitzu berezien ebaluazioa.	SB0306
AHOLKULARITZA	PR04
Laguntza eta aholkularitza teknikoa		Ikuskatzailea
IKASTETXEEN KUDEAKETA	PR05
Hezkuntza administrazioak eskatutako txostenak eta azterketak egitea	PR0501	Ikuskatzailea
Zuzendarien ohiz kanpoko izendapena	PR0502	Ikuskatzailea
Ikastetxe itunduetako eskola jarduerak eta zerbitzuak baimendu eta erregistratzea	PR0503	Ikuskatzailea
Ikastetxeen baimenak eta erregistroa	PR0504	Ikuskatzailea
Hezkuntza itunei buruzko txostenak egitea	PR0505	Ikuskatzailea
ANIZTASUNARI ERANTZUTEA	PR06
Aniztasunari erantzuteko programen eskaerak gainbegiratzea	PR0601	Ikuskatzailea
Eskolatze-aldia malgutzearen gaineko txostena egitea	PR0602	Ikuskatzailea
Hezkuntza premia bereziak dituzten ikasleek HHn eta LHn ikasturte bat gehiago jarraitzeko eta Batxilergoa blokeetan zatitzeko baimena emateko txostenak egitea	PR0603	Ikuskatzailea
LEGEDIA ETA ARAUDIA	PR07
Informazioa eskuratzea eta araudia prestatzea	PR0701	Ikuskatzailea
Batzorde eta epaimahaietan parte hartzea	PR0702	Ikuskatzailea
ELKARBIZITZA	PR08	Bizikidetza arloa
Ikasleen kalifikazioei buruzko erreklamazioak	SB0801
Ikuskatzailetzaren esku-hartzea ikasleei hezkuntza-neurriak aplikatzeko prozeduretan eta/edo ikastetxez aldatzeko proposamenetan	SB0802
Ikuskatzailetzaren esku-hartzea ikastetxeetan bizikidetza arazo larriak daudenean	SB0803
Ikuskatzailetzaren esku-hartzea kontratua suntsiaraztean	SB0804
Funtzionarioen aurkako diziplinazko espedienteak izapidetzea	SB0805
Ikuskatzailetzaren esku-hartzea laneko jazarpena gertatzen denean	SB0806
Ikuskatzailetzaren esku-hartzea eskola-jazarpena gertatzen denean	SB0807
PLANGINTZA	PR09	Plangintza arloa
Hezkuntza eskaintzaren plangintza
ESKOLATZEA	PR10	Eskolatze arloa
Ikasleak eskolatzea
PLANTILLAK	PR11	Plantillen arloa
Ikastetxeen plantilla organikoaren proposamena zehaztea	SB1101
Ikastetxeen funtzionamendurako plantillari buruzko proposamena zehaztea	SB1102
PERTSONEN KUDEAKETA	PR12	Zerbitzu burutza
PRESTAKUNTZA	PR13	Zerbitzu burutza
BALIABIDEEN KUDEAKETA	PR14	Zerbitzu burutza
KALITATEAREN KUDEAKETA	PR15	Ikuskatzaile arduraduna
Barne-kalitatearen kudeaketa eta kontrola	SB1501
Prozesuak-azpiprozesuak diseinatu eta garatzea	SB1502
IKASLEEN KANPO-EBALUAZIOA	PR16	Ebaluazio Atala / Ikuskatzaile arduraduna
Ebaluazio diagnostikoak	SB1601	Ebaluazio Atala
Banakako ebaluazioak	SB1602	Ebaluazio Atala
Nazioarteko ebaluazioak	SB1603	Ebaluazio Atala
USE	SB1604	Ikuskatzailea

II. ERANSKINA

JARDUKETA PLANA

Hezkuntzako Ikuskapen Zerbitzua - 2021-2022 ikasturtea

PR02 Kontrola eta gainbegiratzea	Urteko Programazio Orokorra (UPO)/Urteko Jarduketa Plana (UJP) eta ikasturte bukaerako memoria gainbegiratzea	Ikuskatzaile arduradunak	Egiaztatzea zenbateraino egokitzen zaizkien ikastetxeko UPO/UJP eta ikasturte bukaerako memoria indarreko araudiari eta Hezkuntzako Departamentuaren planei eta jarraibideei	2021/11/02	2022/04/05	UPO/UJP gainbegiratzeko txostenen %90 epearen barnean eginak, ereduaren arabera; eta ikasturte bukaerako memoria gainbegiratzeko txostenen %90 epearen barnean eginak, ereduaren arabera	Bukaerako txostena, abuztuaren 15eko datarekin
PR02 Kontrola eta gainbegiratzea	Ikastetxeetako egutegia eta ordutegia onestea	Ikuskatzailea	Eskola-egutegiaren eta -ordutegiaren proposamenak onestea, baldin eta araudia betetzen badute, eta onespen horren berri ematea ikastetxeei	2022/05/02	2022/06/30	Egutegien eta ordutegien %100 onetsiak haur eskoletan eta %90 gainerako irakaskuntzetan	Bukaerako txostena, abuztuaren 15eko datarekin
PR02 Kontrola eta gainbegiratzea	Irakasleen hutsegite-parteak gainbegiratzea	Ikuskatzailea	Soldatatik deskontatzeko proposamena egitea, bidezkoa denean	2021/09/01	2022/06/30	Egindako txostenak	Egindako txostenen erregistroa
PR02 Kontrola eta gainbegiratzea	Heziketa zikloetako irakasleen lan plangintza gainbegiratzea lantokietako prestakuntzaldian	Ikuskatzailea	Ikastetxeek egindako lan plangintzak gainbegiratzea	2022/03/21	2022/04/15	Jasotako eta gainbegiratutako txostenak	Gainbegiratutako txostenen erregistroa
PR03 Ebaluazioa	Irakasleen borondatezko ebaluazioa	Ebaluazio arloa	Irizpide homogeneoak dituzten txostenak prestatzea irakasleen balorazio positiboa egiteko, zuzendariak hautatzeko merezimendu gisa	2022/01/03	2022/03/31	Egindako txostenak	Egindako txostenen erregistroa
PR03 Ebaluazioa	Praktiketako funtzionarioen ebaluazioa	Ebaluazio arloa	Izangaien ebaluazioa epe barruan eta ereduaren arabera egitea	2021/10/1	2022/06/30	Izangaien %100 ebaluatuak, bukaerako txostenarekin	Azken txostena
PR03 Ebaluazioa	Ikastetxeen jardunaren ebaluazioa. Autoebaluazioaren jarraipena	Ikuskatzaile arduradunak	Egiaztatzea zenbateraino egokitzen diren autoebaluazioa eta hobetzeko biurteko plana	2021/10/31	2022/04/05	Autoebaluazioen jarraipenerako txostenen %100 epe barruan eta ereduaren arabera eginak	Bukaerako txostena
PR03 Ebaluazioa	Zuzendaritza lanaren ebaluazioa	Ikuskatzailea	Nafarroako Gobernuko Hezkuntza Departamentuaren mendeko ikastetxe publikoetako zuzendarien ebaluazioa egitea	2021/09/01	2022/6/30	Txostenen %100 epe barruan eginak, ereduaren arabera	Bukaerako txostena
PR05 Ikastetxeen kudeaketa	Hezkuntza administrazioak eskatutako txostenak eta azterlanak egitea	Prozesu bakoitzaz arduratzen den ikuskatzailea	Eskatutako txostenak egitea prozesu bakoitzean ezarritako araudiarekin bat	2021/09/01	2022/06/19	Egindako txostenak	Egindako txostenen erregistroa
PR05 Ikastetxeen kudeaketa	Zuzendarien ohiz kanpoko izendapena	Ebaluazio Atala	Hautapen Batzordeak hautapen prozesua burutu ondoren, zuzendarien ebaluazioagatik, berrizendapenagatik edo bestelako edozein arrazoirengatik ikasturte amaieran zuzendari postua hutsik duten ikastetxeetako zuzendariak izendatzeko proposamenak egitea	2022/02/01	2022/03/31	Proposamenen %100 epe barruan eginak	Emaitzen txostena
PR05 Ikastetxeen kudeaketa	Ikastetxe itunduetako eskola jarduerak eta zerbitzuak baimendu eta erregistratzea	Ikuskatzailea	Eskola jarduerak eta zerbitzuak baimentzea	2022/06/01	2022/10/03	Jardueren eta zerbitzuen %100 berrikusiak eta jakinaraziak	Extran erregistratzea
PR05 Ikastetxeen kudeaketa	Ikastetxeen baimenak eta erregistroa	Ikuskatzaile arduradunak	Ikastetxeen baimena eta erregistroa kudeatzea	2021/09/01	2022/06/19	Epe barruan tramitatutako eta ebatzitako espedienteen kopurua	Erregistroa
PR05 Ikastetxeen kudeaketa	Hezkuntza itunei buruzko txostenak egitea	Ikuskatzailea	Itunei buruzko txostenak egitea	2022/03/18	2022/05/03	Txostenen %100 epe barruan eginak	Erregistroa
PR06 Aniztasunari erantzutea	Aniztasunari erantzuteko programen eskaerak gainbegiratzea	Ikuskatzailea	Curriculum Egokituko Programan, Ikaskuntza eta Errendimendua Hobetzeko Programan, Oinarrizko Lanbide Heziketan eta Lantegietan sartzeko eskaerak gainbegiratzea eta horien berri ematea	2022/06/01	2022/06/30	Epe barruan gainbegiratutako eskaerak	Erregistroa
PR06 Aniztasunari erantzutea	Eskolatze-aldia malgutzearen gaineko txostena egitea	Ikuskatzailea	Txostena egitea ikastetxeek eskolatze-aldia malgutzeko aurkeztutako baimen eskaerari buruz	Kasuan kasuko zerbitzuak eskaera hori igortzea	15 egun igortzen denetik	Egindako txostenak	Egindako txostenen erregistroa
PR06 Aniztasunari erantzutea	Txostenak egitea baimena emateko hezkuntza premia bereziak dituzten ikasleek HHn eta LHn ikasturte bat gehiago jarraitzeko eta Batxilergoa bloketan zatitzeko	Ikuskatzailea	Txostenak egitea hezkuntza premia bereziak dituzten ikasleek HHn eta LHn ikasturte bat gehiago jarraitzeko (errepikatzen duten bigarren ikasturtea) eta Batxilergoa bloketan zatitzeko ikastetxeek egiten dituzten eskaerak baimentzeari buruz	Kasuan kasuko zerbitzuak eskaera hori igortzea	15 egun igortzen denetik	Egindako txostenak	Egindako txostenen erregistroa
PR07 Legedia eta araudia	Informazioa eskuratzea eta araudia prestatzea	Ikuskatzaile arduradunak	Arau berriak prestatzen laguntzea	Ikasturte osoan zehar	Ikasturte osoan zehar	Zein lantaldetan parte hartzen den	Erregistroa
PR07 Legedia eta araudia	Batzorde eta epaimahaietan parte hartzea	Ikuskatzailea	Era aktiboan parte hartzea batzorde eta epaimahaietan, horien kudeaketa egokia bermatuz	Ikasturte osoan zehar	Ikasturte osoan zehar	Zenbat batzordetan edo epaimahaitan parte hartzen duen ikuskatzailetzak	Erregistroa
PR08 Bizikidetza	Ikasleen kalifikazioei buruzko erreklamazioak	Bizikidetza arloa	Egiaztatzea zenbateraino betetzen duen ikastetxeak araudia eta ebazpen proposamena prestatzea	Espedientea jasotzea	10 egun jasotzen denetik	Epe barruan eta ereduaren arabera egindako txostenen kopurua.	Erregistroa
PR08 Bizikidetza	Ikuskatzailetzaren esku-hartzea ikasleei hezkuntza-neurriak aplikatzeko prozeduretan eta/edo ikastetxez aldatzeko proposamenetan	Bizikidetza arloa	Ikastetxeei aholkuak eta argibideak ematea hezkuntza neurriak aplikatzeko prozeduren tramitazioari buruz. Ikastetxeak indarrean den araudia betetzen duela egiaztatzea. Ikastetxez aldatzeko ebazpen proposamena egin eta horren berri ematea	Espedientea jasotzea	15 egun jasotzen denetik, ebazpena igortzeko	Ikastetxez aldatzeko egindako txostenen %100	Erregistroa
PR08 Bizikidetza	Ikuskatzailetzaren esku-hartzea ikastetxeetan bizikidetza arazo larriak daudenean	Bizikidetza arloa	Ikastetxeei aholku ematea protokoloei eta jarduteko neurriei buruz. Ikastexeei horiek abian jartzeko proposatzea edo eskatzea. Egindakoaren laburpen-txostena egitea	Ikasturte osoan zehar	Ikasturte osoan zehar	Egindako laburpen-txostenen kopurua	Erregistroa
PR08 Bizikidetza	Ikuskatzailetzaren esku-hartzea kontratua suntsiaraztean	Bizikidetza arloa	Kontratu suntsitzeak ebazteko prozedurak instruitzea kontratatutako irakasleen gaitasun-eza dela-eta, edo lanpostuaren zereginetara egokitzen ez direlako kontratua suntsitu behar denean	Ikasturte osoan zehar	Ikasturte osoan zehar	Epe barruan eta eredu normalizatuaren arabera eginiko suntsitze-proposamenei buruzko txostenen eta espedienteen kopurua	Erregistroa
PR08 Bizikidetza	Funtzionarioen aurkako diziplinazko espedienteak izapidetzea	Bizikidetza arloa	Diziplinazko espedienteak izapidetzea Nafarroako Foru Komunitatearen Hezkuntza administrazioaren mendeko ikastetxe publiko, programa, zerbitzu eta jardueretan zerbitzua ematen duten langileei dagokienez	Ikasturte osoan zehar	Ikasturte osoan zehar	Epe barruan eta eredu normalizatuaren arabera eginiko txosten kopurua	Erregistroa
PR08 Bizikidetza	Ikuskatzailetzaren esku-hartzea laneko jazarpena gertatzen denean	Bizikidetza arloa	Ikastetxeetako laneko jazarpen kasuen salaketak aztertu, igorri eta kasua bada, haien gaineko txostenak egitea	Ikasturte osoan zehar	Ikasturte osoan zehar	Epe barruan eta eredu normalizatuaren arabera eginiko txosten kopurua	Erregistroa
PR09 Plangintza	Hezkuntza eskaintzaren plangintza	Plangintza arloa	Hezkuntza eskaintzari buruzko proposamena egitea eta ikastetxeei jakinaraztea	2022ko otsaila	2022/09/15	Epe barruko hezkuntza eskaintza	Erregistroa
PR10 Eskolatzea	Ikasleak eskolatzea	Eskolatze arloa	Eskolatzea eta ikasleen onarpena koordinatzea eta gainbegiratzea	Ikasturte osoan zehar	Ikasturte osoan zehar	Plaza esleitzeko epeak hobetzea	Erregistroa
PR11 Plantillak	Ikastetxeen plantilla organikoaren proposamena zehaztea	Plantillen arloa	Ikastetxe publikoetako plantilla organikoak definitzea	2020/09/02	2020/10/02	Epea bukatuta arloak egindako aldaketen %	Erregistroa
PR11 Plantillak	Ikastetxeen funtzionamendurako plantillari buruzko proposamena zehaztea	Plantillen arloa	Ikastetxe publikoen funtzionamendurako plantilla prestatzea aplikazio berriaren bidez	Maiatza / iraila	Ekaina / iraila	Funtzionamendurako plantillak epe barruan zehaztea	Erregistroa
PR15 Barne-kalitatea	Prozesuak eta azpiprozesuak diseinatu eta garatzea	Kalitatearen arduraduna	Prozesuak eta azpiprozesuak eguneratzea definitutako sistematika integratuz	2020/09/01	2021/07/30	Eguneratutako eta webgunearen bidez zerbitzuaren eskura jarritako prozesu eta azpiprozesuen %	Diseinatutako eta ezarritako prozesuen bukaerako txostena
PR16 Ikasleen ebaluazioa	Ebaluazio diagnostikoak	Ebaluazio Atala	Errolda bidezko proba diagnostikoak egitea LHko 4. mailan eta DBHko 2. mailan eta lagin bidezkoak LHko 6. mailan eta DBHko 4. mailan	Maiatza	Maiatza	Txostenen %100 ikastetxeei igorriak	Erregistroa
PR16 Ikasleen ebaluazioa	Nazioarteko ebaluazioak	Ebaluazio Atala	Nazioarteko ebaluazioak koordinatzea	Maiatza	Maiatza	Lagin propioarekin parte hartu den ebaluazio-kopurua	Bukaerako txostena
PR16 Ikasleen ebaluazioa	USE	Ikuskatzaile arduradunak	Sartzeko probaren alderdiak koordinatzea	Martxoa	Uztaila	Txostenen %100 epe barruan	Bukaerako txostena

AURKEZTU BEHARREKO DOKUMENTAZIOA

Deskargatu III. eranskina (DOC).

Iragarkiaren kodea: F2116091

Sarbidea

Loturiko estekak

Nafarroako Aldizkari Ofiziala

Paseo Pablo Sarasate, 38, 2.º izda.

31001 - Iruña

848 42 12 50

bon@navarra.es