1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
186C/2021 EBAZPENA, irailaren 20koa, Enpresa Politikaren, Nazioarteko Proiekzioaren eta Lanaren zuzendari nagusiak emana, FCC Medio Ambiente SAU enpresan Iruñeko eta Iruñerriko hiri hondakin solidoen bilketa zerbitzuan aritzen diren langileendako hitzarmen kolektiboa erregistratu, gordailutu eta Nafarroako Aldizkari Ofizialean argitaratzea erabakitzen duena.
FCC Medio Ambiente SAU enpresak Iruñeko eta Iruñerriko hiri hondakin solidoen bilketa zerbitzuan aritzen diren langileentzat duen hitzarmen kolektiboa testua aztertu da (kode zenbakia: 31101901012021), erregistro honetan 2021eko abuztuaren 6an sartu zena, enpresaren ordezkariek eta sindikatu batzuetako ordezkariek (Grupo de Trabajadores Independientes taldea) 2021eko urtarrilaren 20an izenpetu eta 2021eko abuztuaren 17an zuzenduta, jarraikiz Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Laneko hitzarmen eta akordio kolektiboen erregistro eta gordailuari buruzko maiatzaren 28ko 713/2010 Errege Dekretuan eta berdintasun planetan ezarritakoari. Horrenbestez,
EBAZTEN DUT:
1. Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2021eko irailaren 20an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
FCC Medio Ambiente, SAU enpresaren hitzarmen kolektiboa Iruñeko eta Iruñerriko hiri hondakin solidoen bilketa zerbitzuan aritzen diren langileentzat (PDFa).
Iragarkiaren kodea: F2113951
