1. NAFARROAKO FORU KOMUNITATEA
1.7. BESTELAKOAK
397/2021 EBAZPENA, irailaren 16koa, Hezkuntzako zuzendari nagusiak emana, zeinaren bidez prozedura ezartzen baita eskolaldi etengabea edo malgua baimenduta duten ikastetxeek hura 2022-2023 ikasturtera luzatzea eska dezaten.
Ebazpen honen bidez prozedura arautzen da, modu esperimentalean 2022-2023 ikasturterako, beherago aipatzen diren ebazpenetan zerrendatutako ikastetxeek 2020-2021 ikasturtean duten eskolaldi mota luzatzea eska dezaten: 572/2020 Ebazpena, abenduaren 30ekoa, Hezkuntzako zuzendari nagusiak emana, baimena ematen diena zenbait ikastetxeri eskolaldi etengabea edo malgua 2021-2022 ikasturtera luzatzeko, eta 33/2020 Ebazpena, otsailaren 10ekoa, Hezkuntzako zuzendari nagusiak emana, onesten duena eskolaldi etengabea edo malgua ezartzea 2020-2021 eta 2021-2022 ikasturteetan, Nafarroako Foru Komunitateko Haur eta Lehen Hezkuntzako edo Hezkuntza Bereziko ikastetxe batzuetan.
Ikusirik Antolamendu, Prestakuntza eta Kalitate Zerbitzuko zuzendariak emandako txostena, aipatu 572/2020 eta 33/2020 Ebazpenetan jasotako ikastetxeek eskolaldi etengabearen edo malguaren luzapena, kasuan-kasuan, eskatzeari buruz.
Horrenbestez, erabiliz Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak emandako ahalmenak,
EBAZTEN DUT:
1. Ezartzea zer prozedura bete behar duten II. eranskinean adierazitako ikastetxeek, eskolaldi etengabea edo malgua 20222023 ikasturterako luza dakiela eskatzeko, I. eranskinean xedatutakoaren arabera.
2. Ebazpen honen aurka gora jotzeko errekurtsoa jar daiteke, Hezkuntzako kontseilariari zuzendua, hilabeteko epean, Nafarroako Aldizkari Ofizialean argitaratu eta biharamunetik hasita.
3. Ebazpen hau eta eranskinak igortzea Antolamendu, Prestakuntza eta Kalitate Zerbitzura, Hezkuntzako Ikuskapen Zerbitzura eta Ikastetxeen Finantzaketaren, Ikasketetarako Laguntzen eta Zerbitzu Osagarrien Zerbitzura, behar diren ondorioak izan ditzaten.
4. Ebazpen hau eta eranskinak Nafarroako Aldizkari Ofizialean argitaratzea.
Iruñean, 2021eko irailaren 16an.–Hezkuntzako zuzendari nagusia, Gil Sevillano González.
I. ERANSKINA
Eskolaldi etengabearen edo malguaren luzapena, 2022-2023 ikasturterako
1. II. eranskinean jasotako ikastetxeek eskolaldi etengabearekin edo malguarekin jarraitzen ahal dute 2022-2023 ikasturtean, kasuan-kasuan, aurretik Ikasketak Antolatzeko Atalari eskatuta.
2. Horretarako, ikastetxeek Eskola Kontseiluaren bilkura baterako deia eginen dute, eta gai-zerrendan honako hauek bilduko dira, gutxienez:
a) Eranskin honen 9. puntuan jasota ageri diren balizko aldaketak aurkeztuko ditu zuzendariak.
b) Eskola Kontseiluko kideen bozketa, eskolaldi mota luzatzeaz. Bozketaren akta eginen da, baita haren ondorioz Eskola Kontseiluak hartutako erabakiarena ere, III. eranskineko ereduari jarraituz. Akta jendaurrean paratuko da, ikastetxean.
3. Boto eskubidea duten Eskola Kontseiluko kideek bitarteko telematikoak erabiltzen ahalko dituzte, hezkuntza komunitatea osatzen dutenek Eskola Kontseiluaren bilkura baino lehen behar bezalako informazioa izan dezaten 2a) puntuaren inguruan, hartara, botoa ahalik eta objektibotasun handienaz eman ahal dezaten.
4. Kontsultarako galdera hau izanen da:
Dagoeneko baimenduta dagoen eskolaldi etengabea/malgua luzatzearen alde zaude?
BAI.
EZ.
5. Eskolaldi etengabea edo malgua, kasuan-kasuan dagokiona, 2022-2023 ikasturterako luzatuko da baldin eta Eskola Kontseiluan boto eskubidea dutenen gehiengo osoak baiezkoa ematen badio arestiko galderari. Gehiengo osoa lortu ezean, ikastetxea eskolaldi zatitura itzuliko da (eskolak goiz eta arratsaldez) 2022-2023 ikasturtean.
6. Zuzendaritza taldeak erabakitzen badu proiektu berri bat aurkeztea eskolaldi etengabea edo malgua ezartzeko hurrengo deialdian, eta ikastetxeko hezkuntza komunitateak proiektu hori onesten ez badu, 2022-2023 ikasturtean aurreko puntuaren araberako eskolaldi mota izanen da.
7. Bozketaren emaitza edozein izanik ere, III. eranskinaren kopia bat bidaliko da, urriaren 22an beranduenez, Ikasketak Antolatzeko Atalaren ordenacion.academica@navarra.es helbidera, Hezkuntzako zuzendari nagusiak ebatz dezan.
8. Luzapena onesteak berekin dakar eskolaldia, etengabea nahiz malgua, aitzina eramatea Hezkuntza Departamentuak onartutako proiektuan agertzen diren baldintza beretan.
9. Nolanahi ere, eskolaldi etengabearen kasuan, baldin goizean sartzeko ordutegia eta ateratzeko ordutegia (eskolaz kanpoko jarduerak barne) Hezkuntza Departamentuak onartutako proiektuan aurkeztu ziren berak badira, ikastetxeek, eskolaldia ebaluatutakoan, barne aldaketak egiten ahalko dituzte. Aldaketa horiek 2022-2023 ikasturtean aplikatuko dira, eta honako hauek izan daitezke:
a) Eskolaz kanpoko jarduera batzuen ordez bertze batzuk jartzea. Jarduerak antolatzerakoan, ikastetxeen antolamendu aukeren barruan betiere, ikasleen premiak eta ezaugarriak izanen dira lehentasunezko irizpide. Oro har, barne-jarduerak izanen dira, eta ikastetxean bertan eginen dira. Ikastetxetik kanpo egiten direnak –ikastetxetik kanpo egiten diren eskolaz kanpoko jarduerak–, ikastetxearen proiektu barrukoak izaten ahalko dira ikastetxearen ordutegiaren barruan egiten badira. Ikasleen joan-etorria ikastetxearen ardura izanen da, eta ikasleek ikastetxean egon beharko dute ikastetxean bertan egiten diren eskolaz kanpoko jarduerak amaitzen diren ordu berean.
b) Jolas-orduen eguneko egitura aldatzea, kontuan harturik hura finkatzeko modua izan behar dela 30 minutuko jolasaldi bat, 40 minutuko jolasaldi bat edo bi jolasaldi, 40 minutukoak biak baturik.
c) Curriculumerako saioen iraupena aldatzea.
Nolanahi ere, curriculumerako saioak eta jolasaldiak, guztira hartuta, 1.550 minutukoak izanen dira oro har astean, jolasaldiak 40 minutukoak izanez gero, eta 1.500 minutukoak, gutxienez, jolasaldiak 30 minutukoak badira.
10. Eskolaldi etengabea izanez gero, eskolaz kanpoko jarduerak bukatu ondotik aterako da garraioa. Ordutegi hori aitzinatzen ahalko da, betiere garraiorako ibilgailu bera erabiltzen duten ikasle guztien adostasuna lortuz gero, eta aldaketa horrek ukitzen ez badu ez garraioa partekatzen duten gainerako ikastetxeekiko koordinazioa, ez adjudikaziodunaren plangintza, ezta jantokiaren antolaketa ere. Ordutegian egin litekeen aldaketa horretarako beharrezkoa izanen da, IV. eranskinean ezarritakoari jarraikiz, ikastetxeak horren berri ematea Hezkuntza Departamentuko Ikastetxeen Finantzaketaren, Ikasketetarako Laguntzen eta Zerbitzu Osagarrien Zerbitzuari, 2022ko maiatzaren 1etik 25era, horrek ontzat eman dezan. Zerbitzuak oniritzia emandakoan, huraxe izanen da ukitutako ibilgailuaren irteera ordua 2022-2023 ikasturtean, ikastetxean ikasle berriak sartu ala ez.
11. Ikastetxeek aldatu nahi badute goizean sartzeko ordutegia edo ateratzeko ordutegia (eskolaz kanpoko jarduerak barne, kasua bada) Hezkuntza Departamentuak onartutako proiektuan aurkeztu zirenen aldean, beste baimen bat eskatu beharko dute hurrengo deialdian, Hezkuntza Departamentuak erregelamenduari jarraikiz ezartzen duen prozeduraren arabera bertze proiektu bat aurkezturik.
12. Aurreko puntuetan xedatutakoak ez ditu inolaz ere galarazten Hezkuntza Departamentuak osasun agintariekin koordinaturik 2022-2023 ikasturterako har ditzakeen neurriak.
II. ERANSKINA
Eskolaldi etengabea duten ikastetxeen zerrenda
(572/2020 eta 33/2020 ebazpenak).
IKASTETXEA | HERRIA |
San Babil HLHIP | Ablitas |
Gabriel Valentín Casamayor HLHIP | Oibar |
La Cruz HLHIP | Allo |
Sagrado Corazón Ikastetxea | Altsasu |
Zelandi HLHIP | Altsasu |
Virgen de la Cerca HLHIP | Andosilla |
Añorbeko HLHIP | Añorbe |
San Miguel HLHIP | Agoitz |
Sancho Ramírez HLHIP | Arguedas |
La Balsa HLHIP | Arroitz |
Urraca Reina HLHIP | Artaxoa |
Francisco Arbeloa HLHIP | Azagra |
Martín Azpilcueta HLHIP | Barasoain |
Beireko HLHIP | Beire |
Río Arga HLHIP | Berbintzana |
Beriaingo HLHIP | Beriain |
Mendialdea I HLHIP | Berriozar |
Araxes HLHIP | Betelu |
Santa Ana HLHIP | Buñuel |
Ermitaberri HLHIP | Burlata |
San Juan de Jerusalén HLHIP | Cabanillas |
Teresa Bertrán de Lis HLHIP | Cadreita |
Virgen del Soto HLHIP | Caparroso |
Virgen de la Oliva HLHIP | Zarrakaztelu |
Santa Vicenta María HLHIP | Cascante |
Francisco Javier Sáenz de Oiza HLHIP | Kaseda |
Dos de Mayo HLHIP | Castejón |
Otero de Navascués HLHIP | Cintruénigo |
Ciudad de Corella HLHIP | Corella |
Cerro de la Cruz HLHIP | Cortes |
Virgen de Nievas HLHIP | Deikaztelu |
Santa Ana ikastetxea | Lizarra |
Andra Mari Ikastola | Etxarri Aranatz-Arbizu |
San Donato HLHIP | Etxarri Aranatz |
Doña Álvara Álvarez HLHIP | Faltzes |
Juan de Palafox HLHIP | Fitero |
Virgen del Rosario HLHIP | Fontellas |
Elías Teres HLHIP | Funes |
Santos Justo y Pastor HLHIP | Fustiñana |
Atakondoa HLHIP | Irurtzun |
Arrano Beltza HLHIP | Iturmendi |
Oihanzabal HLHIP | Jauntsarats (Basaburua) |
Lakuntzako Herri Eskola HLHIP | Lakuntza |
San Miguel HLHIP | Larraga |
Doña Blanca de Navarra HLHIP | Lerin |
La Milagrosa Ikastetxea | Lodosa |
Ángel Martínez Baigorri HLHIP | Lodosa |
Santa María HLHIP | Los Arcos |
Irunberriko San Juan HLHIP | Irunberri |
San Bartolomé HLHIP | Martzilla |
Santa Ana HLHIP | Mélida |
Nuestra Señora de los Dolores ikastetxea | Mendabia |
San Francisco Javier HLHIP | Mendabia |
Julián M.ª Espinal Olcoz HLHIP | Mendigorria |
Nuestra Señora del Patrocinio HLHIP | Milagro |
San Benito HLHIP | Miranda Arga |
Santa Bárbara HLHIP | Elo |
Honorio Galilea HLHIP | Monteagudo |
Mardones y Magaña HLHIP | Murchante |
Raimundo Lanas HLHIP | Murillo el Fruto |
San Miguel HLHIP | Noain |
Obanosko HLHIP | Obanos |
Domingo Bados HLHIP | Olazti |
Príncipe de Viana HLHIP | Erriberri |
San Salvador HLHIP | Oteitza |
Lago de Mendillorri HLHIP | Iruña |
Ermitagaña HLHIP | Iruña |
García Galdeano HLHIP | Iruña |
Iturrama HLHIP | Iruña |
Mendigoiti HLHIP | Iruña |
Mendillorri HLHIP | Iruña |
Nicasio de Landa HLHIP | Iruña |
San Francisco HLHIP | Iruña |
San Jorge HLHIP | Iruña |
Vázquez de Mella-Bayonne HLHIP | Iruña |
Juan Bautista Irurzun HLHIP | Azkoien |
Pitillasko HLHIP | Pitillas |
Ximénez de Rada HLHIP | Arrada (Murillo el Cuende) |
San Bartolomé HLHIP | Ribaforada |
Alfonso X “El Sabio” HLHIP | San Adrián |
Luis Gil HLHIP | Zangoza |
Nuestra Señora de la Asunción HLHIP | Santakara |
Nuestra Señora del Rosario HLHIP | Sartaguda |
Virgen de las Nieves HLHIP | Sesma |
Marqués de la Real Defensa HLHIP | Tafalla |
Garcés de los Fayos Ikastola | Tafalla |
Elvira España HLHIP | Tutera |
Griseras HLHIP | Tutera |
Huertas Mayores HLHIP | Tutera |
Monte San Julián HLHIP | Tutera |
Tutera Torre Monreal HBIP | Tutera |
San Miguel HLHIP | Uharte Arakil |
Uxueko HLHIP | Uxue |
Urdiain HLHIP | Urdiain |
Urrotz HLHIP | Urrotz-Hiria |
Félix Zapatero HLHIP | Valtierra |
Ricardo Campano HLHIP | Viana |
El Castellar HLHIP | Alesbes |
San Veremundo HLHIP | Villatuerta |
Eskolaldi malgua duten ikastetxeen zerrenda
(572/2020 eta 33/2020 ebazpenak)
IKASTETXEA | HERRIA |
Zumadia HLHIP | Abartzuza |
Iñigo Aritza Ikastola | Altsasu |
Lokiz HLHIP | Antzin |
Arbizuko Herri Eskola HLHIP | Arbizu |
Auritz HLHIP | Auritz |
Auzperri HLHIP | Aurizberri |
Eulza HLHIP | Barañain |
Los Sauces HLHIP | Barañain |
Hilarión Eslava HLHIP | Burlata |
Virgen de Gracia HLHIP | Cárcar |
Lizarra Ikastola | Lizarra |
III. eranskina–Eskola Kontseiluak eskolaldia luzatzearen gainean egindako bilerako bozketaren akta.
IV. eranskina–Garraioaren irteera ordua aurreratzea.
Deskargatu III. eta IV. eranskinak (DOC).
Iragarkiaren kodea: F2113851