3. ESTATUKO ADMINISTRAZIOA
EBROKO KONFEDERAZIO HIDROGRAFIKOA
Iragarki oharra. Erreferentzia: 2020-O-1381
EDER - Nafarroako Erriberaren Garapenerako Estrategietarako Partzuergoak ondoko datuak eta ezaugarriak dituen baimena eskatu du:
Ezaugarriak:
–Eskatzailea: EDER - Nafarroako Erriberaren Garapenerako Estrategietarako Partzuergoa.
–Xedea: ekoturismoko proiektua Nafarroako Erriberako ibai inguruneetan.
–Ibilguak: Aragoi ibaia, Arga ibaia, Ebro ibaia.
–Udalerria: Azagra (Nafarroa), Martzilla (Nafarroa), San Adrián (Nafarroa), Alesbes (Nafarroa), Funes (Nafarroa), Milagro (Nafarroa), Azkoien (Nafarroa).
Eskatutako jarduketaren xedea da oinez eta ibaian zehar egiteko ibilbideak egokitzea Ebro, Arga eta Aragoi ibaien ertzetan eta ibilguetan barna, gaur egun dauden bideak eta ibilbideak egokituz eta interpretaziorako panelak, norabide seinaleak, jan eta edateko mahaiak eta piraguistentzako aldagelak/aldatzeko lekuak jarriz. Horiez gain, Milagroko ontziralekua egokitzea aurreikusten da.
Aditzera ematen da orok jakin dezan eta eskaera honek kalte egiten diela uste dutenek beren erreklamazioak Ebroko Konfederazio Hidrografikoari idatziz aurkezteko aukera izan dezaten, hogei egun balioduneko epean, iragarki hau Nafarroako Aldizkari Ofizialean argitaratzen denetik hasita. Eta, horretarako, espedientea eta dokumentazio teknikoa ikusgai egonen dira arro-organismo honen web-orrian, esteka honetan: https://iber.chebro.es/webche/ipCriterios.aspx. Halaber, epe horren barruan eskuragarri egonen dira, kontsultatzeko, Konfederazioaren egoitzan, Sagasta pasealekua 26-28, Zaragoza, bulegoak irekita dauden orduetan, 976711000 telefonoan aldez aurretik hitzordua eskatuz gero.
Zaragozan, 2021eko uztailaren 30ean.–Komisario albokoa, Javier San Román Saldaña.
Iragarkiaren kodea: E2112011
