2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
RIBAFORADA
Deialdia, tokiko merkataritzari laguntzak emateko, COVID-19a dela eta. Laburpena
DDBN (Identifikazioa): 571084.
Argitara ematen da deialdiaren laburpena, bat etorriz azaroaren 17ko 38/2003 Legearen 17.3.b eta 20.8.a artikuluekin (Dirulaguntzei buruzko Lege Orokorra); haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/571084).
1.–Xedea: arintzea COVID-19ak eragindako ekonomia krisiaren ondorio ekonomikoak, 2020ko martxoaren 14tik 2021ko martxora bitartean.
2.–Onuradunak: hurbileko merkataritzako saltegien edo saltegi txikien titularrak, taberna, jatetxe eta, oro har, ostalaritzako establezimenduen titularrak, eta langile autonomoak, osasun krisiak ekonomikoki eragin badie eta ekonomia-jardueren gaineko zerga eta egoitza soziala Ribaforadan badute; deialdiaren baldintzak bete beharko dituzte, betiere.
3.–Oinarri arautzaileak: dirulaguntzen Datu Base Nazionalean, Ribaforadako Udalaren bulegoetan eta Udalaren webgunean (iragarki-taula: laguntzak eta dirulaguntzak).
4.–Zenbatekoa, guztira: 25.000 euro; gehienez ere 600 euro emanen dira saltegi bakoitzeko.
5.–Eskabideak aurkezteko epea: hilabetea, deialdiaren laburpena Nafarroako Aldizkari Ofizialean argitaratu eta biharamunetik hasita.
Ribaforadan, 2021eko ekainaren 21ean.–Alkate udalburua, Tirso Calvo Zardoya.
Iragarkiaren kodea: L2109966