2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
IRUÑA
Deialdia, norgehiagokako araubideari jarraikiz, kirol eskolei dirulaguntzak emateko (2020-2021 denboraldia). Laburpena
DDBN (Identifikazioa): 562074.
Argitara ematen da deialdiaren laburpena, bat etorriz azaroaren 17ko 38/2003 Lege Orokorraren 17.3.b eta 20.8.a artikuluekin (Dirulaguntzei buruzko Lege Orokorra); haren testu osoa kontsulta daiteke Dirulaguntzen Datu Base Nazionalean (https://www.infosubvenciones.es/bdnstrans/GE/eu/convocatoria/562074).
Administrazio deitzailea: Iruñeko Udala.
Organo emailea: Gizarte Zerbitzuetako, Komunitate Ekintzako eta Kiroleko zinegotzi ordezkaria.
Alor kudeatzailea: Komunitate Ekintza, Garapenaren aldeko Lankidetza eta Kirola:
Instrukzio organoa: dirulaguntza kudeatzen duen alorreko Idazkaritza Teknikoa.
Deialdiaren xedea: dirulaguntzak ematea 2020-2021 denboraldian “Oinarriko Kirol Eskolak” antolatzeko 6 urtetik 14 urtera bitarteko kirolariak dituzten taldeei, hots, denboraldia hastean 2014. eta 2006. urteen artean (biak barne) jaiotako kirolariak dituztenei. Kirol minoritarioetarako adin tartea 15 urtera bitarte luzatuko da kasu jakin batzuetan (2005. urtea).
Deialdiaren helburua: “Oinarriko Kirol Eskolak” antolatuta, Lehen Hezkuntzako eta DBHko hezkuntza-etapetan eskolaz kanpoko ordutegian kirol sustapenaren egitura tradizionalak sostengatzea, Iruñeko kirol federatua abiapuntu zein helburu hartuta. Oro har, kirol praktika federatuak honako helburu hauek lortzea ahalbidetuko du: a) kirol errendimendu handieneko pertsonei eliteko kiroleranzko aurrerabidea ematea, b) interesa edo motibazioa duten pertsonek denbora tarte batez kirol lehiari eustea, eta c) pertsona bakoitzak astean egiten duen ariketa neurritsu eta trinkoaren kantitatea zertxobait handitzea nork bere kasa egiten duen kirol jarduerarekin alderatuta.
Iruñean, 2021eko maiatzaren 5ean.–Gizarte Zerbitzuetako, Komunitate Ekintzako eta Kiroleko zinegotzi ordezkaria, María Caballero Martínez.
Iragarkiaren kodea: L2107326
