1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
89C/2021 EBAZPENA, martxoaren 26koa, Enpresa Politikaren, Nazioarteko Proiekzioaren eta Lanaren zuzendari nagusiak emana, Sando Gestión Social SL enpresaren Olabeko Mentalia Pamplona lantokirako hitzarmen kolektiboa erregistratu, gordailutu eta Nafarroako Aldizkari Ofizialean argitaratzea erabakitzen duena.
Sando Gestión Social SL enpresaren Olabeko Mentalia Pamplona lantokirako hitzarmen kolektiboaren testua aztertu da (kode zenbakia: 31101851012021), erregistro honetan 2021eko otsailaren 22an sartu zena, enpresaren ordezkariek eta sindikatuen ordezkariek (UGT eta ELA) 2020ko abenduaren 14an izenpetuta, urriaren 23ko 2/2015 Legegintzako Errege Dekretuaren, Langileen Estatutuaren Legearen testu bategina onetsi zuenaren, 90. artikuluko 2. eta 3. apartatuetan ezarritakoaren arabera eta maiatzaren 28ko 713/2010 Errege Dekretuan, laneko hitzarmen eta akordio kolektiboen eta berdintasun planen erregistro eta gordailuari buruzkoan, xedatutakoarekin bat. Horrenbestez,
EBAZTEN DUT:
1. Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruña, 2021eko martxoaren 26a.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Sando Gestión Social SL enpresaren Olabeko Mentalia Pamplonaren lantokirako hitzarmen kolektiboa (PDFa).
Iragarkiaren kodea: F2105168
