109. ALDIZKARIA - 2021eko maiatzaren 11

1. NAFARROAKO FORU KOMUNITATEA

1.5. ESTATUTUAK ETA LAN HITZARMEN KOLEKTIBOAK

73C/2021 EBAZPENA, martxoaren 12koa, Enpresa Politikaren, Nazioarteko Proiekzioaren eta Lanaren zuzendari nagusiak emana, Iruñeko Gizarte Zerbitzu Publikoak Kudeatzeko Nafarroako Fundazioko (Gizain Fundazioa) hitzarmen kolektiboa erregistratu, gorde eta Nafarroako Aldizkari Ofizialean argitaratzea erabakitzen duena.

Iruñeko Gizarte Zerbitzu Publikoak Kudeatzeko Nafarroako Fundazioko (Gizain Fundazioa) hitzarmen kolektiboaren testua aztertu da (kode zenbakia: 31101832012021), erregistro honetan 2021eko otsailaren 4an sartu zena, enpresaren ordezkariek eta sindikatuen ordezkariek 2021eko otsailaren 2an izenpetuta, Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Hitzarmen kolektiboen, lan akordio kolektiboen eta berdintasun planen erregistro eta gordailuari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,

EBAZTEN DUT:

1. Nafarroako Hitzarmen Kolektiboen, Lan Akordio Kolektiboen eta Berdintasun Planen Erregistroan inskribatzeko agintzea.

2. Nafarroako Aldizkari Ofizialean argitaratzeko agintzea, orok jakin dezan.

Iruñean, 2021eko martxoaren 12an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.

Iruñeko Gizarte Zerbitzu Publikoak Kudeatzeko Nafarroako Fundazioko (Gizain Fundazioa) hitzarmen kolektiboa (PDFa).

Iragarkiaren kodea: F2105504