2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
TUTERA
Deialdia, Haur Hezkuntzako eta Lehen Hezkuntzako ikastetxeetako guraso elkarteendako 2020ko dirulaguntzak emateko. Laburpena
Bat etorriz Dirulaguntzei buruzko azaroaren 17ko 38/2003 Lege Orokorraren 17.3b eta 20.8a artikuluekin, argitara ematen da deialdiaren laburpena; haren testu osoa kontsulta daiteke Dirulaguntzen Datu Base Nazionalean (http://www.pap.minhafp.gob.es/bdnstrans/GE/eu/index): DDBN (identifikazioa): 501481.
a) Onuradunak:
Haur Hezkuntzako eta Lehen Hezkuntzako ikastetxeetako guraso elkarteak (Tutera).
b) Xedea:
Haien ikastetxeetako ikasleendako proiektuak egitea eskolako ordutegitik kanpo (hiri kanpalekuak, goiztiarren zerbitzua, eskolaz kanpoko jarduerak...), gurasoendako prestakuntza jarduerak eta udalekuen kudeaketa.
c) Oinarri arautzaileak:
Dirulaguntzen Base Nazionalean eta Udalaren webgunean: ww.tudela.es/educación.
d) Zenbatekoa:
Guztira, 21.000 euro.
1. 18.000 euro ikasleendako proiektuak egiteko (hiri kanpalekuak, goiztiarren zerbitzua, eskolaz kanpoko jarduerak...) eskolako ordutegitik kanpo.
2. 1.500 euro gurasoendako prestakuntza-jardueretarako.
3. 1.500 euro udalekuen kudeaketako gastuetarako.
e) Eskaerak aurkezteko epea:
Hilabetekoa izanen da, deialdiaren laburpena Nafarroako Aldizkari Ofizialean argitaratu eta biharamunetik hasita.
Tuteran, 2020ko martxoaren 31n.–Alkatea, Alejandro Toquero Gil.
Iragarkiaren kodea: L2004461
