1. NAFARROAKO FORU KOMUNITATEA
1.7. BESTELAKOAK
1536/2020 EBAZPENA, martxoaren 3koa, Pertsonen Autonomiarako eta Garapenerako Nafarroako Agentziako zuzendari kudeatzaileak emana, 2020-2021 ikasturterako ikaspostu hutsen eskaintza onesten duena Pertsonen Autonomiarako eta Garapenerako Nafarroako Agentziari atxikitako haur eskoletako haurrentzako ikaspostuen deialdirako.
Ikusita Hezkuntzako zuzendari nagusiaren otsailaren 17ko 40/2020 Ebazpena, funts publikoak jasotzen dituzten Haur Hezkuntzako lehen zikloko ikastetxeetan 2020-2021 ikasturtean neska-mutikoak onartzeko prozedura arautzen duena.
Pertsonen Autonomiarako eta Garapenerako Nafarroako Agentziaren menpeko haur eskoletako neska-mutikoentzako ikaspostuen 2020-2021 ikasturteko deialdia kudeatuko duen Hautapen Batzordearen akta ikusirik.
Horrenbestez, Pertsonen Autonomiarako eta Garapenerako Nafarroako Agentziaren estatutuak onetsi zituen irailaren 3ko 172/2015 Foru Dekretuak eman dizkidan ahalmenak erabiliz,
EBAZTEN DUT:
1. 2020-2021 ikasturterako ikaspostu hutsen eskaintza onestea Pertsonen Autonomiarako eta Garapenerako Nafarroako Agentziari atxikitako haur eskoletako haurrentzako ikaspostuen deialdirako. Postu horiek ebazpen honen eranskinean jaso dira.
2. Ebazpen hau Nafarroako Aldizkari Ofizialean argitaratzea.
3. Ebazpen hau Familiaren eta Adingabeen Zuzendariordetzara igortzea, behar diren ondorioak izan ditzan, eta ohartaraztea ebazpenak ez duela administrazio bidea amaitzen eta, haren kontra, gora jotzeko errekurtsoa jartzen ahal dela, Eskubide Sozialetako kontseilariari zuzendua, jakinarazi eta biharamunetik hasita hilabeteko epean.
Iruñean, 2020ko martxoaren 3an.–Pertsonen Autonomiarako eta Garapenerako Nafarroako Agentziako zuzendari kudeatzailea, Inés Francés Román.
ERANSKINA 267 ikaspostu eskaintzen dira, honela banatuta ikastetxe eta adinen arabera: |
SEKTOREAK | JAIOTZE URTEA | N. JESÚS | EGUN SENTI | SANTA TERESA | SANDUZELAI | LOS ÁNGELES | ORREAGA | NINIA ETXEA | GUZTIRA |
Egun osoa | Egun erdia | Gaztelania | Euskara | Gaztelania | Euskara |
Handiak | 2018ko urtarrilaren 1etik 2018ko abuztuaren 31ra | 16 | 10 | 5 | 7 | 1 | 2 | 1 | 3 | 6 | 5 | 55 |
Ertainak | 2018ko irailaren 1etik 2018ko abenduaren 31ra | 7 | 4 | 9 | 4 | 1 | 1 | 2 | 2 | 4 | 4 | 39 |
Ibiltariak | 2019ko urtarrilaren 1etik 2019ko irailaren 30era | 13 | | 13 | 11 | 4 | 6 | 6 | 3 | 11 | 16 | 83 |
Bularrekoak, Iruña | 2019ko urriaren 1etik 2020ko apirilaren 27ra | | | | 14 | 7 | 7 | 7 | 6 | 7 | 14 | 62 |
Bularrekoak, Burlata eta Corella | 2019ko urriaren 1etik 2020ko maiatzaren 4ra | 14 | | 14 | | | | | | | | 28 |
GUZTIRA | 50 | 14 | 41 | 36 | 13 | 16 | 16 | 14 | 28 | 39 | 267 |
Iragarkiaren kodea: F2003575