2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Plaza publiko bat “Clara Campoamor plaza” izendatzea
Burlatako Udalak, 2020ko otsailaren 27an egin bilkuran, hitzez hitz honela dioen erabakia hartu zuen:
1. Burlatako Zangozako merindadea, San Blas eta San Migel kaleen arteko plaza “Clara Campoamor plaza” izendatzea LIVARIOS/2020/14 espedienteari erantsi zaion planoaren arabera. Katastroko 1. poligonoko 284. lurzatian dago.
2. Erabaki honen berri ematea udal-katastroari, Posta eta Telegrafoen Estatuko Sozietateari, EINi, Jabetza Erregistroari, Nafarroako Gobernuaren Lurralde Aberastasunari eta San Blas kaleko 12. zenbakiko bizilagunei, behar diren ondorioak izan ditzan.
3. Erabaki hau Nafarroako Aldizkari Ofizialean argitaratzea, indarrean dagoen Administrazio Publikoen Administrazio Prozedura Erkidearen Legearen 45. artikuluan (urriaren 1eko 39/2015 Legea) eta aplikatu beharreko gainerako legeetan ezarritakoaren ondorioak izan ditzan.
4. Alkatetzari ahalmena ematea, erabaki hau aplikatu eta garatzeko behar diren agiri guztiak sina ditzan.
Burlatan, 2020ko martxoaren 4an.–Alkatea, Ana María Góngora Urzaiz.
Iragarkiaren kodea: L2003306
