1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
324/2020 EBAZPENA, otsailaren 3koa, Funtzio Publikoko zuzendari nagusiak emana, Iñigo Artázcoz Guereñu jauna, Nafarroako Kirolaren Institutuko Barne Kudeaketaren, Logistikaren eta Langileriaren Bulegoko burua, kargutik kentzen duena, berak eskatu baitu.
Funtzio Publikoko zuzendari nagusiak azaroaren 25ean emandako 2256/2013 Ebazpenaren bidez, Nafarroako Foru Komunitateko Administrazioaren eta haren erakunde autonomoen 84 atal, bulego eta unitate parekaturen burutzak merezimendu lehiaketa bidez betetzeko deialdia onetsi zen. Horien artean, garai bateko Nafarroako Kirolaren eta Gazteriaren Institutuko Barne Kudeaketaren, Logistikaren eta Langileriaren Bulegoko burutza zegoen. Aipatutako deialdia 2013ko 243. Nafarroako Aldizkari Ofizialean argitaratu zen, abenduaren 19koan.
Funtzio Publikoko zuzendari nagusiak apirilaren 27an emandako 970/2015 Ebazpenaren bidez, Nafarroako Foru Komunitateko Administrazioko eta haren erakunde autonomoetako funtzionario Iñigo Artázcoz Guereñu jauna garai bateko Nafarroako Kirolaren eta Gazteriaren Institutuko Barne Kudeaketaren, Logistikaren eta Langileriaren Bulegoko buru izendatu zuten, merezimendu-lehiaketa eginda.
2020ko otsailaren 5ean aurkeztutako idazki baten bidez, Iñigo Artázcoz Guereñu jaunak burutza horri uko egin dio.
Nafarroako Administrazio Publikoetako lanpostuak betetzeko Erregelamendua onesten duen azaroaren 6ko 215/1985 Foru Dekretuaren 19.5 artikuluak ezartzen duenez, burutza bat merezimendu-lehiaketaren bidez lortzen dutenak ezin izanen dira aurkeztu beste burutza bat betetzeko merezimendu-lehiaketetara, ez eta sistema beraren bidezko beste burutza baterako izendatuak izan ere, hiru urte natural igaro arte burutzaz jabetzen direnetik.
Halaber, agindu horren 6.d) apartatuak ezartzen duenez, merezimendu-lehiaketa bidez lortutako burutza baten titular den funtzionarioa kargutik kentzeko arrazoietako bat da berariaz uko egitea.
Era berean, Nafarroako Administrazio Publikoetako lanpostuak betetzeko Erregelamendua onesten duen azaroaren 6ko 215/1985 Foru Dekretuaren 19.7 artikuluak xedatzen duenez, unitate organiko baten burutza edo zuzendaritza lortu duen funtzionarioak, lanpostu horretan aritzeari uzten dionean, jatorrizko atxikipen eremuan zituen mailari eta lanpostuari zegozkien zereginetara itzuli beharko du berehala, 4. apartatuko a) letran ezarritako kasuan izan ezik.
Kontuan hartuta, kasu honetan, uko egiteak burutza uztea dakarrela zuzenean, kargu-uztea noiz izanen den eta oinarrizko lanpostura noiz itzuliko den ebatzi baizik ez da egin behar, eta horrelaxe egiten da.
Horrenbestez, eta otsailaren 21eko 30/2005 Foru Dekretuaren bidez esleiturik ditudan eskudantziak erabiliz,
EBAZTEN DUT:
1. Kargutik kentzea Iñigo Artázcoz Guereñu jauna, Nafarroako Kirolaren Institutuko Barne Kudeaketaren, Logistikaren eta Langileriaren Bulegoko burua (lanpostu hori 8646 zenbakiarekin identifikatua dago plantilla organikoan). Bulegoburutza horretan aritzeko azken eguna 2020ko otsailaren 10a izanen da.
2. Ebazpen hau igortzea Kultura eta Kirol Departamentuko Idazkaritza Tekniko Nagusira, Nafarroako Kirolaren Institutuko Administrazio eta Kudeaketa Atalera eta Funtzio Publikoko Zuzendaritza Nagusiko Langileriaren Gastuaren Kontrolaren eta Nominen Zerbitzura, Egituraren, Lanpostuen Antolaketaren eta Langileen Plantillaren Zerbitzura eta Langileriaren Kudeaketako Zerbitzura, eta interesdunari jakinaraztea, aditzera emanez ebazpenaren aurka gora jotzeko errekurtsoa jartzen ahal duela, Lehendakaritzako, Berdintasuneko, Funtzio Publikoko eta Barneko kontseilariari zuzendua, jakinarazi eta biharamunetik hilabeteko epean, Administrazio Publikoen Administrazio Prozedura Erkideari buruzko urriaren 1eko 39/2015 Legearen 121. eta 122. artikuluetan xedatutakoarekin bat.
3. Nafarroako Aldizkari Ofizialean argitara dadila agintzea, behar diren ondorioak izan ditzan.
Iruñean, 2020ko otsailaren 3an.–Funtzio Publikoko zuzendari nagusia, Amaia Goñi Lacabe.
Iragarkiaren kodea: F2002580
