1. NAFARROAKO FORU KOMUNITATEA
1.7. BESTELAKOAK
64/2020 EBAZPENA, martxoaren 3koa, Hezkuntzako zuzendari nagusiak emana, Irakaskuntza Partekatuaren Proiektu Pilotuan parte hartuko duten ikastetxe publikoak zehazten dituena. Proiektu hori 2020ko martxotik ekainera bitarte gauzatuko da.
Nafarroako Gobernuko Hezkuntza Departamentuak 4.184.620 euro kudeatzen ditu “Hezkuntzaren aurrerapen eta sostengurako orientazio eta errefortzu programa” garatzeko, zeina Europako Gizarte Funtsak kofinantzatua baitago Enplegu, Prestakuntza eta Hezkuntzako Programa Eragilearen esparruan. Diru kopuru hori Ministroen Kontseiluak 2018ko azaroaren hogeita bederatzian hartutako Erabakiaren bidez Nafarroako Foru Komunitateari esleitu zion parte da.
Irakaskuntza Partekatuaren Proiektu Pilotua “Hezkuntzaren aurrerapen eta sostengurako orientazio eta errefortzu programa” izeneko eragiketaren barruan kokatzen diren hezkuntza programetako bat da, eta 1.000.000 euroko gastua du aurreikusia. Programaren bidez lortu nahi da gure ikasgeletan metodologia berritzaileak ezartzea, betiere modu inklusiboan.
Lehen Hezkuntzako bosgarren eta/edo seigarren maila ematen duten Nafarroako ikastetxe publiko guztiek, baita Derrigorrezko Bigarren Hezkuntza ematen dutenek ere, behar bezalako informazioa jaso zuten, eta, hala, programan parte hartzeko aukera izan dute, eskaerak Hezkuntza Departamentuko Inklusio Proiektuetarako Bulegora bidaliz. Eskaera guztiak baloratu egin dira honako irizpide hauek aintzat hartzen zituen baremo baten arabera: ratioa, egoera behartsuan dauden ikasleen portzentajea, taldearen/gelaren heterogeneotasun maila eta Proeducar-Hezigarri Programan sartutako ikastetxea izatea. Laurogeita hamazazpi ikastetxe eta institutu publikok parte hartuko dute Irakaskuntza Partekatuaren Proiektu Pilotu honetan. Bertan, eskola zuzeneko hamabi saio eginen dira gehienez, eta, eskatutako ikasle talde bakoitzeko, bi irakasle arituko dira, eranskinean azaltzen den bezala.
Parte hartzen duten irakasle guztiek konpromisoa hartzen dute bederatzi orduko prestakuntza jasotzeko, Proeducar-Hezigarri taldeak eta Inklusio Proiektuetarako Bulegoak batera antolatuko dutena. Memoria bat ere egin beharko dute, zeina oinarrizko dokumentua izanen baita Inklusio, Berdintasun eta Bizikidetza Zerbitzuak proiektua ebaluatzeko.
Inklusio, Berdintasun eta Bizikidetza Zerbitzuko zuzendariak egindako proposamen-txostena ikusita, eta Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,
EBAZTEN DUT:
1. 2020ko martxotik ekainera bitarte Irakaskuntza Partekatuaren Proiektu Pilotuan parte hartuko duten ikastetxe publikoak zehaztea, baina horietako bakoitzari esleitu zaizkion eskola zuzeneko saioak ere, eranskinean ezartzen den bezala.
2. Ebazpen hau eta bere eranskina Nafarroako Aldizkari Ofizialean argitaratzea.
3. Ebazpen honen aurka eta dagokion eranskinaren aurka gora jotzeko errekurtsoa jar daiteke, Hezkuntzako kontseilariari zuzendua, argitaratu eta biharamunetik hilabeteko epean.
4. Ebazpen hau eta dagokion eranskina igortzea Inklusio, Berdintasun eta Bizikidetza Zerbitzura, Aldi Baterako Langileak Kudeatzeko Zerbitzura eta parte hartzen duten ikastetxeetara, behar diren ondorioak izan ditzaten.
Iruñean, 2020ko martxoaren 3an.–Hezkuntzako zuzendari nagusia, Gil Sevillano González.
ERANSKINA
Irakaskuntza Partekatuaren Proiektu Pilotuan parte hartuko duten ikastetxe publikoen zerrenda
HERRIA | IKASTETXEA | ZUZKIDURA |
ABLITAS | San Babil IP | 15 |
ALTSASU | Zelandi IP | 11 |
ANDOSILLA | Virgen de la Cerca IP | 18 |
AGOITZ | San Miguel DBHI | 3 |
ARBIZU | Arbizuko Herri Eskola IP | 5 |
ARESO | Nazabal Eskola IP | 3 |
ARGUEDAS | Sancho Ramírez IP | 6 |
AZAGRA | Francisco Arbeloa IP | 15 |
BARAÑAIN | Eulza IP | 10 |
BARAÑAIN | Sahats IP | 12 |
BARAÑAIN | Barañain BHI | 7 |
BERA | Ricardo Baroja IP | 10 |
BERA | Toki Ona BHI | 2 |
BERBINTZANA | Río Arga IP | 6 |
BERIAIN | Beriaingo IP | 4 |
BERRIOZAR | Mendialdea 1 IP | 42 |
BERRIOZAR | Mendialdea 2 IP | 8 |
BUÑUEL | Santa Ana IP | 5 |
BURLATA | Ibaialde BHI | 6 |
ZARRAKAZTELU | Virgen de la Oliva IP | 11 |
CASTEJÓN | Dos de Mayo IP | 12 |
CINTRUÉNIGO | Otero de Navascués IP | 51 |
CORELLA | Ciudad de Corella IP | 16 |
CORTES | Bardenas Reales DBHI | 15 |
DEIKAZTELU | Virgen de Nievas IP | 2 |
ELIZONDO | Elizondoko IP | 11 |
LIZARRA | Remontival IP | 31 |
LIZARRA | Tierra Estella BHI | 7 |
ETXARRI ARANATZ | San Donato IP | 10 |
FALTZES | Doña Álvara Álvarez IP | 23 |
FITERO | Juan de Palafox IP | 14 |
FUNES | Elías Teres IP | 10 |
FUSTIÑANA | Santos Justo y Pastor IP | 2 |
UHARTE | Virgen Blanca IP | 3 |
IRURTZUN | Atakondoa IP | 13 |
ITURMENDI | Arrano Beltza IP | 5 |
LARRAGA | San Miguel IP | 20 |
LEITZA | Amazabal BHI | 4 |
LEKUNBERRI | Ibarberri IP | 13 |
LERIN | Doña Blanca de Navarra IP | 13 |
LODOSA | Ángel Martínez Baigorri IP | 8 |
LODOSA | Pablo Sarasate BHI | 7 |
LOS ARCOS | Santa María IP | 10 |
MARTZILLA | San Bartolomé IP | 10 |
MARTZILLA | Marqués de Villena BHI | 6 |
MÉLIDA | Santa Ana IP | 5 |
MENDABIA | Joaquín Romera DBHI | 3 |
MENDIGORRIA | Julián M.ª Espinal Olcoz IP | 6 |
ELO | Santa Bárbara IP | 2 |
MURILLO EL FRUTO | Raimundo Lanas IP | 12 |
NOAIN | San Miguel IP | 33 |
NOAIN | Elortzibar DBHI | 8 |
OLAZTI | Domingo Bados IP | 10 |
ERRIBERRI | Príncipe de Viana IP | 22 |
ORKOIEN | San Miguel IP | 23 |
IRUÑA | Azpilagaña IP | 9 |
IRUÑA | Buztintxuri IP | 27 |
IRUÑA | Cardenal Ilundáin IP | 11 |
IRUÑA | Doña Mayor de Navarra IP | 46 |
IRUÑA | Ermitagaña IP | 13 |
IRUÑA | García Galdeano IP | 23 |
IRUÑA | Iturrama IP | 13 |
IRUÑA | José Mª Huarte IP | 22 |
IRUÑA | Mendigoiti IP | 5 |
IRUÑA | Patxi Larrainzar IP | 6 |
IRUÑA | San Francisco IP | 10 |
IRUÑA | San Jorge IP | 19 |
IRUÑA | Sanduzelai IP | 10 |
IRUÑA | Basoko BHI | 27 |
IRUÑA | Iturrama BHI | 9 |
IRUÑA | Mendillorri BHI | 4 |
IRUÑA | Navarro Villoslada BHI | 17 |
IRUÑA | Plaza de la Cruz BHI | 28 |
IRUÑA | Iñaki Ochoa de Olza DBHI | 7 |
AZKOIEN | Ribera del Arga BHI | 1 |
GARES | Puente la Reina/Gares IP | 2 |
RIBAFORADA | San Bartolomé IP | 9 |
SAN ADRIÁN | Alfonso X “El Sabio” IP | 19 |
SAN ADRIÁN | Ega BHI | 6 |
ZANGOZA | Sierra de Leyre BHI | 5 |
SARRIGUREN | Sarriguren BHI | 15 |
TUTERA | Elvira España IP | 70 |
TUTERA | Griseras IP | 8 |
TUTERA | Huertas Mayores IP | 10 |
TUTERA | Monte San Julián IP | 26 |
TUTERA | Valle del Ebro BHI | 10 |
URROZ | Urrozko IP | 2 |
VALTIERRA | Félix Zapatero IP | 8 |
VIANA | Ricardo Campano IP | 23 |
VIANA | Del Camino DBHI | 12 |
ALESBES | El Castellar IP | 16 |
ATARRABIA | Atargi IP | 2 |
ATARRABIA | Lorenzo Goikoa IP | 15 |
ATARRABIA | Pedro de Atarrabia DBHI | 6 |
ZIZUR BHI | Camino de Santiago IP | 14 |
ZIZUR BHI | Catalina de Foix IP | 23 |
ZUBIRI | Gloria Larrainzar IP | 7 |
ORDUAK, GUZTIRA | 1254 |
Iragarkiaren kodea: F2003273