1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
20C/2020 EBAZPENA, otsailaren 13koa, Enpresa Politikaren, Nazioarteko Proiekzioaren eta Lanaren zuzendari nagusiak emana, erabakitzen duena SAS Autosystemtechnik SA enpresaren hitzarmen kolektiboko soldatak (Iruñeko lantegikoak) 2020rako berrikusteari buruzko akordioa erregistratu, gordailutu eta Nafarroako Aldizkari Ofizialean argitaratzea.
Aztertu da SAS Autosystemtechnik SA enpresaren hitzarmen kolektiboko soldatak (Iruñeko lantegikoak) 2020rako berrikusteari buruzko akordioaren testua (kode zenbakia: 31008032012001), erregistro honetan 2020ko urtarrilaren 22an sartu zena, enpresaren ordezkariek eta sindikatuen ordezkariek 2020ko urtarrilaren 15ean sinaturik, Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Laneko hitzarmen eta akordio kolektiboen erregistro eta gordailuari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2020ko otsailaren 13an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
SAS Autosystemtechnik SA enpresaren hitzarmen kolektiboko soldaten 2020rako berrikuspena Iruñeko lantokirako (PDFa).
Iragarkiaren kodea: F2002383
