1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
24C/2020 EBAZPENA, otsailaren 20koa, Enpresa Politikaren, Nazioarteko Proiekzioaren eta Lanaren zuzendari nagusiak emana. Honen bidez erabakitzen da Talleres Auxiliares Subcontratación Industria Navarra SA (TASUBINSA) enpresaren Oltza Zendeako lantokirako hitzarmen kolektiboa erregistratzea, gordailutzea eta Nafarroako Aldizkari Ofizialean argitaratzea.
Aztertu ondoren Oltza Zendeako Talleres Auxiliares Subcontratación Industria Navarra SA (TASUBINSA) enpresaren hitzarmen kolektiboa (kode zenbakia: 31007282011995), erregistro honetan sartu zena 2020ko urtarrilaren 7an, enpresaren eta sindikatuen ordezkariek 2019ko abenduaren 12an sinatu eta 2020ko urtarrilaren 24an zuzendu zena, Langileen Estatutuari buruzko Legearen testu bategina onesten duen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Lan Hitzarmen eta Akordio Kolektiboak erregistratu eta gordailutzeari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2020ko otsailaren 20an.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Oltza Zendeako Talleres Auxiliares Subcontratación Industria Navarra SA (TASUBINSA) enpresako hitzarmen kolektiboa (PDFa).
Iragarkiaren kodea: F2002855
