2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
BURLATA
Ordenantza, garapenerako lankidetza eta hezkuntza proiektuak egiteko Burlatako Udalaren dirulaguntzen laurtekoko deialdiaren oinarri arautzaileak ezartzen dituena. Hasierako onespena
Burlatako Udalak, 2020ko otsailaren 27an egin osoko bilkuran, hasiera batez onetsi zuen garapenerako lankidetza eta hezkuntza proiektuak egiteko Burlatako Udalaren dirulaguntzen laurtekoko deialdiaren oinarri arautzaileak ezartzen dituen udal ordenantza.
Ordenantza hau jendaurrean egonen da hogeita hamar egun balioduneko epean, iragarki hau Nafarroako Aldizkari Ofizialean argitaratu eta biharamunetik hasita, erabaki hau Nafarroako Aldizkari Ofizialean eta Udalaren iragarki-taulan argitaratuta, bizilagunek eta interesdunek aztertu eta egokiak iruditzen zaizkien erreklamazio, eragozpen eta oharrak egin ditzaten. Hori guztia, bat etorriz Nafarroako Toki Administrazioari buruzko uztailaren 2ko 6/1990 Foru Legearen 325. artikuluan xedatuarekin, maiatzaren 31ko 15/2002 Foru Legeak aldatu baitzuen.
Jendaurreko epea iragaten bada inork alegaziorik egin gabe, ordenantza behin betiko onetsirik geldituko da, eta testua osorik emanen da argitara Nafarroako Aldizkari Ofizialean.
Burlatan, 2020ko otsailaren 28an.–Alkatea, Ana Gongora Urzaiz.
Iragarkiaren kodea: L2003108
