1. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
17/2020 FORU DEKRETUA, otsailaren 19koa, Socorro Sotés Ruiz andrea Nafarroako Gardentasunaren Kontseiluko kide kargutik kentzen duena.
Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 65. artikuluak Nafarroako Gardentasunaren Kontseiluaren osaera zehazten du. Kontseilua da Nafarroako Foru Komunitatean gardentasuna kontrolatzeko dagoen organo independentea, publizitate aktiboko betebeharrak betetzen direla zaintzen eta informazio publikoa eskuratzeko eskubidea bermatzen duena.
Otsailaren 1eko 7/2017 Foru Dekretuaren bidez, Socorro Sotés Ruiz andrea Nafarroako Gardentasunaren Kontseiluko kide izendatu zuten, Nafarroako Kontseiluak proposatuta.
Gardentasunari, informazio publikoa eskuratzeari eta gobernu onari buruzko maiatzaren 17ko 5/2018 Foru Legearen 65.3. artikuluak xedatzen du Nafarroako Gardentasunaren Kontseiluko kideek kargua utziko dutela berek uko eginda, ordezkariaren eta ordezkatzen duen entitatearen arteko lotura desagertzen denean, heriotzaren ondorioz edo epai bidez ezgaituak izan ondoren.
Nafarroako Kontseiluaren 2020ko urtarrilean 20ko osoko bilkurak Socorro Sotés Ruiz andrea Nafarroako Kontseiluko kide kargutik kentzea formalizatu du.
Nafarroako Kontseiluak izendatu duen kidearen kasuan, ordezkariaren eta ordezkatzen duen entitatearen arteko lotura desagertu denez, Lehendakaritzako, Berdintasuneko, Funtzio Publikoko eta Barneko kontseilariak proposaturik, eta Nafarroako Gobernuak bi mila eta hogeiko otsailaren hemeretzian egindako bilkuran harturiko erabakiarekin bat,
DEKRETATZEN DUT:
1. Socorro Sotés Ruiz andrea, Nafarroako Gardentasunaren Kontseiluko kidea, kargutik kentzea.
2. Foru dekretu hau interesdunari, Lehendakaritzako, Berdintasuneko, Funtzio Publikoko eta Barneko Departamentuko Idazkaritza Tekniko Nagusiari, Nafarroako Gardentasunaren Kontseiluari eta Nafarroako Kontseiluari jakinaraztea.
3. Foru dekretu hau Nafarroako Aldizkari Ofizialean argitaratzea.
Iruñean, 2020ko otsailaren 19an.–Nafarroako Gobernuko lehendakaria, María Chivite Navascués.–Lehendakaritzako, Berdintasuneko, Funtzio Publikoko eta Barneko kontseilaria, Javier Remírez Apesteguía.
Iragarkiaren kodea: F2002748
