Iragarkia

43. ALDIZKARIA - 2020ko martxoaren 3a

1. NAFARROAKO FORU KOMUNITATEA

1.7. BESTELAKOAK

32/2020 EBAZPENA, otsailaren 10ekoa, Hezkuntzako zuzendari nagusiak emana, zeinaren bidez eguneratzen baitira, 2019-2020 ikasturterako, toki entitateen ekarpenaren portzentajea eta finantzaketa moduluen zenbateko ekonomikoak, hots, Hezkuntzako kontseilariaren abuztuaren 27ko 79/2012 Foru Aginduan ageri direnak, eta zeinaren bidez finantzaketa modulu batzuk onesten baitira, haur eskoletan ordutegi ezberdinetako lanaldiak konbinatzeko. 79/2012 Foru Aginduaren bidez ezarri ziren Hezkuntza Departamentuaren eta toki entitateen artean lankidetza-hitzarmenak izenpetzeko oinarriak, udal titulartasuneko Haur Hezkuntzako lehen zikloko ikastetxeen kudeaketa finantzatzeko asmoz.

Hezkuntzari buruzko maiatzaren 3ko 2/2006 Lege Organikoaren 15.1 artikuluak ezartzen du ezen administrazio publikoek baldintzak zehaztuko dituztela hitzarmenak egin ahal izateko toki korporazioekin, beste administrazio batzuekin eta irabazi asmorik gabeko erakunde pribatuekin, Haur Hezkuntzako lehen zikloan hezkuntza-eskaintza bermatzeko.

Martxoaren 26ko 28/2007 Foru Dekretuaren bidez, Nafarroako Foru Komunitatean Haur Hezkuntzako lehen zikloa arautu eta hori ematen duten ikastetxeek bete beharreko baldintzak eta ziklo horren hezkuntza edukiak ezarri ziren. Bertan ezartzen denari jarraikiz, Hezkuntza Departamentuaren eta administrazio publiko interesdunen arteko hitzarmenen bidez sortuko dira haur eskolak, eta hitzarmen horietan ezarriko da, hala denean, finantzaketa araubidea.

Hezkuntza Departamentuak parte hartzen du udal titulartasuneko Haur Hezkuntzako ikastetxeen kudeaketaren finantzaketan, eta horretarako, lankidetza-hitzarmenak sinatzen ditu.

Abuztuaren 27ko 79/2012 Foru Aginduaren 4.1 artikuluan adierazten da ezen aipatu foru aginduaren eranskinean jasotako moduluetan oinarrituz ezarriko dela finantzaketa hori.

79/2012 Foru Aginduaren xedapen gehigarri bakarrak xedatzen duenez, aurrekontuko xedapenen arabera, zuzendari nagusi eskudunak ikasturte bakoitzean eguneratzen ahalko ditu toki entitateei dagokien ekarpenaren portzentajea eta finantzaketa moduluen zenbateko ekonomikoak.

Otsailaren 4ko 231/2020 Errege Dekretuak hilean 950 eurotan ezartzen du lanbide arteko gutxieneko soldata 2020rako.

2020ko ekitaldiko aurrekontuko diru erabilgarriak aukera ematen du 2019-2020 ikasturterako eguneratzeko toki entitateen ekarpenaren portzentajea eta finantzaketa moduluen zenbatekoa.

Abuztuaren 27ko 79/2012 Foru Agindu horren eranskinean ez daude haur eskoletan ordutegi ezberdinetako lanaldiak konbinatzeko finantzaketa moduluak.

Antolamendu, Prestakuntza eta Kalitate Zerbitzuko zuzendariak aldeko txostena eman du eguneratzeko, 2019-2020 ikasturterako, toki entitateei dagokien ekarpenaren portzentajea eta finantzaketa moduluen zenbateko ekonomikoak, hots, Hezkuntzako kontseilariaren abuztuaren 27ko 79/2012 Foru Aginduan ageri direnak, eta finantzaketa modulu batzuk onesteko haur eskoletan ordutegi ezberdinetako lanaldiak konbinatzeko. 79/2012 Foru Aginduaren bidez ezarri ziren Hezkuntza Departamentuaren eta toki entitateen artean lankidetza-hitzarmenak izenpetzeko oinarriak, udal titulartasuneko Haur Hezkuntzako lehen zikloko ikastetxeen kudeaketa finantzatzeko asmoz.

Hezkuntza Departamentuaren egitura organikoa ezartzen duen urriaren 30eko 267/2019 Foru Dekretuak ematen dizkidan ahalmenak erabiliz,

EBAZTEN DUT:

1. Eguneratzea, 2019-2020 ikasturterako, Hezkuntzako kontseilariaren abuztuaren 27ko 79/2012 Foru Aginduan ageri diren finantzaketa moduluen zenbateko ekonomikoak, ebazpen honen I. eranskinean jaso bezala. 79/2012 Foru Aginduaren bidez, Hezkuntza Departamentuaren eta toki entitateen artean lankidetza-hitzarmenak izenpetzeko oinarriak ezarri ziren, udal titulartasuneko Haur Hezkuntzako lehen zikloko ikastetxeen kudeaketa finantzatzeko asmoz.

2. %24an eguneratzea, 2019-2020 ikasturterako, toki entitateei dagokien ekarpenaren portzentajea, udal titulartasuneko Haur Hezkuntzako lehen zikloko ikastetxeen kudeaketa finantzatzeko.

3. Finantzaketa modulu batzuk onestea harik eta, kasua bada, zuzendari nagusiak aurrekontuko xedapenen arabera eguneratzen dituen arte, haur eskoletan ordutegi ezberdinetako lanaldiak konbinatu ahal izateko, ebazpen honen II. eranskinean ageri den bezala.

4. Ebazpen hau eta eranskinak Nafarroako Aldizkari Ofizialean argitaratzea.

5. Ebazpen hau eta eranskinak igortzea interesa duten toki entitateei, Hezkuntza Departamentuko 0-3 urteko Zikloaren eta Landa Eskolen Atalari eta Aurrekontuen eta Kudeaketa Ekonomikoaren Atalari, eta Ekonomia eta Ogasun Departamentuak Hezkuntza Departamentuan duen kontu-hartzailetza delegatuari.

6. Administrazio publikoek administrazioarekiko auzi-errekurtsoa jartzen ahal dute eskumena duen ordena jurisdikzionalari zuzendua, honako hau jakinarazi eta biharamunetik hasita bi hilabeteko epean, alde batera utzi gabe Nafarroako Gobernuari aurretiazko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epeetan.

Iruñean, 2020ko otsailaren 10ean.–Hezkuntzako zuzendari nagusia, Gil Sevillano González.

I. ERANSKINA

A modulua

–Ordutegi osoa (7 ordu egunero, haurrak bertan direla):

B modulua

–Ordutegi murriztua (6 ordu egunero, haurrak bertan direla):

C modulua

–Lanaldi erdiko ordutegia (4 ordu egunero, haurrak bertan direla):

D modulua. Ordutegi konbinatua duten ikastetxeak
(ordutegi osoa/erdia)

Guztirako modulua batuketa honen emaitza izanen da: ordutegi osoko unitateen kopuruari dagokion azpimodulua gehi ordutegi erdiko unitateen kopuruari dagokion azpimodulua gehi ikastetxeko unitate guztien kopuruari dagokion azpimodulua.

–Ordutegi osoko unitateen azpimodulua:

–Lanaldi erdiko unitateen azpimodulua:

–Ikastetxeko unitate guztien kopuruaren azpimodulua:

II. ERANSKINA

E modulua. Ordutegi konbinatua duten ikastetxeak
(ordutegi osoa/murriztua)

Guztirako modulua batuketa honen emaitza izanen da: ordutegi osoko unitateen kopuruari dagokion azpimodulua gehi ordutegi murriztuko unitateen kopuruari dagokion azpimodulua gehi ikastetxeko unitate guztien kopuruari dagokion azpimodulua.

–Ordutegi osoko unitateen azpimodulua:

–Lanaldi murriztuko unitateen azpimodulua:

–Ikastetxeko unitate guztien kopuruaren azpimodulua:

F modulua. Ordutegi konbinatua duten ikastetxeak
(ordutegi osoa/murriztua/erdia)

Hiru lanaldi motak baimenduak dituzten ordutegi konbinatuko ikastetxeetan, zeinetan X unitate ordutegi osokoak diren, Y unitate ordutegi murriztukoak eta Z unitate lanaldi erdikoak, honako hauen batura izanen da guztirako modulua:

–Modulua: zuzendaria ordutegi osoan (A modulua).

–Modulua: X hezitzaile ordutegi osoan (A modulua).

–Funtzionamendu gastuak ordutegi osoko X unitaterentzat (A modulua).

–Modulua: Y hezitzaile ordutegi murriztuan (B modulua).

–Funtzionamendu gastuak ordutegi murriztuko Y unitaterentzat (B modulua).

–Modulua: Z hezitzaile lanaldi erdian (C modulua).

–Funtzionamendu gastuak lanaldi erdiko Z unitaterentzat (C modulua).

–Modulua: X+Y+Z unitateei dagozkien garbiketa-lanak (A modulua).

G modulua. Ordutegi konbinatua duten ikastetxeak
(ordutegi murriztua/erdia)

Bi lanaldi motak baimenduak dituzten ordutegi konbinatuko ikastetxeetan, zeinetan Y unitate ordutegi murriztukoak diren eta Z unitate lanaldi erdikoak, honako hauen batura izanen da guztirako modulua:

–Modulua: zuzendaria ordutegi murriztuan (B modulua).

–Modulua: Y hezitzaile ordutegi murriztuan (B modulua).

–Funtzionamendu gastuak ordutegi murriztuko Y unitaterentzat (B modulua).

–Modulua: Z hezitzaile lanaldi erdian (C modulua).

–Funtzionamendu gastuak lanaldi erdiko Z unitaterentzat (C modulua).

–Modulua: Y+Z unitateei dagozkien garbiketa-lanak (A modulua).

Iragarkiaren kodea: F2002124