1. NAFARROAKO FORU KOMUNITATEA
1.5. ESTATUTUAK ETA LAN HITZARMEN KOLEKTIBOAK
13C/2020 EBAZPENA, urtarrilaren 30ekoa, Enpresa Politikaren, Nazioarteko Proiekzioaren eta Lanaren zuzendari nagusiak emana, Restauración Hambar Cuatro SL enpresaren Iruñeko Mercaderes kaleko 17ko lantokirako hitzarmen kolektiboa erregistratu, gordailutu eta Nafarroako Aldizkari Ofizialean argitaratzea erabakitzen duena.
Restauración Hambar Cuatro SL enpresaren Iruñeko Mercaderes kaleko 17ko lantokirako hitzarmen kolektiboaren testua aztertu da (kode zenbakia: 31101711012020), erregistro honetan 2019ko otsailaren 15ean sartu zena, enpresaren ordezkariek eta sindikatuen ordezkariek 2017ko abenduaren 15ean izenpetu eta 2020ko urtarrilaren 13an zuzendua, Langileen Estatutuaren Legearen testu bategina onetsi zuen urriaren 23ko 2/2015 Legegintzako Errege Dekretuaren 90. artikuluaren 2. eta 3. apartatuetan eta Laneko hitzarmen eta akordio kolektiboen erregistro eta gordailuari buruzko maiatzaren 28ko 713/2010 Errege Dekretuan ezarritakoaren arabera. Horrenbestez,
EBAZTEN DUT:
1. Nafarroako Lan Hitzarmen eta Akordio Kolektiboen Erregistroan inskribatzeko agintzea.
2. Nafarroako Aldizkari Ofizialean argitaratzeko agintzea, orok jakin dezan.
Iruñean, 2020ko urtarrilaren 30ean.–Enpresa Politikaren, Nazioarteko Proiekzioaren eta Lanaren zuzendari nagusia, Izaskun Goñi Razquin.
Restauración Hambar Cuatro SL enpresaren hitzarmen kolektiboa, Iruñeko lantokirako (PDFa).
Iragarkiaren kodea: F2001630
