2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
ZIZUR NAGUSIA
Deialdi publikoa, dirulaguntzak emateko, banakako ebaluazioaren erregimenean, mugitzeko desgaitasun larriak dituzten Zizur Nagusiko herritarrei, egokitutako garraio alternatibo irisgarria erabil dezaten taxi-bonuaz baliatuta. Laburpena
2020ko otsailaren 14ko Alkatetzaren 119/2020 Ebazpenaren bidez onetsia.
Dirulaguntzei buruzko azaroaren 17ko 38/2003 Lege Orokorraren 17.3b eta 20.8 artikuluetan aurreikusitakoari jarraituz, argitara ematen da deialdiaren laburpena. Testu osoa Dirulaguntzen Datu Base Nazionalean kontsulta daiteke (http://www.pap.minhafp.gob.es/bdnstrans/GE/eu/index). DDBN (Identif.): 496421.
Lehena.–Onuradunak:
Onuradunak izan daitezke dirulaguntzaren jomuga den egoeran dauden pertsonak, baldin eta deialdiaren 5. puntuan aurreikusten diren inguruabarretan badaude.
Bigarrena.–Xedea:
Garraiobide alternatibo eta irisgarria eskaintzea garraio kolektiboak erabiltzeko zailtasun larriak dituzten pertsonei.
Hirugarrena.–Oinarri arautzaileak:
Zizur Nagusian mugikortasun-urritasun larriak dituztenentzat ordezko garraiobide irisgarri bat eskaintzeko, bono-taxia erabiliz, diru-laguntzak emateko oinarri arautzaileak. 2020. urtea.
Laugarrena.–Zenbatekoa:
600 euro.
Bosgarrena.–Eskabideak aurkezteko epea:
Deialdi hau indarrean dagoen bitartean aurkeztu ahal izango dira; 2020. urtean zehar, alegia.
Zizur Nagusian, 2020ko otsailaren 14an.–Alkatea, Jon Gondán Cabrera.
Iragarkiaren kodea: L2002544
