2. NAFARROAKO TOKI ADMINISTRAZIOA
2.2. XEDAPEN ETA IRAGARKIAK, HERRIEN ARABERA ANTOLATUAK
CASTEJÓN
Egoitza elektronikoa sortzea
Bat etorriz urriaren 1eko 39/2015 Legearekin (lege horrek hizpide du Administrazio Publikoen Administrazio Prozedura Erkidea) eta urriaren 1eko 40/2015 Legearekin (lege horrek hizpide du Sektore Publikoaren Araubide Juridikoa), eta herritarrek sistema telematiko bat izan dezaten gure erakundearekin komunikatzeko,
EBAZTEN DUT:
1. Castejongo Udalaren egoitza elektronikoa sortzea, honako helbide elektroniko honetan: http://www.castejon.com/.
2. Egoitza elektronikoak indarra hartuko du ebazpen hau Nafarroako Aldizkari Ofizialean argitaratu eta biharamunean.
3. Agintzea ebazpen hau Nafarroako Aldizkari Ofizialean argitara dadila.
4. Ebazpen hau jakinaraztea Udaleko alor guztiei, eta argitaratzea Udalaren egoitza elektronikoan eta web-atarian, Nafarroako Aldizkari Ofizialean argitaratzen den egunean berean.
5. Castejongo Udaleko Idazkaritza Nagusiari esleitzea egoitza elektronikoa zuzentzeko eta koordinatzeko eginkizunak.
Ebazpen honen aurka, errekurtso hauek aurkezten ahal dira:
a) Berraztertzeko errekurtsoa, egintza eman duen organoari zuzendua, hilabeteko epean, erabaki hau jakinarazi eta biharamunetik hasita.
b) Administrazioarekiko auzi-errekurtsoa, Nafarroako Auzitegi Nagusiko arlo bereko salari zuzendua, bi hilabeteko epean, ebazpen hau jakinarazi eta biharamunetik hasita.
c) Gora jotzeko errekurtsoa, Nafarroako Administrazio Auzitegiari zuzendua, hilabeteko epean, jakinarazpena jasotzen denetik hasita.
Castejonen, 2020ko azaroaren 27an.–Alkatea, David Álvarez Yanguas.
Iragarkiaren kodea: L2014591
